San Juan 5:17 - Zapoteco de Aloápam

¹⁷ Ttiaca Jesús becabie guecani re cana: —Tata quia nna satíaba riben Benniha sina, axtaba nasá ribenie. Denuala nna neti nna renguaba.

San Juan 5:17 Iomraidhean Croise

San Mateo 10:29

’¿Si läba ganna len tturba belhi nu bittu tte lidhacani te ritoꞌo chupa ca binnito? Läquiga de nua nna ni ttu ca unná bittu rinnacana lo yu, gansi bittuba aca le Tata guele do iyyabaaha.

San Juan 10:36

¿Biacala neti Benni chi riesinie udhelhe yies lo yu-ni rále dequi rinne güea gue Tata Do Iyyabaaha de ria: “Neti anca Xiꞌini Tata Do Iyyabaaha”?

San Juan 14:10

¿Si läba gua ria lelu, neti nna ttuba Benni anca lenia Tataha, Tataha nna ttuba Benni anca Benniha lenie neti? Ca tisa rinnea-ni nna läganu anca quionni rinnea, nu anca gue Tata Do Iyyabaaha Benni yuꞌu lheꞌe lastooa-niba Ben-ni rinnea. Labe runie ca milagru runia.

San Juan 5:16

Lo niꞌa gue unnuha nna besía le ca nu lo gue ca benni Israel Jesús de runie nua sá redí letu.

San Juan 5:18

Lo niꞌa gue unnuha nna ca nu lo gue ca benni Israel nna adíla bedona lecani utticane. Cumu läga sunru bittu rudoe tisa edí lee sá redí le ca nu Israel, ráguabe anque ttuba leni Tata Do Iyyabaaha de re raca tata guee Benniha.

San Juan 9:4

Laca anca resá nna unxxiri sina gue Benni udhelhe neti, cumu gua daa ribiga aca lo rela nna lania nna tsa lärga nuruha aca gueni cuenna sina.

Hechos 14:17

ttiaca lee nna tsa läga bedú sie ruleꞌe loe nuxa anque leni ca nu tsee runie len lebiꞌi, lee ridhelhe iyya yies lo yu-ni qui rixuu lena bani guele, anáchu nna te xxeni nu gole, runie qui ebe itta lele lhe.

Hechos 17:28

Cumu de larbe nna gua anca banri lhe gua ritári lhe gua seꞌeri yies lo yu-ni lhe. Attiguaba rá ttulhe ca benni rinne ca tisa elha guele-na rácana: “Riꞌi ancari xiꞌini Tata Do Iyyabaaha.”

1 Corintios 12:6

Ixe loba nu runri, ttiaca la ttuba Tata Do Iyyabaaha raca lanie iyábari qui runri nua.

Colosenses 1:16

Leni Cristuha beni Tata Do Iyyabaaha iyába ca nu seꞌe iyyabaaha lhe yies lo yu-ni lhe nu rilenri lhe nu bittu rilenri lhe. De Bennihaba nna seꞌe ca nu rinnabia-na, ca nu ra xxeni lequinna lhe ca nu anca nu lo-na lhe ca nu anca uxtisi-na lhe. Iyá bunna beni Tata Do Iyyabaaha len Cristuha, guebe ca unná lhe.

1 Tesalonicenses 2:13

Denua nna satíaba rugüetu xquixaru Tata Do Iyyabaaha, cumu atti bieninle ca tisa gue Ben-na utixxiꞌentu leha nna bedoba nagale, güiaba lele gua liba anca ben-na tisa gue Tata Do Iyyabaaha, läga uquinle anca ca tisa-na nu anca gue ca benni seꞌe yies lo yu-ni ucabinle gua liba anca ben-na tisa gue Tata Do Iyyabaaha, Ben-na unná runie sina lheꞌe lastoole, lebiꞌi ca benni ria lele Jesús.

Hebreos 1:3

Xiꞌinie-ni ruleꞌe loe nu xxeni ra le Tata Do Iyyabaaha. Lee anque itúxeaba atti anca Tata Do Iyyabaaha. Anque Benni tsitsiba ra lee, de nua nna leni tisa guebe denie iyáxeaba nu seꞌe yies lo yu-ni. Benniha nna dequide uttie lo niꞌa gue ca tulha gueri qui eyacari nu nari lo Tata Do Iyyabaaha nna beopittebe iyyabaaha qui bedoe daca ladu derechu gue Tata Do Iyyabaaha Benni ra xxeni lee.