San Juan 4:48 - Zapoteco de Aloápam

⁴⁸ Laniala rá Jesús nua: —Lebiꞌi nna gansi bittuba ilenle aca ttu milagru nu unna eban lele nna läga tsia lele.

San Juan 4:48 Iomraidhean Croise

San Mateo 16:1

Laniala bisína ca fariseo lhe ca saduceo lhe atta du Jesús qui cuꞌu biacane. Lacana nna unnabattebacana unie ttu milagru nu uleꞌe lo gansi gualí Tata Do Iyyabaaha udhelhe Benniha.

San Mateo 24:24

Cumu ixe ca benni iría innácana dequi labacana nua anca Cristu, iría ca nu inná dequi ancacana profeta gue Tata Do Iyyabaaha lhe. Lacana nna uncana ixeru ca milagru, unguabacana ilen benni ca nu uni ebanin ca benni lhe. Leni ca unnuha nna dhi yiecana ca benni. Axtaba ca benni chi becuee Tata Do Iyyabaaha, un ca nua dhi yiecana.

San Mateo 27:42

—Güenba bodilána adí benni, ttiaca bittu raca gueni gaxasná uni la labana qui lhána. Gansi gualínna ancana nu rinnabia gueri riꞌi ca benni Israel, ¡eyadi sanga-na lo ya crusi-na aní lori qui tsia leri-na!

San Marcos 13:22

Cumu ixe ca benni iría innácana dequi labacana nua anca Cristu, iría ca nu inná dequi ancacana profeta gue Tata Do Iyyabaaha lhe. Lacana nna uncana ixeru ca milagru, unguabacana ilen benni ca nu uni ebanin ca benni lhe. Leni ca unnuha nna dhi yiecana ca benni. Axtaba ca benni chi becuee Tata Do Iyyabaaha, un ca nua dhi yiecana.

San Lucas 10:18

Jesús becabie re: —Gualí galá, neti bilátia nu xxegüiha dana lo bea-na binnana attiba ttu edha.

San Lucas 16:31

Ttiaca Abraham nna rábi na: “Gansi bittuba raca lecani udo nagacani gue ca tisa gue Moisés, nigua gue ca tisa ben ca benni uca profeta lhe bittuguaba tsia le ca nua masquiba eyacani ttu nu chi utti uleꞌe loni len lacana.”

San Juan 12:37

Masquiba chi beni Jesús ixeru milagru aní lo ca benni nna bittu ria lecanie.

San Juan 15:24

Ttirca bittuba benia ca milagru nu tsa nuttu nu chi beni aní locani nna tsa lägabi tulha te ttiaca nnanna nna chi biláquinna nu benia. Läquiga de unnuha nna lacana sa tica rutía diru lecani neti lhe Tata quia lhe.

San Juan 2:18

Ca nu anca nu lo gue ca benni Israel, seꞌe nía nna rácana: —Beleꞌen riꞌitu ttu nu uni uleꞌe lo dequi gualí te derechu guelu unlu aná.

San Juan 20:29

Jesús re biꞌiniha: —¿Si de bilenlu neti nna ria lelu? ¡Carbáru ca benni bittu biláquinna nianna ria lecani!

San Juan 4:49

Ttiaca nu lo runi sina gue nu rinnabiaha nna ráne: —Benni bananie neti, utiaxxi tsiari qui antisla gatti xiꞌiniha.

Hechos 14:3

Läquiga denua nna Pablo lenbi Bernabé isáru useꞌecabi lheꞌe yiesiha rixxiꞌachaticabi itú iqui itú lecabi ca tisa gue Benni bananie ri-na. Benniha nna gua racaba lanie cabi runcabi ca milagru lhe ca nu runi rebanin ri lhe qui ruleꞌe lo gualíba anca ca tisa rixxiꞌa ca biꞌiniha tisa gue Benni bananie ri-na.

Hechos 15:12

Laniala nna iyábacana beaca sicana rudo nagacani gue Bernabé lenbi Pablo riguixxiꞌacabi gue ca milagru lhe gue ca nu runi rebaninri lhe chi beni Tata Do Iyyabaaha bencabi atta seꞌe ca benni dittu.

Hechos 2:19

Ulheꞌeguaba elha reban xxen leri iyyabaaha lhe aníaguaba aca yies lo yu-ni lhe. Ilali reni lhe ite lhe chadha bea seni lhe;

Hechos 2:22

’Larcala gualdorga nagale, xa benni Israel, gue nu innía. Lebiꞌi nna gua yuxeabale, Jesús Benni udo lheꞌe yiesi Nazaret, uque Benni ulea tsee Tata Do Iyyabaaha lo iyábale, cumu Jesús bixuunie qui benie ca elha reban leri lhe ca milagru lhe.

Hechos 2:43

Iyába ca benni rebanquinna cumu riláquinna ca milagru lhe ca nu runi rebaninri lhe runi ca biꞌini bedheti ca tisa beleꞌe Jesús.

Hechos 4:30

Beleꞌe lo nu ancalu, beni ca milagru lhe beoni ca benni rani lhe leni elha ra xxeni le guee Xiꞌinlu Jesús benni do riesinlu anca guelu.

Hechos 5:12

Ixeru ca milagru lhe ca nu runi rebaninri lhe beni ca biꞌini bedheti ca tisa beleꞌe Jesús lheꞌe yiesiha. Iyába ca benni ria le Jesús riacabi riseꞌecabi lheꞌe corredori nu te láni Corredori Gue Salomón daa roꞌo yotuha.

Hechos 6:8

Esteban nna tsitsiba ra lebi lo neda gue Tata Do Iyyabaaha, tsitsiba raca leni Benniha bi lhe. Labi nna runbi ca milagru lhe ca nu runi rebaninri lhe leni ca benni seꞌe lheꞌe yiesiha.

Hechos 7:36

Labi nua bebeabi ca benniola gueriha Egiptoha. Nianna benbi ca elha rebanin xxeni leri Egiptoha. Lo Indattoo Xinaaha lhe lo yu bisi atta nuttu benni seꞌeha lhe delo chua (40) ida.

Romanos 15:19

de biláquinbi ca milagru lhe ca nu runi reban le benni lhe beni Espíritu gue Tata Do Iyyabaaha leni elha ra xxeni le guee. Neti nna uduloa rixxiꞌaya ca tisa gue Cristuha desdeba lheꞌe yiesi Jerusalén, ni bisíaba axtaba lheꞌe ca yiesi seꞌe lo yu te láni Ilírico. Itúba ca daca nía chi utixxiꞌaya ca tisa gue Ben-na.

1 Corintios 1:22

Ca tisa-na ancaque gue nu lä caa xieni gueni len ca benni Israel-na, cumu ribedacana iláquinna milagru xxeni, anáguaba len ca benni ca nu rinne tisa griego lhe cumu reguilacana iyienquinna ca tisa elha gue nu tee elha rieni gueni.

2 Corintios 12:12

Atti urea len lebiꞌiha nna benba nu beleꞌe lo neti anca apóstol. Ucaba benni bechía lo iyába nu guatea, benba qui uca ca milagru len lebiꞌi lhe benba qui beleꞌe lo nu ra xxeni le gue Tata Do Iyyabaaha len lebiꞌi lhe.

2 Tesalonicenses 2:9

Unbiyuu runi tagaꞌa nu anca satsaha nna isíana cheena elha ra xen lee gue nu xxegüiha qui unna ca milagru, unna uleꞌen benni ca nu uni ebaninri lhe. Leni unnuha nna dhi yiena benni.

Hebreos 2:4

Güeaniba benguaba Tata Do Iyyabaaha ixe loba ca milagru lhe ca nu runi ebanin benni lhe betee Espíritu guee-na lenri lhe qui iyába unní beleꞌe lo gualíba nu rá ca tisa guee-na.