San Juan 4:36 - Zapoteco de Aloápam

³⁶ Benni ribeni güitsela nna ridíba nua lhiaxani. Lena bani redínaha nna ancana ca benni chi uxí elha nabani gatta ttu dia lii guecani, qui anáchu nna benni rudelha xua lhe benni rechú xua lhe ttulapaba edaca lecani.

San Juan 4:36 Iomraidhean Croise

San Mateo 19:29

Nuxaba benni, gansi de lo niꞌa quia chi bedhá iquini yoꞌo gueni lhe betsini lhe danni lhe tata gueni lhe nan gueni lhe nuila gueni lhe xiꞌinni lhe lo yu gueni lhe lana nna ttu gayua (100) libe tteba edína nu bennittinaha, dhína elha nabani gatta ttu tsaba gueni lhe.

San Juan 3:36

Nu ria leni gue Xiꞌinie-na gua teba elha nabani ttu dia lii gueni, nu bittuba tsia leni Ben-na nna lägabi elha nabani gue nua te ttu dia lii. Unnuha nna elha disa la yuꞌubia ute Tata Do Iyyabaahaba ralha nua dhína.

San Juan 4:14

Ttiaca benni iꞌiya inda utea-ni nna tsa lärgaga ebis nua attu libe. Cumu inda utea iꞌiyanaha aque lhiꞌu lheꞌeni attiba ttu roꞌo dina riría inda. Benniha nna utee elha nabani gatta ttu dia lii gueni.

San Juan 5:24

’Neti nna gualíbatia ria, benni rudo nagani gue nu ria nna riaguaba leni benni udhelhe neti, unnuha nna guateba elha nabani gueni ttu dia lii, läga tsia nittina. Benni yattiba uca nua lo Tata Do Iyyabaaha, nnanna nna yuꞌu elha nabani gueni lo Ben-na.

Romanos 1:13

Ca benni ria le Jesús, neti nna raca lasia unale, ixe libe chi uxaca ita atta seꞌele-na, ttiaca axta nnanna bittu chi uca ita cumu ixeba nu bedheana loa. Neti nna rdaca ita atta seꞌele-na qui useꞌa adí benni tsia lecani Jesús, attiba chi beseꞌa ca benni ria le Ben-na lheꞌe adí ca yiesi atta seꞌe ca benni bittu anca benni Israel.

Romanos 2:7

Lee nna utee elha nabani gatta ttu dia lii gue ca benni seꞌe ruchía runi nu anca tsee de ridá lecabi cuequi xen Tata Do Iyyabaaha cabi, cumu raca lecabi acacabi benni iyapa respeto lo Ben-na lhe benni aca bani ttu dia lii lhe.

Romanos 6:22

Ttiaca nnanna lebiꞌi nna lärga ancale attiba nu ttoꞌo lo sina lo nu bittu anca tsee-na, nu rixuu lo sina gue Tata Do Iyyabaahaba chi ancale. Nu tsee ridíle gue unní nna ancana: chi ulequiesi Tata Do Iyyabaaha le qui acale benni guee, acale nu gatta elha nabani gueni ttu dia lii lhe.

Romanos 6:23

Cumu elhuttiba chee ca tulha runri-na gueri, ttiaca nu tsee redá lee Tata Do Iyyabaaha rute cuentaba len riꞌi nna ancana elha nabani gatta ttu dia lii gueri de chi ancari gue Jesucristu Benni bananie ri.

1 Corintios 9:17

Gansi neti rixxiꞌaya ca tisa-na cumu de racaba lasia, guateba lhiaxa. Ttiaca gansi de rido duelhaba nuarca requia rixxiꞌaya ca tisa-na, lania nna läga runia nua de raca lasia, sinuqui de bocaꞌanba Tata Do Iyyabaaha sina-ni len neti.

1 Corintios 9:18

Nianna, ¿bila nua anca lhiaxa ralha dhia ganna? Nu tsee ralha dhia ancana: Do tseea bittu ridía belhi gue de requia rixxiꞌaya ca tisa gue Jesús, delába bittu rinnaba ute ca benni nu ralha dhia.

1 Tesalonicenses 2:19

Cumu, ¿núla nua raquinle anca nu unna qui dhítu nu xen letu lhe nú unna edaca letu lhe nú unna cue xentu lo Jesús Benni bananie ri gan läba lebiꞌi nua atti utsá dule lo Benniha gansi chi besíe?

1 Timoteo 4:16

Lhatsiru bedú lelu, lhatsiru beleꞌen ca benni lhe. Tsitsi udú beni nu chi rialu unlu. Cumu aná liba nna lhálu bittu tsia nittilu, lháguaba ca benni udo nagacani guelu lhe.