San Juan 4:23 - Zapoteco de Aloápam

²³ Ttiaca chi isía uraha, nnannargua nua nna chi bisía ura atti cuequi xen ca benni gualígaquinna cuequi xencana Tata Do Iyyabaaha attiba gaꞌana uncana lhe attiba raca le Espíritu guee lhe. Lee nna rile ca loesi lacana qui cuequixxencana itú iqui itú lecani lee.

San Juan 4:23 Iomraidhean Croise

San Juan 1:17

Cumu ca ley gue Tata Do Iyyabaaha nna Moisésba betebi Benniha len riꞌi. Ttiaca elha siꞌi le gue Tata Do Iyyabaaha lhe nu anca gualí lhe, Jesús Benni anque Cristu beleꞌe loe Ben-na len riꞌi.

San Juan 12:23

Benniha nna re cabi: —Bisíaba ura neti Benni unbiyuu daa iyyabaaha nna eyopia iyyabaaha qui uleꞌe lo neti anca Benni ra xxeni leni.

San Juan 16:2

Lebiꞌi nna ebea ca benni le lheꞌe ca yoꞌo atta rudhetile ca tisa gue Tata Do Iyyabaaha, isía sá nna nuxaba uttin le nna aquinna sina gue Tata Do Iyyabaahaba nua runna unna anía.

San Juan 16:32

Uraha nna chiba daa nua ribigana, chiba bisía ura atti isatsa lheꞌe loesle, coa ttuttubale udaxxu neda guele gaxa ladu tsiale, atturba ocaꞌanle lania. Ttiaca läga tturu neti dua, gua duba Tata quiaha len neti.

San Juan 4:21

Jesús becabie re nuilaha: —Güia lelu nu ria-ni. Chi isía sá atti ni iqui iꞌiya-ni lhe ni Jerusalén-na lhe lä udú xibile qui cuequixxenle Tata Do Iyyabaaha.

San Juan 5:25

Neti nna gualíbatia ria le chi daa isía ura ria-ni, nnanna nna uraba Benni chi bisía, atti iyienini ca benni anca attiba nu yatti lo Tata Do Iyyabaaha tsiꞌa, neti Xiꞌinie-ni, ca nu udo nagacani quia nna guaca banbacana.

San Juan 5:28

Bittu ebaninle gue nu ria-ni, cumu chi isía ura atti iyienini iyába ca nu yatti yuꞌu lheꞌe ca baa-na tsiꞌa.

Romanos 1:9

Tata Do Iyyabaaha, Benni itú iqui itú lasia rixuua lo sina guee rixxiꞌaya ca tisa gue Xiꞌinie Jesús, guayuxeabe satíaba rexxa lasia le atti rinnea rulise.

Romanos 8:15

Cumu lebiꞌi nna läga uxíle Espíritu gue Tata Do Iyyabaaha qui edeseꞌele edeacale nu ttoꞌo lo sina gue elha rasi-na, sinuqui uxíle Espíritu-na qui acale xiꞌini Tata Do Iyyabaaha, cumu Espíritu gue Ben-na runie rinneri rári: “¡Tata xisto quia!”

Romanos 8:26

Anáguaba unná rateri, Espíritu gue Tata Do Iyyabaaha raca lanie ri atti bittu guacari innábari lo Tata Do Iyyabaaha, cumu riꞌi nna bittu yuri bixa innábari. Ttiaca cuinaba Espíritu gue Tata Do Iyyabaaha runie ruegu lo Ben-na qui aca lanie ri len ttu tsiꞌi nu bittu aca gueri quixxiꞌari na len tisa.

Gálatas 4:6

De chi ancari xiꞌinie nna nuarca udhelhe Espíritu gue Xiꞌinie lheꞌe lastoori. Espírituha Ben-na rinnee atti rári Tata Do Iyyabaaha: “¡Tata xisto quia!”

Efesios 6:18

Larcala nna satía gualtseꞌe gualnne len Tata Do Iyyabaaha, Espíritu gue Ben-na aca lanie le atti seꞌe ditile rinnabale lo Ben-na nu raca lele, gue nu reasa lhe. Satía gualtseꞌe tenná, bittu saxxaquinle, gualnnaba aca lani Tata Do Iyyabaaha ca benni seꞌe riesi chi anca gue Ben-na.

Filipenses 3:3

Tiaca riꞌila unní nna nu gualíga ancari benni gue Tata Do Iyyabaaha, cumu cuinaba Espíritu gue Ben-na runie rudú xibiri loe. Riꞌi nna redaca leri de babari len Jesús Benni anque Cristu, läga xen leri lhári de nuxa ancari lhe o si gansi guayuꞌuri senni lhe.

1 Pedro 2:9

Ttiaca lebiꞌi nna ancale ca benni chi becuee Tata Do Iyyabaaha, ancale bixxudi gue Benni rinnabie ri-na lhe ancale yiesi chi ulequiesie lhe Benni guee lhe qui quixxiꞌenle ca benni gue nu xxeni reban leri run Ben-na. Denuala nna uxie le, eríale lheꞌe chulha-na qui utaꞌale lheꞌe xieni gaꞌana tsee guee.