San Juan 4:21 - Zapoteco de Aloápam

²¹ Jesús becabie re nuilaha: —Güia lelu nu ria-ni. Chi isía sá atti ni iqui iꞌiya-ni lhe ni Jerusalén-na lhe lä udú xibile qui cuequixxenle Tata Do Iyyabaaha.

San Juan 4:21 Iomraidhean Croise

San Mateo 18:20

Cumu atta riseꞌe chupa o tsunna benni de ria lecani neti, níaba dua lagüi guecani.

San Mateo 28:19

Larcala nna gualtsia lheꞌe iyába ca yiesi seꞌe itúba yies lo yu-ni, gualuseꞌe ca benni udheti ca tisa quia-ni, gualugadicana inda lhe. Atti ugadile cana inda nna udettile lá Tata Do Iyyabaaha, lá Xiꞌini Benniha lhe lá Espíritu gue Benniha lhe.

San Lucas 21:24

Ttulhecana gatticana lo ná ca soldado, adícana nna iyaxxucana echecan cana lheꞌe ca yiesi dittu. Ca benni dittu nna udhaca güecana yiesi Jerusalén-ni, axta liba lhuxa ca sá chi gaꞌanani Tata Do Iyyabaaha satecana.

San Juan 14:6

Jesús becabie re: —Netiba nua anca neda dia atta do Tata Do Iyyabaaha. Anca nu ruleꞌe nu anca gualí lhe anca nu rute elha nabani ttu dia lii lhe. Ni ttu benni bittu aca gueni isínna len Tata quia gansi läba neti unia qui isínna len Benniha.

San Juan 16:2

Lebiꞌi nna ebea ca benni le lheꞌe ca yoꞌo atta rudhetile ca tisa gue Tata Do Iyyabaaha, isía sá nna nuxaba uttin le nna aquinna sina gue Tata Do Iyyabaahaba nua runna unna anía.

San Juan 16:32

Uraha nna chiba daa nua ribigana, chiba bisía ura atti isatsa lheꞌe loesle, coa ttuttubale udaxxu neda guele gaxa ladu tsiale, atturba ocaꞌanle lania. Ttiaca läga tturu neti dua, gua duba Tata quiaha len neti.

San Juan 4:23

Ttiaca chi isía uraha, nnannargua nua nna chi bisía ura atti cuequi xen ca benni gualígaquinna cuequi xencana Tata Do Iyyabaaha attiba gaꞌana uncana lhe attiba raca le Espíritu guee lhe. Lee nna rile ca loesi lacana qui cuequixxencana itú iqui itú lecani lee.

San Juan 5:25

Neti nna gualíbatia ria le chi daa isía ura ria-ni, nnanna nna uraba Benni chi bisía, atti iyienini ca benni anca attiba nu yatti lo Tata Do Iyyabaaha tsiꞌa, neti Xiꞌinie-ni, ca nu udo nagacani quia nna guaca banbacana.

San Juan 5:28

Bittu ebaninle gue nu ria-ni, cumu chi isía ura atti iyienini iyába ca nu yatti yuꞌu lheꞌe ca baa-na tsiꞌa.

Hechos 6:14

Chiguaba bienintu rána dequi Jesús, benni udo lheꞌe yiesi Nazaret, utseꞌe lona yotu-ni lhe otsiana nu chi labiri runri nu bocaꞌana Moisés unri lhe.

Efesios 2:18

De Jesucristuharba nna si ancari benni Israel o si bittu lhe iyábari chi yali lo neda gueri ibigari lo Tata Do Iyyabaaha. Cumu la ttuba Espíritu gue Benniha yuꞌu lheꞌe lastoo iyábari.

Efesios 3:14

Denuala nna rudú xibia lo Tata Do Iyyabaaha, Tata gue Jesucristu, Benni bananie ri.

1 Timoteo 2:8

Larcala nna raca lasia inne ca unbiyuu-na len Tata Do Iyyabaaha gaxaba seꞌecana, güetsaa ilidha ná ca unbiyuu runi nu ruꞌu le Tata Do Iyyabaaha, ca nu bittu risaꞌaquinna lhe ca nu bittu ritilha tisacana lhe.

1 Pedro 1:17

Gansi lebiꞌi rále raca Tata guele Tata Do Iyyabaaha Benni runi ttu ttulapaba elha uxtisi gue coa nu runba ttuttu benni, lebiꞌi nna gualgape respeto itú iqui itú lele laca seꞌele yies lo yu-ni.

Apocalipsis 21:22

Ni ttu yotu bittu bilátia lheꞌe yiesiha cumu Tata Do Iyyabaaha Benni bananie ri-na, Benni tsitsi ra xxeni lee-na lenie Benni anque Carneꞌeha ancaque yotu gue yiesiha.