San Juan 4:14 - Zapoteco de Aloápam

¹⁴ Ttiaca benni iꞌiya inda utea-ni nna tsa lärgaga ebis nua attu libe. Cumu inda utea iꞌiyanaha aque lhiꞌu lheꞌeni attiba ttu roꞌo dina riría inda. Benniha nna utee elha nabani gatta ttu dia lii gueni.

San Juan 4:14 Iomraidhean Croise

San Mateo 25:46

Nianna rá Jesús: —Ca nu runi nu lä anca tsee-na nna tsiabacana atta ttu dia liiba uyúcana elha disa, ca nu runi nu anca tsee-na nna eyyabacana atta gatta elha nabani guecani ttu dia lii.

San Mateo 5:6

’Carbáru ca benni ridá lecani uncana nu anca tsee raca le Tata Do Iyyabaaha aca, cumu guasiaba sá aca nu ridá lecani aca.

San Juan 10:10

’Ubanaha nna suntteba daa nua lhanana, uttina lhe utseꞌe lona lhe ttiaca neti nna delha utea elha nabani guele qui gatta xxeni elha nabani guele ttu dia lii.

San Juan 11:26

Iyába ca benni anca bani ria lecani neti nna läga gatti ca nua ttu tsa. ¿Si gua ria lelu nu ria-ni?

San Juan 4:10

Jesús becabie gueni re na: —Ganruba ttirca yulu gue nu tsee rute Tata Do Iyyabaaha, gue nú benni unní rinnabe lu inda lhe lu nna innábalu lenie, lee nna utee inda rute elha nabani iꞌiyalu.

San Juan 4:11

Nuilaha nna ráne: —Tata, inqui lägabi denlu bixa leni cuealu inda nna pozo-ni nna axta lhiꞌu dionna. ¿Gala saxxílu inda rálu runna elha nabani-na ganna?

San Juan 4:13

Jesús becabie re na: —Iyába ca benni riꞌiya inda-ni nna rebisi dacaba ca nua attu libe.

San Juan 4:36

Benni ribeni güitsela nna ridíba nua lhiaxani. Lena bani redínaha nna ancana ca benni chi uxí elha nabani gatta ttu dia lii guecani, qui anáchu nna benni rudelha xua lhe benni rechú xua lhe ttulapaba edaca lecani.

San Juan 6:27

Bittu udoxxatta lele quilale elha go nu bittu ruchía isá yies lo yu-ni. Nu unlale nna gualuni duelha gualeguila elha go nu ute elha nabani ttu dia lii guele. Elha go-ni nua utea len lebiꞌi, neti Benni unbiyuu daa iyyabaaha. Denua nna Tata quia do iyyabaaha chi bodúe neti.

San Juan 6:35

Jesús re cana: —Neti anca ttaxtila rute elha nabani ttu dia lii. Benni itana len neti nna tsa lärgabi ttun nua, nu tsia leni neti nna tsa lärgabi ebis nua.

San Juan 6:58

Benni anque ttaxtila daa iyyabaaha, bittu anque loesi ttaxtila lá maná uto ca benniola gueri useꞌe atti nía. Masquiba utocana benniha nna labíaba utticana, ttiaca benni gona ttaxtila-ni nna aca banbana ttu dia lii iyyabaaha.

San Juan 7:37

Atti bisía sá lhuxa laníha, la sá nua anca sá laní xeni, lania nna udulítteba Jesús unnee idisa re: —Gansi nuxale rebisle nna gualtá len neti gualiꞌiya inda.

Romanos 5:21

qui attiba tulha-na unnabiana qui bisía elhutti gue ca benni, anáguaba elha tsee gue Tata Do Iyyabaaha redá lee rute lenri rinnabiana reacari benni bitturu tulha gueni te qui aca banri ttu dia lii, de nu beni Jesucristu Benni bananie ri-na.

Romanos 6:23

Cumu elhuttiba chee ca tulha runri-na gueri, ttiaca nu tsee redá lee Tata Do Iyyabaaha rute cuentaba len riꞌi nna ancana elha nabani gatta ttu dia lii gueri de chi ancari gue Jesucristu Benni bananie ri.

2 Corintios 1:22

Ben-na berenie ri senni qui ruleꞌe lo chi ancari guee, delába uluꞌe Espíritu guee lheꞌe lastoori. Unná runi ruleꞌe lo guadíbari iyá nu chi re utee.

Efesios 4:30

Bittu unle dhu siꞌi le Espíritu gue Tata Do Iyyabaaha, cumu Espíritu-na runie ruleꞌe lo gualíba chi ancale benni gue Tata Do Iyyabaaha, axta liba gansi chi bisía sá odilá Ben-na ri ttu tsaba.

1 Pedro 1:22

Lebiꞌi nna de rudole tisa gue ca tisa rixxiꞌa nu anca gualí-na, nuarca chi beni Espíritu gue Tata Do Iyyabaaha beaca nari lastoole qui anáchu gualíga eꞌeyule acaguinle gue ca benni ria le Jesús. Larcala nna itú iqui itú lele aquin gue loesle.

1 Juan 5:20

Gua yuguabari nna Xiꞌini Tata Do Iyyabaaha bisíe yies lo yu-ni qui betee elha rieni gueri qui benbiari Benni gualíga anca Tata Do Iyyabaaha. Riꞌi nna seꞌeri leni Benni gualíga anca Tata Do Iyyabaaha cumu seꞌeri leni Xiꞌinie Jesús Benni anque Cristu. Lee anque Benni gualíga anca Dios, anque Benni rute elha nabani gatta ttu dia lii gueri lhe.

Apocalipsis 7:16

Lacana nna lärga satecana ttuncana, lä ebisirguabacana inda lhe lä utterguaba ubisa-na cana lhe lä acarguaquinna lisiꞌi lhe.

Apocalipsis 7:17

Cumu Benni anque Carneꞌe du rulha gue atta du xxila do benni rinnabia-naba aque benni gape cana attiba ttu benni ruyú carneꞌe. Ben-na ichee cana roꞌo dina atta riyaa inda rute elha nabani ttu dia lii qui iꞌiyacana. Tata Do Iyyabaaha uxíe roꞌo locani inda ribesicana.