San Juan 3:34 - Zapoteco de Aloápam

³⁴ Ben-na anque Benni udhelha Tata Do Iyyabaaha, ca tisa gue Bennihaba rinnee, cumu Tata Do Iyyabaaha nna itú iqui itú lee bete Espíritu guee len Ben-na.

San Juan 3:34 Iomraidhean Croise

San Mateo 12:18

Nii du Ben-ni ixuu lo sina quia. Ben-na chi becueea. Lee racatia guee, len lee do tseea lhe. Neti nna unia qui tsuꞌu Espíritu quia lheꞌe cuerpu guee. Lee nna tsequie quixxiꞌanie iyárechaba benni gue gaxasná unia qui salía tseen cana.

San Lucas 4:18

Espíritu gue Tata Do Iyyabaaha yuꞌe lheꞌe cuerpu quia. Benna chi ulequiesie neti qui tsiaya quixxiꞌaya ca tisa tsee gue gaxasná rinnabia Tata Do Iyyabaaha len ca benni bittu te gueni. Udhelhaguabe neti qui quixxiꞌaya gaxasná lhá ca nu te lisiyya-na lhe qui unia iláni ca nu xua loquinna lhe qui odiláya ca nu seꞌe siꞌi-na lhe

San Juan 1:16

De chi anque Benni te iyá guee nna iyábari chi uxíri lhe ridíri lhe adí elha tsee rute len riꞌi.

San Juan 15:26

’Neti idhelha Benni aca lanie le, delába Espíritu Benni ruleꞌe nu anca gualí. Benniha nna atta do Tata Do Iyyabaaha li iríe dee. Lee quixxiꞌe nuxa anca.

San Juan 16:7

Neti nna rpeba le nu anca gualí: Tseerla salíanale eyyaꞌaya, cumu gansi bittuba eyyaꞌaya nna läga isía Espíritu Benni aca lanie le. Ttiaca gansi eyyaꞌaya nna lania nna idhelha Benniha len lebiꞌi.

San Juan 3:17

Cumu Tata Do Iyyabaaha nna läga udhelha Benniha neti Xiꞌinie-ni qui unia tsia nitti ca benni seꞌe yies lo yu-ni, udhelhabe neti qui odiláya cana.

San Juan 5:26

Cumu attiba Tata quia do iyyabaaha lee rute elha nabani, aníaguaba neti Xiꞌinie-ni benguabe aca benni rute elha nabani.

San Juan 7:16

Jesús becabie re cana: —Läga nunca quionni ruleꞌa, nunca gue Benni udhelhe neti bunni.

San Juan 8:40

Ttiaca lebiꞌi runlale uttile neti de anca benni rixxiꞌa nu anca gualí, nu bienbatia rá Tata Do Iyyabaaha. ¡Abraham tsa läga ben biꞌiniha atti runle na!

San Juan 8:47

Benni anca gue Tata Do Iyyabaaha nna ca tisa gue Bennihaba rudo naga nua, ttiaca lebiꞌi nna läga ancale gue Tata Do Iyyabaaha, nuarca bittu raca lele udo nagale ca tisa gue Benniha.

Hechos 1:2

axta liba atti bisía sá beopie deyye iyyabaaha. Atti deobali eyye nna leni Espíritu gue Tata Do Iyyabaaha chi utixxiꞌanie ca biꞌini bedheti ca tisa beleꞌenie ca benni chi becuee bixa anca nu uncabi.

Hechos 10:38

Anáguaba gua yubale, Tata Do Iyyabaaha betee Espíritu guee leni Jesús gue Nazaret, benie aca Benniha Benni ra xxeni leni lhe guayúguabale benniha nna güequie benie nu anca tsee, beonie ca nu ruyúcana elha disa de yuꞌu be xxegüi lheꞌe cuerpu guecani lhe. Iyá bunni benie cumu Tata Do Iyyabaahaba due len Benniha.

Romanos 8:2

Cumu Espíritu gue Tata Do Iyyabaaha Benni rute elha nabani gueri de chi ancari benni gue Jesucristuha, Ben-na chi bodile neti lo ca tulha quia lhe lo elhuttiha lhe ca unná nna lärga rinnabiacana neti.

Efesios 3:8

Delo iyá ca benni seꞌe riesi anca gue Tata Do Iyyabaaha nna netiba anca nu xubana bittu daca, ttiaca lee nna betee elha tsee-ni len neti qui quixxiꞌatia ca benni bittu anca benni Israel ca tisa guee-ni, rixxiꞌatia cana gue nu gaꞌana tsee bittu lhuxa te gueri len Cristuha.

Colosenses 1:19

Cumu anába uyuꞌu le Tata Do Iyyabaaha aca, labe uca lee aca Cristu Benni ra xxeni lee attiba lee.

Colosenses 2:9

Cumu Cristu Benni uque benni attiba riꞌi, atti bite yies lo yu-ni nna anque itútteba atti anca Tata Do Iyyabaaha.

Apocalipsis 21:6

Dequila nna re neti: ―Chiba uluxa iyá. Neti anca Benni du atti udulo lhe Benni du atti lhuxa lhe attiba letra A lenna letra Z. Nuxa benni rebisna inda, neti utea inda riyaa roꞌo dina rute elha nabani ttu dia lii iꞌiyana. Lana nna tsa lägabi dhaquinna indaha.

Apocalipsis 22:1

Ingeliha nna beleꞌenbi neti ttu yoo nari che inda rute elha nabani ttu dia lii. Indaha nna anque yaa rilá saba lheꞌe attiba lheꞌe tu iyya guana, benniha nna riríe atta du xxila do Tata Do Iyyabaaha rinnabie, atta do Benni anque Carneꞌeha lhe.