San Juan 3:31 - Zapoteco de Aloápam

³¹ ’Ben-na dee iyyabaaha. Lee anque benni ra xxeni leni gue delo iyába. Benni anca gue yies lo yu-ni nna suntteba gue yies lo yu-ni anca nua, nu anca gue yies lo yu-niba rinnena. Ttiaca Benni daa iyyabaa nna Benniha anque Benni ra xxeni leni gue delo iyába.

San Juan 3:31 Iomraidhean Croise

San Mateo 28:18

Jesús ubigattebe atta seꞌe ca biꞌiniha, nianna re cabi: —Tata Do Iyyabaaha chi betee derechu len neti, qui innabiaya yies lo yu-ni lhe iyyabaaha lhe.

San Juan 1:15

Juan utixxiꞌabi gue Benniha atti unnebi rábi: —Gue Ben-ni nua rinnea atti ria: “Benni isía dequide neti nna Benniha anque Benni ra xxeniru lee atti neti, cumu primerla Benniha chi doe atti antisla dhoa.”

San Juan 1:27

Benniha nua daa dequide neti. Neti nna nibala bi elha ralha idhasia lo guaracha guee.

San Juan 1:30

Gue Ben-ni nua rixxiꞌatia le atti ria: “Benni daa dequide neti nna anque Benni ra xxeni ru lee atti neti. Cumu anque Benni udo primero atti neti.”

San Juan 3:30

Larcala nna raca duelha eꞌeyu Ben-na aque Benni ra xxeni leni, neti nna eyadi ga lasia eyaca nu bittu ra xxeni leni.

San Juan 6:33

Cumu netiba nua goadia iyyabaaha anca ttaxtila gue Tata Do Iyyabaaha rutea elha nabani gue ca benni seꞌe yies lo yu-ni.

San Juan 6:51

Neti nua anca ttaxtila rute elha nabani guadi iyyabaaha. Benni gona ben-ni nna aca banna ttu dia liiba iyyabaaha. Ttaxtila utea-ni nna anque cuinaga cuerpu quia, utea na qui ca benni seꞌe yies lo yu-ni nna gatta elha nabani guecani ttu dia lii.

San Juan 8:23

Lee nna re cana: —Lebiꞌi nna ancale benni gue liree, neti nna anca benni gue güetsaa. Benni gue yies lo yu-niba ancale, neti nna läga benni gue yies lo yu-ni neti.

Hechos 10:36

Tata Do Iyyabaaha unnee len riꞌitu ca benni Israel, utixxiꞌenie riꞌitu ca tisa rixxiꞌa gue ttu nu tsee, delába iyába ca benni gansi tsia lecani Jesucristu Benni anque Benni banani iyárecha ri nna eyacatseecana leni Tata Do Iyyabaaha.

Romanos 9:5

Lacabi ancacabi ca benni datía ca benniola uca nu lo gueri useꞌe atti nía, anáguaba Cristuha lhe lotia gue ca biꞌiniha guaba dee atti ulie yies lo yu-ni. Lee anque Dios rinnabia iyáxea. Ben-na satía cuequi xenrie. Amén.

Hebreos 9:1

Lo sitsi atta dia ca tisa bodhaꞌan Tata Do Iyyabaaha primeroha nía rixxiꞌa gue yotu lari udo yies lo yu-ni, gue gaxasná cuequi xxeni ca benni loe lhe.

1 Pedro 3:22

Benniha nna beopie iyyabaaha bedoe daca derechu gue Tata Do Iyyabaaha, ca ingeli-na lhe ca nu rinnabia-na lhe ca nu ra tsitsi lequinna lhe seꞌecana rudá iquicani guee.

1 Juan 4:5

Ca nu run leni requi-na nna benni gue yies lo yu-niba ancacana. Larcala nna nu anca gue yies lo yu-niba rinnecana. Ca benni anca gue yies lo yu-ni nna rudo nagacani guecani.

Apocalipsis 19:16

Lo lari nucu Benniha lhe lo xiche lhe dia lee, nu rá aní: “Benni rinnabia gue ca nu rinnabia-na; Benni banani ca nu ra xxeni lequinna lhe.”