San Juan 3:3 - Zapoteco de Aloápam

³ Jesús becabie re: —Neti nna gualíbatia rpea lu, benni bittuba galina attu libe nna läga aca isela nua ca benni rinnabia Tata Do Iyyabaaha.

San Juan 3:3 Iomraidhean Croise

San Mateo 16:17

Laniala nna rá Jesús biꞌiniha: —Carbárulu, xa Simón, xiꞌini Jonás, cumu läga benni utixxiꞌenna lu nu unnelha, sinuqui Tata quia do iyyabaahaba utixxiꞌenie lu nu ralha.

San Mateo 19:24

Attu libe rpea le: Gaxa guaterla ttu nimala te láni camello lheꞌe belea do xan ttu tsioxa atti ttu benni te gueni eꞌeyuna acana benni rinnabia Tata Do Iyyabaaha.

San Mateo 21:31

Laniala nna rá Jesús: —Delo irupa ca nua, ¿nú ca nua raquinle bencana nu raca le tata guecaniha? Ca bixxudiha nna becabicana rácana: —Nu xeniha. Jesús re cana: —Neti nna gualíbatia rpea le, ca güequixa-na lhe ca nuila requi manni-na lhe sattirla dhielhacana acacana benni rinnabia Tata Do Iyyabaaha atti lebiꞌi.

San Mateo 5:18

Neti nna gualíbatia ria le, laca sna rerba yies lo yu-ni lhe iyyabaaha lhe ni ttu tisa chicaꞌa lhe ni ttu letra lhe nu dia lo ca ley-na bittu ttua, axta qui saxxína aca iyá nu chi gaꞌana lo ca ley-na aca.

San Marcos 10:14

Atti biláni Jesús nu run ca biꞌiniha nna guanni dittebanie. Nianna ráttebe ca biꞌiniha: —Gualgüelha ca unto-na itacana len neti, bittu usunale, cumu ca benni anca attiba ca unní liba ancacana benni rinnabia Tata Do Iyyabaaha.

San Marcos 9:47

Gansi ttu iyya lolha runna ixúyielu unlu nu lä anca tsee, lu nna ulequi na, cumu tseerla salíana lu etaꞌalu atta rinnabia Tata Do Iyyabaaha bittu ttu lhaꞌa iyya lolu tee, attichula tsialu atta lexúaha leni irpa lhaꞌa ca iyya lolha.

San Juan 1:13

Beꞌeyucana ucacana xiꞌini Tata Do Iyyabaaha, läga anía ancacana ulcana, niguaba ca tata nan guecani uca lecani lhe, ucacana xiꞌini Tata Do Iyyabaaha cumu lee nna aníaba uca lee.

San Juan 1:5

Xianiha nna riguꞌe xieni atta anca chulha, chulhaha nna läga udána udheana lo xieniha.

San Juan 1:51

Ráguaba Jesús: —Neti gualíbatia ria le, lebiꞌi nna ilenle iyyabaaha du yalie. Iláguabinle ca ingeli gue Tata Do Iyyabaaha chadique lhe eyopique lhe xequia, neti Benni unbiyuu daa iyyabaaha.

San Juan 12:40

Tata Do Iyyabaaha benie qui acacana attiba nu xua loni, benie qui aca lastoocani attiba iyya lhe qui masquiba gua rugüiacana bittu iláquinna masquiguaba te elha rieni guecani lhe bittu ttedaaquinna. “Anía nna qui bittu eyequicana esíacana len neti, neti nna eyonia cana”, rá Tata Do Iyyabaaha.

San Juan 3:4

Nicodemo nna ráne: —¿Gasná un ttu benni chi anca yaxxu galna attu libe? ¿Si guacaba gue nua etaꞌana lheꞌe nan gueniha qui galna attu libe?

2 Corintios 4:4

Nu xxegüi anca dios rinnabia yies lo yu-ni bochulhana elha rieni gue ca benni bittu ria le Tata Do Iyyabaaha. Benna cana attiba nu xua loni qui bittu iláquinna xieni gue ca tisa gue Jesús, delába bittu sadú lecani nu rá ca tisa riguixxiꞌa gue nu xxeni ra le Jesús Benni anque Cristu. Lee anque attiga anca Tata Do Iyyabaaha.

2 Corintios 5:17

Larcala nna benni chi babana len Cristu nna chi beacana ttu benni cubi. Iyába nu run nua ttua nna chi bocaꞌanna. Benni cubiba chi ancana nnanna.

Gálatas 6:15

Cumu gansi chi babari len Jesucristu nna tsa lägabi daca si yuꞌu senni, o si bittu lhe. Nu daca nna ancana eyacari benni cubi lo Tata Do Iyyabaaha.

Efesios 2:1

Jesucristuha betee elha nabani guele atti ancale attiba nu yatti de güequile benle nu lä anca tsee, de ucale nu lä rudo tisa gue Tata Do Iyyabaaha lhe.

Tito 3:5

Läga de benri nu anca tsee nuarca bodilá Benniha ri, de guatuba le Benniha ri nuarca bodile ri. Lee nna utúe nu lä anca tsee benriha, beonie ri benni cubi. Leni Espíritu guee benie qui ucari attiba nu uli attu libe, delába betee elha nabani cubi gueri.

Santiago 3:17

Cumu ca benni te elha rieni rute Tata Do Iyyabaaha guecani nna ancacana nu runi ttagaꞌa nu tsee, nu do tsee leni iyába benni lhe nu siꞌi le lhe nu rudequini gue nu rá benni lhe nu du tsee leni lhe nu ratúa leni adí benni lhe nu satíaba runi nu anca tsee lhe nu ttuba runna leni iyába benni lhe nu bittu ni lo ni tisaba runna ttu bixa lhe.

1 Pedro 1:3

Benni ra xxeni leni anca Tata Do Iyyabaaha, Tata gue Jesucristu Benni bananie ri, Ben-na nna de ratúaba lee ri nna benie beacari benni cubi attisiba ulbari attu libe de beacani Jesucristuha beríe lheꞌe baa atta yuꞌu ca nu yatti-na. Unní rute ttu elha xen lhasi gualí lenri,

1 Juan 2:29

Lebiꞌi nna chiba yule Jesucristuha nna anque Benni runi ttulapa nu anca tsee. Gua yuguabale nna iyába ca benni runi nu raxxína leni nu anca tsee runie, ancacana xiꞌini Tata Do Iyyabaaha.

1 Juan 3:9

Ni ttu ca benni chi ancacana xiꞌini Tata Do Iyyabaaha bitturu rudona lecani uncana nu lä anca tsee, cumu elha nabani gue Benniha nna chi yuꞌe lheꞌe lastoocani. Bitturguaba aca usiguicana uncana nu lä anca tsee lhe cumu chi ancacana xiꞌini Tata Do Iyyabaaha.

1 Juan 5:1

Iyába ca benni ria lecani Jesús anque Cristu, ca unnuha ancacana xiꞌini Tata Do Iyyabaaha. Ca benni racaquinna gue Tataha nna racaguabaquinna gue ca xiꞌin Benniha.

1 Juan 5:18

Riꞌi nna gua yubari, iyába ca benni chi anca xiꞌini Tata Do Iyyabaaha, lärga rusigui ca unnuha runcana nu lä anca tsee, cumu Jesús Xiꞌini Tata Do Iyyabaahaba rape ca unnuha, nu xxegüiha nna lärgabi ridí yiena ca unnuha.

1 Juan 5:4

Cumu iyába ca benni chi anca xiꞌini Tata Do Iyyabaaha, rdacana ruchíacana bitturu runicana nu lä anca tsee te yies lo yu-ni. Cumu de ria leri Jesús, nuarca rdári ruchíari bitturu runri nu lä anca tsee te yies lo yu-ni.

Apocalipsis 3:14

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Laodicea, gus cana: “Aní rá Jesús Benni lá Amén. Benni rixxiꞌa nu anca gualí gue Tata Do Iyyabaaha, Benni rinnee nu anca gualí lhe. Benni beni leni Tata Do Iyyabaaha iyáxeaba nu seꞌe yies lo yu-ni lhe iyyabaaha lhe.