San Juan 3:25 - Zapoteco de Aloápam

²⁵ Ttulhe ca benni rudheti ca tisa ruleꞌe Juan bitilha tisacabi leni adí ca benni Israel lo niꞌa gue bi nua rigúarna nu tsiga ancari lo Tata Do Iyyabaaha qui reacari benni nari loe.

San Juan 3:25 Iomraidhean Croise

San Mateo 3:11

Neti nna gualígala sunruba inda rugadia ca benni qui uleꞌe lo gualí chi bodú xiyyancana bodaxxucana neda gue Tata Do Iyyabaaha, ttiaca Benni daa dequide neti nna ixuunie Espíritu gue Tata Do Iyyabaaha lhe gui lhe qui ugadie le inda. Benniha ra xxenru lee atti neti, larcala nna nibala bi elha ralha uja ca guaracha guee.

San Marcos 7:8

Lebiꞌi nna rudhá iquile nu ben Tata Do Iyyabaaha mandadu unri. Gue ca nu chi labi ca benni runcana la diale rudole tisa, [riguíle ca canti-na lhe ca xiga-na lhe ixerguaba ca loesi unná runle lhe.]

San Juan 2:6

Nía seꞌe xxupa reꞌe ancacana leni iyya, ritaꞌa attiba ttu gayua litro inda lheꞌe ttuttucana. Lheꞌe ca unnuha nua rigaꞌa ca benni Israel inda rixuuquinna qui reacacana nu nari lo Tata Do Iyyabaaha, aníaba labicana runcana.

Hebreos 6:2

gue gaxasná dica gadiri inda lhe gue nu ruxxúa nári iqui ca benni ria le Jesús lhe gue eyacacani ca nu yatti-na lhe gue elha disa ute Tata Do Iyyabaaha ttu dia liiba gue ca nu te tulha guecani lhe.

Hebreos 9:10

Cumu iyába nu uca benni mandadu unna sunruba anca nua gue nu rori lhe gue nu iꞌiyari lhe gue bipaxa un benni qui eyacari nu anca nari lo Tata Do Iyyabaaha lhe. Iyába unní nna rixuuna sunruba gue nu anca lolia gue Benni, bedaa atti bisía sá botsía Tata Do Iyyabaaha iyáxeaba.

Hebreos 9:23

Denua nna nuarca yotu do yies lo yu-ni leni iyába nu seꞌe lheꞌeni nu anca lixxina cuinaga yotu do iyyabaaha labíaba uca duelha utti ca nimala qui bidhedhi reni gue ca nua iqui yotuha leni iyába ca nu seꞌe lheꞌeni qui ucacana nu nari lo Tata Do Iyyabaaha. Ttiaca ca nu seꞌe iyyabaaha nna reasaquinna attu reni tseeru atti reni gue ca nimala qui eyonna cana nu anca nari.

1 Pedro 3:21

Inda gue lania nna ancana attiba nu radiri inda nnanna qui rilári bittu dia nittiri, nu readiri inda-na nna läga dia le unná innána reari cuerpu gueri, sinuqui innábari aca len Tata Do Iyyabaaha ri qui ttua nu uni eleninri atti esínri lo Ben-na, Ben-na nna odilábe ri de beacani Jesucristuha.