San Juan 3:18 - Zapoteco de Aloápam

¹⁸ ’Benni ria leni neti Xiꞌini Tata Do Iyyabaaha, läga tsia nitti nua, ttiaca nu bittu ria leniha nna dia nittiba nua, de bittu güia leni neti Benni nu ttu cuinarba anca Xiꞌini Tata Do Iyyabaaha.

San Juan 3:18 Iomraidhean Croise

San Marcos 16:16

Ca benni tsia lecani neti nna gadicana inda nna godilába Tata Do Iyyabaaha cana, ttiaca ca benni bittu tsia lecani neti nna tsia nittiba ca nua.

San Juan 1:12

Ttiaca iyába ca benni ca nu belabicana Benniha lhe güia lecanie lhe, lee nna benie gapacana derechu acacana xiꞌini Tata Do Iyyabaaha.

San Juan 1:18

Tsa läganu chi bilenna Tata Do Iyyabaaha. Benni anque tturbe xiꞌinie, ancaguabe Dios, doe cuitta tata guee, Ben-na beleꞌe loe gaxasná anca Benniha len riꞌi.

San Juan 20:31

Ca ben-ni nna ucaque lo sitsi qui anáchu lebiꞌi nna tsia lele Jesús anque Cristu Benni chi gaꞌanani Tata Do Iyyabaaha odile ca benni, anque Xiꞌini Tata Do Iyyabaaha lhe. De tsia lele gue Ben-na nna gatta elha nabani guele iyyabaaha ttu dia lii.

San Juan 3:16

’Tata Do Iyyabaaha nna raca juisianie gue ca benni, denuala nna udhelhe yies lo yu-ni neti Xiꞌinie Benni tturba donie, qui anáchu nna iyába ca benni tsia lecani neti nna bittu tsia nitticana, sinuqui gatta elha nabani guecani ttu dia liiba iyyabaaha.

San Juan 3:36

Nu ria leni gue Xiꞌinie-na gua teba elha nabani ttu dia lii gueni, nu bittuba tsia leni Ben-na nna lägabi elha nabani gue nua te ttu dia lii. Unnuha nna elha disa la yuꞌubia ute Tata Do Iyyabaahaba ralha nua dhína.

San Juan 5:24

’Neti nna gualíbatia ria, benni rudo nagani gue nu ria nna riaguaba leni benni udhelhe neti, unnuha nna guateba elha nabani gueni ttu dia lii, läga tsia nittina. Benni yattiba uca nua lo Tata Do Iyyabaaha, nnanna nna yuꞌu elha nabani gueni lo Ben-na.

San Juan 6:40

Nu ruꞌu le Tata quia nna ancana, iyába ca benni odequi locani ugüiacana neti Xiꞌinie-ni, tsia lecani neti lhe ca unnuha gatta elha nabani guecani ttu dia lii, neti nna unia eyacaquinna attu libe gansi chi bisía sá lhuxa.

San Juan 6:47

Neti nna gualíbatia rpea le, benni ria leni neti nna gua teba elha nabani gue nua ttu dia lii.

Romanos 5:1

Larcala riꞌi nna de güia leri Tata Do Iyyabaaha nuarca chi benie ancari benni bitturu te tulha gueni. De nu guate Jesucristu Benni bananie ri-na, nuarca chi seꞌe tseeri len Ben-na.

Romanos 8:1

Nnanna nna lärga tsia nitti ca benni chi anca gue Jesucristuha, [ca benni bitturu seꞌe runi nu raca le cuerpu guecabi, lacabi nna nu rába Espíritu gue Tata Do Iyyabaaha seꞌecabi runcabi.]

Romanos 8:34

Nianna ¿nú nua eyaxinna udelha iyyan ri? Nuttuba xa. Cumu cuinaba Jesucristuha uttie cuenta gueri, güeaniba beacanie lhe lee nna doe daca lhuitta derechu gue Tata Do Iyyabaaha rinnabe lo Benniha aca lanie ri.

Hebreos 12:25

Larcala nna gualudo cuidadu bittu cuꞌu niꞌale Tata Do Iyyabaaha benni rinnee rulise le-na. Cumu gansi ca benni Israel ca nu uluꞌu niꞌacani Ben-na atti belise cana yies lo yu-ni, tsa läga ulácana labíaba uxícana elha disa ralhacana dhicana, adílaba riꞌi tsa läga lhári gansi cuꞌu niꞌari Benni rise ri do iyyabaaha li.

Hebreos 2:3

gansi anía uca, riꞌi nna tsa läga lhári lo elha disa ute Tata Do Iyyabaaha gansi bittuba etábinri gue elha tsee xeni chi rá Ben-na unie len riꞌi de odile ri lo ca tulha gueri. Gue unní nna cuinaba Jesús Benni bananie ri-na utixxiꞌe ca tisa-na, lenla nna utixxiꞌaquin ca benni bina nu rá Ben-na ri, rácabi ri: “Gualíba nu rá Benniha.”

Hebreos 3:19

Gualíba, läga betaꞌacana atta edí lecani cumu de bittu güia lecani gue Tata Do Iyyabaaha.

1 Juan 3:23

Nu benie mandadu unri nna ancana: tsia leri xiꞌinie Jesucristu, aquin gue loesri lhe attiba chi benie mandadu unri.

1 Juan 4:9

Benniha nna beleꞌe loe racanie gueri atti udhelhe yies lo yu-ni Benni tturbe do anque Xiꞌinie qui gattie cuenta gueri. Anía liba nna gatta elha nabani gueri ttu dia lii.

1 Juan 5:10

Benni ria leni Xiꞌini Tata Do Iyyabaaha, unnuha yuꞌu ca tisa utixxiꞌa Benniha lheꞌe lastooni. Nu bittuba ria leni gue nu rá Tata Do Iyyabaaha nna unnuha runna dequi anca Benniha nu run leni, cumu de bittu ria leni gue nu rixxiꞌa Benniha gue Xiꞌinie.

1 Juan 5:12

Benni du Xiꞌini Tata Do Iyyabaaha len lana, gua teba elha nabani gatta ttu dia lii gueni. Nu bittuba duna len Ben-na, lägabi elha nabani gatta ttu dia lii te gueni.