San Juan 3:17 - Zapoteco de Aloápam

¹⁷ Cumu Tata Do Iyyabaaha nna läga udhelha Benniha neti Xiꞌinie-ni qui unia tsia nitti ca benni seꞌe yies lo yu-ni, udhelhabe neti qui odiláya cana.

San Juan 3:17 Iomraidhean Croise

San Mateo 1:23

Ttu nu rbani uja xiꞌinbi, Labi nna cuꞌubi ttu unbiyuuto. Untoha nna gatta lee Emanuel. Emanuel nna dienna innána: Tata Do Iyyabaaha due len riꞌi.

San Mateo 18:10

’Gualdo cuidadu, bittu cuꞌu niꞌale nuxa ttu ca benni bittu ra xxeni leni seꞌe-ni. Cumu neti rpea le, ca ingeli gue ca unní nna satíaba seꞌecabi lo Tata quia do iyyabaaha rinnabacabi aca len Benna ca unní.

San Mateo 18:11

[Cumu neti Benni unbiyuu daa iyyabaaha delha eguila ca benni chi dia nitti qui odiláya cana.]

San Lucas 19:10

Cumu neti Benni unbiyuu daa iyyabaaha nna delha eguila ca benni chi dia nitti qui odiláya cana.

San Lucas 9:56

Cumu neti Benni unbiyuu daa iyyabaaha nna läga delha qui unia tsia nitti ca benni, daba neti qui odiláya cana.] Nianna diattebaque daca lheꞌe attu yiesi.

San Juan 1:29

Betteyú sá nna biláni Juan Jesús dee atta dubiha, nianna rábi: —¡Gualgüiarga! Ni benni anque carneꞌe udhelha Tata Do Iyyabaaha qui cue ca tulha gue ca benni seꞌe yies lo yu-ni.

San Juan 10:36

¿Biacala neti Benni chi riesinie udhelhe yies lo yu-ni rále dequi rinne güea gue Tata Do Iyyabaaha de ria: “Neti anca Xiꞌini Tata Do Iyyabaaha”?

San Juan 11:42

Neti nna gua yuba, lu nna satíaba rieninlu quia, ttiaca de ca benni seꞌe-niba nna ria aná, qui tsia lecani gualí lu udhelhalu neti.

San Juan 17:18

Attiba udhelhalu neti yies lo yu-ni, aníaguaba idhelha cana tsiacana atta seꞌe ca benni seꞌe yies lo yu-ni.

San Juan 17:21

Rinnaba lolu qui ttuba eseꞌe iyábacana, attiba lu, xa Tata, ttuba Benni ancalu len neti, neti nna ttuba Benni anca len cuinalu. Anáguaba lacana eyacacana ttuba benni len riꞌi, qui anáchu tsia le ca benni seꞌe yies lo yu-ni, lu udhelhalu neti.

San Juan 17:23

Lu nna dulu len neti. Neti nna dhua len lacana, qui dhacana eꞌeyucana acacana benni seꞌe ttuba. Anía liba nna ttedaani ca benni bittu ria lecani lu, gualíba lu udhelhalu neti, raquinlu guecani attiba raquinlu quia lhe.

San Juan 17:25

Tata, lu ancalu Benni runi nu raxxína anca lhixxa. Ca benni bittu ria lecani lu seꞌe yies lo yu-ni nna läga anca biaquinna lu, ttiaca neti nna anca biabatia lu. Ca benni seꞌe len neti ni lhe chiba yucana luba udhelhalu neti.

San Juan 17:3

Guattaba elha nabani ttu dia lii gue ca benni gansi un biacana lu, lu nna tturbalu dolu gualíga ancalu Dios, un bia guabacana neti, neti nua Jesús Benni anca Cristu udhelhaluha.

San Juan 17:8

cumu utixxiꞌabatia cana ca tisa betelu len neti, lacana nna bedoba nagacani gue nu rá ca tisa guelha. Chiba yucana atta dolhaba biríaya daya, chiguaba güia lecani luba udhelhalu neti lhe.

San Juan 20:21

Jesús re ca biꞌiniha attu libe: —¡Xen su lee gualtseꞌe! Attiba udhelha Tata quia neti, aníaguaba idhelha lebiꞌi.

San Juan 3:34

Ben-na anque Benni udhelha Tata Do Iyyabaaha, ca tisa gue Bennihaba rinnee, cumu Tata Do Iyyabaaha nna itú iqui itú lee bete Espíritu guee len Ben-na.

San Juan 5:36

Ttiaca te attu nu rixxiꞌarna gue nuxa anca atti nu utixxiꞌa Juan, delába ca elha ban lasi runia-ni, cumu laba Tata quia do iyyabaaha rute ca ben-na len neti. La ca ben-naba rixxiꞌaque dequi gualí lee udhelhe neti.

San Juan 5:38

Bittuguaba yuꞌu ca tisa gue Ben-na lheꞌe lastoole lhe cumu de bittu ria lele neti Benni udhelha Benna.

San Juan 5:45

Bittu aquinle dequi netiba udienni loa le lo Tata quia do iyyabaaha, Moisés biꞌini xen lele gue nu unnebiha liba udienni lobi le.

San Juan 6:29

Jesús becabie re cana: —Tsia lele neti Benni udhelhe ni. Unní raca le Tata Do Iyyabaaha unle.

San Juan 6:38

Cumu neti nna läga guadia iyyabaaha qui unia nu raca lasia. Neti nna delha unia nu raca le Tata quia.

San Juan 6:40

Nu ruꞌu le Tata quia nna ancana, iyába ca benni odequi locani ugüiacana neti Xiꞌinie-ni, tsia lecani neti lhe ca unnuha gatta elha nabani guecani ttu dia lii, neti nna unia eyacaquinna attu libe gansi chi bisía sá lhuxa.

San Juan 6:57

Tata quia Benni udhelhe neti nna yuꞌu elha nabani guee. Larcala nna neti nna yuꞌuguaba elha nabani quia. Denuala nna ca benni gocana bela quia-ni, de netirba nna aca bancana.

San Juan 7:29

Neti nna anca biatie cumu atta doe biríaya delha, lee udhelhe neti lhe.

San Juan 8:11

Lana nna rána: —Niba ttucana, xa tata. Jesús re na: —Anáguaba neti bittuguaba udelhiyya lu. Nnanna nna beyya lisluha nna bitturu eyequilu unlu nu lä anca tsee.]

San Juan 8:42

Jesús re cana: —Gansi gualíga ancale xiꞌini Tata Do Iyyabaaha nna gua racabinle quia cumu neti nna atta do Benniha biríaya delha dua-ni, läga titú neti delha, labe udhelhe neti.

1 Juan 2:2

Lee nna berú iqui berú lee uttie, cumu leni elhutti gue Benniha liba nna bebe nu risaꞌani Tata Do Iyyabaaha, anía liba nna dhie elha xen lasi gue ca tulha gueri. Bittu sunru riꞌi dhie elha xen lasi gueri, anáguaba dhie elha xen lhasi gue ca tulha gue ca benni seꞌe yies lo yu lhe.

1 Juan 4:14

Riꞌitu nna begüiaga lotu, larcala nna rixxiꞌatu, Tata gueri do iyyabaaha udhelhe Xiꞌinie yies lo yu-ni qui odile ca benni seꞌe-ni, bittu tsia nitticana.