San Juan 3:16 - Zapoteco de Aloápam

¹⁶ ’Tata Do Iyyabaaha nna raca juisianie gue ca benni, denuala nna udhelhe yies lo yu-ni neti Xiꞌinie Benni tturba donie, qui anáchu nna iyába ca benni tsia lecani neti nna bittu tsia nitticana, sinuqui gatta elha nabani guecani ttu dia liiba iyyabaaha.

San Juan 3:16 Iomraidhean Croise

San Mateo 9:13

Nu unlale nna gualeyya gualuni qui ttedeenle bixa dia le Tata Do Iyyabaaha inne atti re: “Neti nna raca lasia satúa lele ca benni, läriga gualutti ca nimala qui utele úna lo becoa quia.” Cumu neti nna läga delha yies lo yu-ni qui gaxia ca nu runi nu anca tsee qui odú xiyyancana. Ca nu runi nu lä anca tsee-na liba raxia qui odú xiyyancana odaxxucana neda gue Tata Do Iyyabaaha.

San Marcos 12:6

’Biꞌini beaca guebi lo yuha nna a sunruba xiꞌinbi nu raca xxattinbi gueniha bittu chi udhelhabi. Lenla nna udhelhabi nua, cumu raquinbi ga güeyyaba lecani unnuha de raca nua xiꞌinbi.

San Lucas 2:14

¡Xxeni ra le Tata Dios Benni do iyyabaaha! Yies lo yu-ni nna tseeba tseꞌe ca benni redíba elha tsee gue Ben-na.

San Juan 1:14

La tisaba Benniha beaque benni, udoe len riꞌi. De nu guate Benniha, besiꞌin Tata Do Iyyabaaha ri, ruleꞌenie ri nu gualí lhe. Begüiari elha ra xxen le guee bete Tata Do Iyyabaaha de tturba Benniha anque xiꞌinie.

San Juan 1:18

Tsa läganu chi bilenna Tata Do Iyyabaaha. Benni anque tturbe xiꞌinie, ancaguabe Dios, doe cuitta tata guee, Ben-na beleꞌe loe gaxasná anca Benniha len riꞌi.

San Juan 1:29

Betteyú sá nna biláni Juan Jesús dee atta dubiha, nianna rábi: —¡Gualgüiarga! Ni benni anque carneꞌe udhelha Tata Do Iyyabaaha qui cue ca tulha gue ca benni seꞌe yies lo yu-ni.

San Juan 10:28

Neti rutea elha nabani guecani qui aca bancana ttu dia lii, bittu tsia nitticana lhe nuttuguaba nu dhana ettattuana cana lo náya lhe.

San Juan 3:15

qui anáchu nna iyába ca benni tsia lecani neti gatta elha nabani guecani ttu dia lii.

San Juan 3:18

’Benni ria leni neti Xiꞌini Tata Do Iyyabaaha, läga tsia nitti nua, ttiaca nu bittu ria leniha nna dia nittiba nua, de bittu güia leni neti Benni nu ttu cuinarba anca Xiꞌini Tata Do Iyyabaaha.

San Juan 3:36

Nu ria leni gue Xiꞌinie-na gua teba elha nabani ttu dia lii gueni, nu bittuba tsia leni Ben-na nna lägabi elha nabani gue nua te ttu dia lii. Unnuha nna elha disa la yuꞌubia ute Tata Do Iyyabaahaba ralha nua dhína.

San Juan 6:40

Nu ruꞌu le Tata quia nna ancana, iyába ca benni odequi locani ugüiacana neti Xiꞌinie-ni, tsia lecani neti lhe ca unnuha gatta elha nabani guecani ttu dia lii, neti nna unia eyacaquinna attu libe gansi chi bisía sá lhuxa.

Romanos 5:10

Cumu attila ancari nu bittu raca uyúri Tata Do Iyyabaaha, lee nna udhelhe xiꞌinie Jesucristu qui leni elhutti gue Benniha nna beaca tseeri lenie. Adílaba nnanna de chi ancari benni seꞌe tsee leni Tata Do Iyyabaaha, lee nna godilábe ri de beacani Jesucristuha.

Romanos 5:8

Ttiaca Tata Do Iyyabaaha beleꞌe loe racanie gueri, denua nna atti sna ancabari nu runi nu lä anca tsee, Cristuha uttie qui utixe nu dica quixari.

Romanos 8:32

Tata Do Iyyabaaha nna berú iqui berú lee Jesucristuha Benni anque cuinaga xiꞌinie, qui betee Benniha uttie cuenta gue iyábari. Larcala, ¿tti modu lä ute Ben-na itupa len xiꞌinie-na iyába nu te guee len riꞌi?

Efesios 2:4

Ttiaca Tata Do Iyyabaaha nna anque benni ratúaxxatta lee, tsitsiba racanie gueri.

2 Tesalonicenses 2:16

Cuinaba Jesucristu Benni bananie ri lenie Tata gueri do iyyabaaha, de ucacanie gueri nna besiꞌicanie ri beteque ttu elha xen lasi xeni lenri, runque uxxen leri guadíbari nu tsee xen leri dhíri lhe

Tito 3:4

Ttiaca bisía sá beleꞌe lo Tata Do Iyyabaaha Benni bodile ri, elha tsee guee len riꞌi, ucanie gueri lhe.

Hebreos 2:9

Ttiaca nnanna rilenri Jesús benni ulhidagaa Tata Do Iyyabaaha lee a saroꞌotte güexxa atti ca ingeli-na, nnanna nna anque benni ra xxeni lee lhe Benni rapari respeto lhe de nu guate lo ya crusiha. Aníaba beni Tata Do Iyyabaaha cumu besiꞌinie ri, nuarca udhele Benniha qui uttie cuenta gue iyáxeari.

1 Juan 3:1

Gualugüiarga, análirba de racani Tata Do Iyyabaaha gueri, axtaba xiꞌini Tata Do Iyyabaaha chi teni Benniha lári. Gualíba chi ancari xiꞌinie. Denuala nna bittu radú le ca benni seꞌe yies lo yu-ni nuxa ancari, cumu bittu ancabiaquinna Tata Do Iyyabaaha.

1 Juan 4:19

Riꞌi nna raquinri gue Tata Do Iyyabaaha, cumu Benniha ucanie gueri primero.

Apocalipsis 1:5

Anáguaba uni Jesús Benni anque Cristu len lebiꞌi. Lee anque benni rixxiꞌa nu anca gualí, anque Benni primerba beadhe lheꞌe baa atta yuꞌu ca nu yatti-na lhe anque Benni rinnabia ra xxeni lee gue de lo iyá ca nu rinnabia seꞌe yies lo yu-ni lhe. Lee nna racanie gueri. Leni reni guee bilali atti utee lo ya crusiha nna bodile ri lo ca tulha gueriha.