San Juan 3:15 - Zapoteco de Aloápam

¹⁵ qui anáchu nna iyába ca benni tsia lecani neti gatta elha nabani guecani ttu dia lii.

San Juan 3:15 Iomraidhean Croise

San Mateo 18:10

’Gualdo cuidadu, bittu cuꞌu niꞌale nuxa ttu ca benni bittu ra xxeni leni seꞌe-ni. Cumu neti rpea le, ca ingeli gue ca unní nna satíaba seꞌecabi lo Tata quia do iyyabaaha rinnabacabi aca len Benna ca unní.

San Mateo 25:46

Nianna rá Jesús: —Ca nu runi nu lä anca tsee-na nna tsiabacana atta ttu dia liiba uyúcana elha disa, ca nu runi nu anca tsee-na nna eyyabacana atta gatta elha nabani guecani ttu dia lii.

San Marcos 16:16

Ca benni tsia lecani neti nna gadicana inda nna godilába Tata Do Iyyabaaha cana, ttiaca ca benni bittu tsia lecani neti nna tsia nittiba ca nua.

San Lucas 19:10

Cumu neti Benni unbiyuu daa iyyabaaha nna delha eguila ca benni chi dia nitti qui odiláya cana.

San Juan 1:12

Ttiaca iyába ca benni ca nu belabicana Benniha lhe güia lecanie lhe, lee nna benie gapacana derechu acacana xiꞌini Tata Do Iyyabaaha.

San Juan 16:33

Iyá unní rixxiꞌatia le qui edíle elha xen lasi rutea de guadúba len lebiꞌi. Yies lo yu-ni nna satele uyúle elha disa. Lebiꞌi nna tsitsi gualcuequi lele, cumu neti nna udába bedú niꞌaya iqui nu lä anca tsee gue yies lo yu-ni.

San Juan 20:31

Ca ben-ni nna ucaque lo sitsi qui anáchu lebiꞌi nna tsia lele Jesús anque Cristu Benni chi gaꞌanani Tata Do Iyyabaaha odile ca benni, anque Xiꞌini Tata Do Iyyabaaha lhe. De tsia lele gue Ben-na nna gatta elha nabani guele iyyabaaha ttu dia lii.

San Juan 3:16

’Tata Do Iyyabaaha nna raca juisianie gue ca benni, denuala nna udhelhe yies lo yu-ni neti Xiꞌinie Benni tturba donie, qui anáchu nna iyába ca benni tsia lecani neti nna bittu tsia nitticana, sinuqui gatta elha nabani guecani ttu dia liiba iyyabaaha.

San Juan 3:36

Nu ria leni gue Xiꞌinie-na gua teba elha nabani ttu dia lii gueni, nu bittuba tsia leni Ben-na nna lägabi elha nabani gue nua te ttu dia lii. Unnuha nna elha disa la yuꞌubia ute Tata Do Iyyabaahaba ralha nua dhína.

San Juan 5:24

’Neti nna gualíbatia ria, benni rudo nagani gue nu ria nna riaguaba leni benni udhelhe neti, unnuha nna guateba elha nabani gueni ttu dia lii, läga tsia nittina. Benni yattiba uca nua lo Tata Do Iyyabaaha, nnanna nna yuꞌu elha nabani gueni lo Ben-na.

San Juan 6:27

Bittu udoxxatta lele quilale elha go nu bittu ruchía isá yies lo yu-ni. Nu unlale nna gualuni duelha gualeguila elha go nu ute elha nabani ttu dia lii guele. Elha go-ni nua utea len lebiꞌi, neti Benni unbiyuu daa iyyabaaha. Denua nna Tata quia do iyyabaaha chi bodúe neti.

San Juan 6:40

Nu ruꞌu le Tata quia nna ancana, iyába ca benni odequi locani ugüiacana neti Xiꞌinie-ni, tsia lecani neti lhe ca unnuha gatta elha nabani guecani ttu dia lii, neti nna unia eyacaquinna attu libe gansi chi bisía sá lhuxa.

San Juan 6:47

Neti nna gualíbatia rpea le, benni ria leni neti nna gua teba elha nabani gue nua ttu dia lii.

Hechos 13:41

¡Gualgüia, lebiꞌi ca nu bittu ria lele Güebanbinle nna lhuxabale cumu ca sá atti seꞌele yies lo yu-ni nna unia ttu nu unia, lebiꞌi nna läga tsia lele gansi chi bilenle na masquiba nuxa quixxiꞌenna le gue nua!

Hechos 8:36

Deyuꞌubacabi neda deyyacabi, nianna besincabi atta te ttu inda. Nu Etiopía nna ráttebana: —¡Ni inda te ni! ¿Si gua te ttu bixa lo niꞌa gue nna bittu aca gadia inda?

Romanos 5:21

qui attiba tulha-na unnabiana qui bisía elhutti gue ca benni, anáguaba elha tsee gue Tata Do Iyyabaaha redá lee rute lenri rinnabiana reacari benni bitturu tulha gueni te qui aca banri ttu dia lii, de nu beni Jesucristu Benni bananie ri-na.

1 Corintios 1:18

Ca tisa rixxiꞌa gue nu guate Cristu atti uttie lo ya crusiha ancaque attiba tisa nu bittu elha rieni gueni tee len ca benni dia nitti. Ttiaca len riꞌi ca benni lhá bittu tsia nitti, ca tisa-na ancaque nu ra xxeni lee gue Tata Do Iyyabaaha.

2 Corintios 4:3

Ttiaca gansi ca tisa gue Jesús rixxiꞌatu-ni ancaque nu te gatsi xua lari iquie nna suna len ca nu dia nittinaba unná anca Ben-na aná qui bittu sadú lecani gue nu rá ben-na.

Gálatas 2:16

Gua yubari läga de runi benni nu rá lo ca ley bocaꞌana Moisés larcala anca benni nu bittu tulha gueni te lo Tata Do Iyyabaaha. De riaba leni Jesucristu nuarca ancana benni bitturu te tulha gueni lo Ben-na. Aníaguaba riꞌi, chiguaba güia leri Jesucristu qui acari benni bitturu te tulha gueni lo Tata Do Iyyabaaha, läga de rudori tisa gue nu rá lo ca ley-na. Cumu ni ttu benni bittu ancana nu bittu te tulha gueni lo Tata Do Iyyabaaha de rudona tisa gue nu rá lo ca ley-na.

Gálatas 2:20

Attisiba leni Cristuhaba nua chi utáya lo ya crusi. Larcala attisiba lärganu neti do, Cristuhaba doe lheꞌe lastooa. Doa anca bania nnanna de ria lasia Xiꞌini Tata Do Iyyabaaha. Lee nna de ucanie quia nuarca bete cuerpu guee qui uttie lo niꞌa quia.

Hebreos 10:39

Ttiaca riꞌi nna läga ancari loes ca nu readigaa lo neda gue Tata Do Iyyabaaha, cumu ca unnuha nna dia nittibacana. Riꞌi ancari ca nu lhári de ria leri Ben-na.

Hebreos 7:25

Denua nna raca gue Jesús rodile ca benni ttu tsaba, ca nu dia ribiga lo Tata Do Iyyabaaha de chi ria lecani Jesús, Ben-na anque Benni do ttu dia liiba, satíaba rinnabe aca len Tata Do Iyyabaaha ca benni.

1 Juan 2:25

Benni nua tisa chi begüee Cristuha len riꞌi, lee nna utee elha nabani gatta ttu dia lii gueri.

1 Juan 5:1

Iyába ca benni ria lecani Jesús anque Cristu, ca unnuha ancacana xiꞌini Tata Do Iyyabaaha. Ca benni racaquinna gue Tataha nna racaguabaquinna gue ca xiꞌin Benniha.

1 Juan 5:20

Gua yuguabari nna Xiꞌini Tata Do Iyyabaaha bisíe yies lo yu-ni qui betee elha rieni gueri qui benbiari Benni gualíga anca Tata Do Iyyabaaha. Riꞌi nna seꞌeri leni Benni gualíga anca Tata Do Iyyabaaha cumu seꞌeri leni Xiꞌinie Jesús Benni anque Cristu. Lee anque Benni gualíga anca Dios, anque Benni rute elha nabani gatta ttu dia lii gueri lhe.