San Juan 21:23 - Zapoteco de Aloápam

²³ Anía uca nna nuarca biría tisa bina adí ca benni ria le Jesús dequi biꞌiniha nna bittu gattibi. Ttiaca Jesús läga re Pedro dequi biꞌiniha nna bittu gattibi. Rábe biꞌiniha: “Gansi aca lasia nna, anába na dona axta liba esíaya, lu nna, ¿bi elha ralhalu rinnaba tisalu?”

San Juan 21:23 Iomraidhean Croise

San Mateo 16:27

Cumu neti Benni unbiyuu daa iyyabaaha esíaya dedaaya lheꞌe xieni gaꞌana tsee gue Tata quia do iyyabaaha lenia ca ingeli gue Ben-na. Lania nna utea nu ralha ttu ttu benni dhína, gue cua nu benbacana.

Hechos 1:15

Ttu sá atti seꞌe ttu reba attiba ttu gayua yuꞌu galhia (120) ca benni ria lecabi ca tisa gue tata Jesús, nianna udulítteba Pedro lagüi gue ca benni seꞌe nía atti rábi cabi:

Hechos 28:14

Nía betiꞌatu ttu chupa ca benni ria le Jesús. Ca biꞌiniha nna bechecabi riꞌitu beꞌantu ttu xmanu liscabiha. Anía liba nna chibuca bisíntu lheꞌe yiesi Roma.

Hechos 6:3

Larcala, xa betsito, raca duelha eguilale gasi ca unbiyuu chi rapa elha rieni, ca nu rinne tsee ca benni guecani lhe ca nu chi yuꞌu Espíritu gue Tata Do Iyyabaaha lheꞌe cuerpu guecani lhe qui oseꞌetu cana uncana sina-ni,

1 Corintios 11:26

Larcala nna atti gole ttaxtila-ni lhe iꞌiyale vinu-ni lhe lebiꞌi nna rixxiꞌale gue utti Jesús lo niꞌa gueri. Anába unle axta liba esíe.

1 Corintios 4:5

Larcala nna nuttu nu unle elha uxtisi gueni antisla isía sá gaꞌana aca elha uxtisi. Gualcueda esía Benni bananie ri-na. Lee nna guabeabe lolia nu te gatsi lheꞌe atta anca chulha, quixxiꞌe nu raquin lhiꞌu lheꞌe lastoo ttuttu benni lhe. Lania nna uni Tata Do Iyyabaaha cue xen ca benni ralha cue xeni.

Santiago 5:7

Larcala xa benni ria le Jesús, len pasensiba gualtseꞌe gualcueda isía sá esía Benni bananie ri-na. Gualgüia gue benni riguꞌu xua-na, len pasensiba ridona ribedana isía tiempu iyya qui cuꞌuna xua. Aníaguaba ridona ribedana qui edína lena bani utee ca lo yu gueniha lhe.

Apocalipsis 2:25

suntteba gualusigui gualtsia tsitsi lele neti, axta liba atti esíaya.