San Juan 21:18 - Zapoteco de Aloápam

¹⁸ Neti gualíbatia rpea lu, atti ancalu cuitiha nna ttubalu reocu xolu, riabalu attaba racaba lelu. Ttiaca gansi chi ucalu benniola nna ulhíba nálu qui ugucu nu subi xolu. Unnuha nna icheen lu tsia lenna lu atta bittu raca lelu tsialu.

San Juan 21:18 Iomraidhean Croise

San Lucas 12:37

Carbáru ca nu ren sina ettettiꞌa Benni bananie cana seꞌecana ubeda gansi chi besíabi. Neti nna gualíbatia rpea le, biꞌiniha nna edutsettebabi cuinaba labi osiabi cana roꞌo mexaha, atti caꞌattebabi elha go gocana.

San Juan 13:36

Simón biꞌini láguaba Pedro nna unnaba tisabi Jesús rábi Benniha: —¿Xa Benni bananie neti, gala tsialu? Jesús becabie re: —Lu nna läga aca edálu atta eyyaꞌaya nnanna lenla nna esíaguabalu atta deyyaꞌaya.

San Juan 21:17

Nu beyonna libe re biꞌiniha: —Simóni xiꞌini Jonás, ¿si gua raquinlu quia? Pedro nna siꞌirurba benbi lania, cumu nía beyonna libe rá Benniha bi, ¿si gua raquinlu quia? Laniala nna rábi Benniha: —Lu nna iyába yulu, xa Benni bananie neti. Gua yuxeabalu neti nna gua racabatia guelu. Jesús re biꞌiniha: —Biyú ca carneꞌe quia-na ganna.

San Juan 21:19

Aníaba rá Jesús, rixxiꞌe gaxasná gatti Pedro. Leni elhutti guebiha nna unbi uleꞌe lo anca Tata Do Iyyabaaha benni ra xxeni lee. Lenla nna re biꞌiniha: —¡Utá, bettenalha neti!

Hechos 21:11

Biꞌiniha nna dabi güenalhi riꞌitu. Atti bisíabi atta seꞌetuha nna bedaxxuttebabi yieti ridhí lheꞌe Pablo, nianna bexxicatteba niꞌa nábi nua, atti rábi riꞌitu: —Espíritu gue Tata Do Iyyabaaha rixxiꞌe re: “Lheꞌe yiesi Jerusalén udaxxu ca benni Israel nu beaca gueni yieti-ni, atti uxxicacan na qui salhuꞌucan na las ná ca nu dittu.”

2 Corintios 5:4

Laca seꞌeri yies lo yu-ni lheꞌe yoꞌo nu anca cuerpu gueri-ni nna renne leri ruyúri elha disa. Riꞌi nna läga rdacari eríari lheꞌe cuerpu rapari-ni, rdacabari etaꞌari lheꞌe cuerpu ute Tata Do Iyyabaaha lenri. Aná nna elha nabani gatta ttu dia lii gueri iyyabaaha unie lhuxa nu anca elhutti gueri yies lo yu-ni.