San Juan 2:23 - Zapoteco de Aloápam

²³ Ttu requiru Jesús lheꞌe yiesi Jerusalén laní Pascua ixeru benni güia lecani Benniha de biláquinna ca milagru runie.

San Juan 2:23 Iomraidhean Croise

San Lucas 8:13

Ca xua binna atta seꞌe ca iyyaha nna ancaque attiba ca benni, atti rienquinna ca tisa-na attulade reꞌo lecani recabicana udaxxucana neda gue Tata Do Iyyabaaha. Ttiaca cumu läga beꞌan tsitsi ca tisaha lheꞌe lastoocani, nuarca läga isá ria lecani. Larcala atti risía ratecana ruyúcana ttu elha disa nna readi gattebacana lo neda gue Tata Do Iyyabaaha.

San Juan 11:45

Ixeru ca nu dia leni María güia lecani Jesús atti biláquinna nu benie.

San Juan 2:11

Unníba primer milagru beni Jesús lheꞌesi Caná nu re lo yu gue Galilea. Anía liba nna beleꞌe loe anque benni ra xxeni leni. Ca biꞌini rudheti ca tisa ruleꞌe nna güia lecabi guee.

San Juan 2:13

De chi daa ribiga laní gue ca benni Israel, nu te láni Pascua. Jesús nna diattebe lheꞌe yiesi Jerusalén.

San Juan 3:2

Unnuha nna güiana ttu lo rela guannalhina Jesús, nianna rána Benniha: —Maestro, riꞌitu yutu nna Tata Do Iyyabaahaba udhelhe lu qui uleꞌenlu riꞌitu, cumu ni ttu benni bittu aca gueni unna ca milagru runlu-na gansi bittuba du Tata Do Iyyabaaha lenna.

San Juan 4:45

Atti bisíne Galilea nna tseeba beni ca benni seꞌe nía lenie, de chi biláquinna iyába nu beni Benniha lheꞌe yiesi Jerusalén atti raca laní Pascua, cumu lacana nna güia guabacana laní.

San Juan 5:36

Ttiaca te attu nu rixxiꞌarna gue nuxa anca atti nu utixxiꞌa Juan, delába ca elha ban lasi runia-ni, cumu laba Tata quia do iyyabaaha rute ca ben-na len neti. La ca ben-naba rixxiꞌaque dequi gualí lee udhelhe neti.

San Juan 6:14

Atti biláni ca benni milagru beni Jesús, ráttebacana: —Gualíba Benniba nua profeta chi gaꞌana isía yies lo yu-ni.

San Juan 6:2

Ixeru ca benni denocane cumu chi biláquinna ixe ca milagru runie reonie ca benni rani.

San Juan 7:31

Ixeru ca benni seꞌe nía güia lecani guee, nianna rácana: —Gansi chi bisía Cristuha nna ¿si xxenrula anca ca milagru un Benniha atti ca milagru runi unní?

Gálatas 5:6

Cumu riꞌi atta chi ancari benni baba len Jesucristu, lärgabi daca si ancari nu ren senni nu labi ca unbiyuu Israel runcana o si bittu ren senni nu runcana leni ca unbiyuu Israel. Nu daca nna ancana ria leri Jesús, unnua runi raquin gue loesri.

1 Juan 3:23

Nu benie mandadu unri nna ancana: tsia leri xiꞌinie Jesucristu, aquin gue loesri lhe attiba chi benie mandadu unri.