San Juan 2:19 - Zapoteco de Aloápam

¹⁹ Jesús becabie re cana: —Gualuttapa yotu-ni, neti nna lheꞌe tsunna ubisaba nna elhidha na attu libe.

San Juan 2:19 Iomraidhean Croise

San Mateo 12:40

Cumu attiba Jonás uyuꞌubi tsunna ubisa nna tsunna ela nna lheꞌe ttu belha xxeni, aníaguaba neti Benni unbiyuu daa iyyabaaha, tsuꞌuguaba tsunna ubisa nna tsunna ela nna lhiꞌu yu.

San Mateo 16:21

Desdeba lania nna udulo Jesús utixxiꞌenie ca benni rudheti ca tisa ruleꞌe, lee nna raca duelha tsie Jerusalén. Lheꞌe yiesiha nna satexxatte lo ná ca benni teru elha rieni gueni gue ca benni Israel, lo ná ca nu lo gue ca bixxudiha lhe ca nu ruleꞌe nu rá lo ca ley bocaꞌana Moisés lhe. Utixxiꞌaguabe re, ca unnuha nna utticane, ttiaca eyonna ubisa nna eyacanie.

San Mateo 27:40

rácana Benniha: —¡Läba lu nua rálu dequi uttapalu yotu-na, nianna lheꞌe tsunna ubisaba nna elhidhalue attu libe! ¡Gansi gualínlu, lu nua xiꞌini Tata Do Iyyabaaha, la luba ben sanga gaxasná qui lhálu, beadi tte lo ya crusi-na lhe!

San Mateo 27:63

Nianna rácana nua: —Xa Tata, riꞌitu nna bexxa letu gue nu unnee nu güenlasi Jesús, atti sna requi banbana, lana nna rána: “Dequide tsunna ubisa nna eyacatia.”

San Marcos 14:58

—¿Riꞌitu nna chi bienintu rinneonni rána?: “Neti nna uttapa yotu ben ca benni seꞌe yies lo yu-ni, nianna lheꞌe tsunna ubisaba nna elhidha attu yotu subi nu bittu ancana nu beni ca benni seꞌe yies lo yu-ni.”

San Marcos 15:29

Ca nu ritee atta du ya crusi atta ta Jesús nna rudhaca disacane, atti ruttátteba iquicani rácana Benniha: —¡Anla lu nua rálu dequi uttapalu yotu-na, nianna lheꞌe tsunna ubisaba nna elhidhalue attu libe!

San Marcos 8:31

Jesús udulottebe utixxiꞌanie ca benni rudheti ca tisa ruleꞌe re cabi: —Neti Benni unbiyuu daa iyyabaaha labíaba satexxatta. Ca nu teru elha rieni gueni gue ca benni gueri anca benni Israel, ca nu lo gue ca bixxudi-na lhe ca nu ruleꞌe nu rá lo ca ley bocaꞌana Moisés lhe cuꞌu niꞌacani neti, utticana neti lhe ttiaca eyonna ubisa nna eyacatia.

San Juan 11:25

Jesús re na: —Neti anca benni runi reacani ca nu yatti-na lhe rutea elha nabani ttu dia lii lhe. Nu tsia leni neti nna masquiba chi uttina güeyacabinna attu libe.

San Juan 5:19

Nianna becabi Jesús re cana: —Neti Xiꞌini Tata Do Iyyabaaha gualíbatia ria le: Läga aca quia unia ttu bixa suntteba neti. Nu rugüiaba runi Tataha nna runia. Iyába nu runi Tataha nna runia.

Hechos 2:24

Ttiaca Tata Do Iyyabaaha nna bechidhabe Benniha lheꞌe baa atta yuꞌu ca nu yatti-na, bodilábe Benniha lo elha disa ruyú Benni gue elhuttiha. Cumu elhuttiha nna läga udána un gueni Benniha.

Hechos 2:32

Gualíba Jesúsba Benniha beni belhidha Tata Do Iyyabaaha lo elhuttiha. Gue unnuha nna iyábatu ancatu benni biyú lotu.

Hechos 3:15

Lebiꞌi nna Benni rute elha nabani gueriha la bettile. Ttiaca Tata Do Iyyabaaha nna benie beaquin Benniha, belhidhe Benniha lheꞌe baa atta yuꞌu ca nu yatti-na. Riꞌitu ancatu benni biyú lotu gue iyá nu uca.

Hechos 3:26

Atti belhidha Tata Do Iyyabaaha xiꞌinie Jesús lheꞌe baa atta yuꞌu ca nu yatti-na, udhelhattebe benniha lola len lebiꞌi qui aca lanie le, anáchu nna eríale lheꞌe nu lä anca tsee runle-na.

Hechos 6:14

Chiguaba bienintu rána dequi Jesús, benni udo lheꞌe yiesi Nazaret, utseꞌe lona yotu-ni lhe otsiana nu chi labiri runri nu bocaꞌana Moisés unri lhe.

Romanos 4:24

sinuqui anáguaba rixuu nu rá lo ca sitsi-na len riꞌi. De güia leri Tata Do Iyyabaaha, Benni belhidhe Jesús Benni bananie ri-na lheꞌe baa atta yuꞌu ca nu yatti-na, lee nna cuequie ri balaꞌana ancari benni bitturu tulha gueni te.

Romanos 6:4

Larcala atti udiri indaha attisiba uttibari, ttuba bigatsiri leni Cristuha lhe qui attiba belhidha Tata gueri do iyyabaaha Benniha lheꞌe baa atta yuꞌu ca nu yatti-na len elha ra xxeni lee guee, anáguaba unie len riꞌi qui eyacari benni cubi bitturu tseꞌeri unri nu benri ttuha.

Romanos 8:11

Gansi Espíritu gue Tata Do Iyyabaaha Benni belhidhe Jesucristuha lheꞌe baa atta yuꞌu ca nu yatti-na doe lheꞌe lastoole, Benni beni beacani Ben-na guaba utee elha nabani gue cuerpu guele-na, cuerpu nu ratti yies lo yu-ni. Unná unie len Espíritu guee do lheꞌe lastoole-na.

1 Corintios 15:12

Nianna gansi riꞌitu rixxiꞌatu rátu: “Cristuha beacabanie beríabe lheꞌe baa atta yuꞌu ca nu yatti-na”, ¿galasná nna rá ttulhele dequi bittu gualí reacani ca nu yatti-na?

Colosenses 2:12

Atti udile indaha nna lania bigatsile lheꞌe baa leni Cristuha. Aníaguaba nna beacaguabinle attu libe attiba Benniha, cumu de güia lele anca Tata Do Iyyabaaha Benni ra xxeni lee. Lee benie beaquin Cristu, belhidhe Benniha lheꞌe baa atta yuꞌu ca nu yatti-na.

1 Pedro 3:18

Cumu Cristuha nna anáguaba guate Benniha, lo niꞌa gue ca tulha gueri, ttu libeba uttie qui utixe gue iyábacana. Benniha anque ttu Benni bittu tulha guee te, ttiaca chi uttie lo niꞌa gueri nu te tulha gueni, anía liba nna eche Ben-na ri len Tata Do Iyyabaaha. Cuerpu gueeba Benniha utti, ttiaca atti beacanie nna anca banba espíritu gue Benniha do lheꞌe cuerpu cubi guee.