San Juan 2:18 - Zapoteco de Aloápam

¹⁸ Ca nu anca nu lo gue ca benni Israel, seꞌe nía nna rácana: —Beleꞌen riꞌitu ttu nu uni uleꞌe lo dequi gualí te derechu guelu unlu aná.

San Juan 2:18 Iomraidhean Croise

San Mateo 21:23

Atti chi besina Jesús lheꞌeliꞌa gue yotuha nna laca due nía ruleꞌenie ca benni, ubigatteba ca nu lo gue ca bixxudiha lencana ca nu teru elha rieni guecani gue ca benni Israel, rácane: —¿Bi elha rinnabia rapalu qui runlu aná? ¿Nú betena elha rinnabia lenlu qui unlu nu runlu-na?

San Marcos 8:11

Ca fariseo nna bisínttebacana nía, atti udulottebacana ritilha tisacana len Jesús. Qui cuꞌu biacana Benniha nna unnabattebacana unie ttu milagru nu uleꞌe lo gansi gualí Tata Do Iyyabaaha udhelhe Benniha.

San Lucas 11:29

Atti chi bitupa adí benni sabiꞌaba Jesús, lee nna udulottebe re: —Ca benni seꞌe nnanna ancacana nu runi nu lä anca tsee. Lacana rinnabacana unia ttu milagru nu uleꞌe lo gansi gualí Tata Do Iyyabaaha udhelhe neti, ttiaca bittu uleꞌetia cana attu milagru subi gan läba loesi milagru uca len profeta Jonás.

San Juan 1:19

Aní becabi Juan gue ca bixxudi lhe gue ca benni datía Leví runcana sina gue yotu udhelha ca nu lo gue ca benni Israel. Cunní nna lheꞌe yiesi Jerusalén li udácana diacana güennaba tisa Juan rácan bi: —Lu nna ¿núnna ancalu?

San Juan 1:25

Lacana nna unnaba tisattebacan bi rácanbi: —¿Biacala nna rugadilu benni inda gansi läba lu nua Cristuha, bittuguaba lu nua Elías lhe bittuguaba ancalu profeta lhe?

San Juan 6:30

Lacana nna unnaba tisattebacana rácana: —¿Bila milagru uleꞌenlu riꞌitu qui ilentu nna tsia letu lu? ¿Bi raca guelu runlu?

Hechos 4:7

Laniala nna udhelhacana ca nu güia gualeacana Pedro lenbi Juan lheꞌe lisiyyaha. Atti chi besin lencana ca biꞌiniha atta seꞌe ca nua nna unnaba tisattebacana ca biꞌiniha rácan cabi: —Lebiꞌi nna ¿nú betena derechu guele nuarca requile runle aná, nú udhelhana le lhe?

Hechos 5:28

—¿Läba chi xa rátu le dequi tsa bitturu uleꞌele ca tisa gue unbiyuu rinnele guen-na nna? Lebiꞌi nna adíla runle. Nnanna nna iyába ca benni seꞌe Jerusalén-ni chi begunale gue nu ruleꞌele na. Güea rinnele rále dequi riꞌituba bettitu unbiyuuha lhe.