San Juan 18:12 - Zapoteco de Aloápam

¹² Ca soldadoha lencana nu lo guecaniha lhe ca güen sina gue yotuha lhe bedaxxucana Jesús, atti bexxicattebacane.

San Juan 18:12 Iomraidhean Croise

San Mateo 26:57

Ca nu bedaxxucana Jesús uchettebacana Benniha lo bixxudi xeni rinnabia lá Caifás, atta seꞌe ca nu ruleꞌe nu rá lo ca ley bocaꞌana Moisés lhe ca nu teru elha rieni gueni gue ca benni Israel lhe.

San Mateo 27:2

Nianna bexxicattebacana Benniha, atti chettebacane guadúcane lo nu rinnabia lá Poncio Pilato.

San Mateo 27:27

Ca soldado gue nu rinnabiha nna uchettebacana Jesús lheꞌeliꞌa gue yoꞌo lagüiha atta rido nu rinnabiha runna elha uxtisi, atti beaxittebacana iyába adí ca soldadoha qui eseꞌecana sabiꞌaba Benniha.

San Marcos 14:53

Uchettebacana Jesús guadúcane lo bixxudi xeni rinnabiaha. Nianna, bitupatteba iyárecha ca bixxudi anca nu loha nía, lencana iyába ca nu teru elha rieni gueni gue ca benni Israel lhe ca nu ruleꞌe nu rá lo ca ley bocaꞌana Moisés lhe.

San Marcos 15:1

Atti chi goaniha nna bitupatteba ca nu runi elha uxtisi gue ca benni Israel, ca bixxudi anca nu loha lhe ca nu teru elha rieni gueniha lhe ca nu ruleꞌe nu rá lo ca ley bocaꞌana Moisés lhe qui unnecana gue bixa anca nu uncana leni Jesús. Nianna bexxicattebacana Benniha, atti uchettebacane guadúcane lo nu rinnabia lá Pilato.

San Lucas 22:54

Laniala bedaxxucana Jesús, uchecane lheꞌe yoꞌo gue bixxudi xeni rinnabiaha. Pedro nna idittu liba denobi.

San Juan 18:3

Larcala nna Judas nna bisíntteba lenna ca soldado lhe ca güen sina gue yotuha lhe nía. Ca unnuha udhelha ca bixxudi loha lencana ca fariseo. Lacana nna nujacana espada lhe yaga lhe quinque lhe ca yaga ralha iquicani lhe.

Hechos 10:1

Udo ttu unbiyuu lheꞌe yiesi Cesarea lána Cornelio. Ancana nu banani ttu gayua (100) soldado te lácani Italiano.

Hechos 21:31

Chitteba rutticana biꞌiniha atti bina nu lo gue ca soldado gue Roma dequi iyába ca benni seꞌe lheꞌe yiesiha risatsacana.

Hechos 21:37

Atti chi diacana ugaꞌacana Pablo lhiꞌu atta ruꞌu ca soldadoha nna laniala nna rábi nu lo gue ca nua: —¿Si guaca inne lania cuinalu sattito? Unnuha nna becabina rán bi: —¿Si gua rinnebalu tisa griego?

Hechos 23:10

Ttiaca ca benni seꞌe nía nna adílaba biyiyyacana. Larcala nna nu lo gue ca soldadoha nna usittebinna qui lä uduyacana Pablo de ugüebacan bi. Laniala nna uxina ttu chupa ca soldadoha qui ebeacana Pablo lo ná ca nu seꞌe nía eche dacabacan bi lheꞌe atta ruꞌu ca soldadoha.