San Juan 17:8 - Zapoteco de Aloápam

⁸ cumu utixxiꞌabatia cana ca tisa betelu len neti, lacana nna bedoba nagacani gue nu rá ca tisa guelha. Chiba yucana atta dolhaba biríaya daya, chiguaba güia lecani luba udhelhalu neti lhe.

San Juan 17:8 Iomraidhean Croise

San Mateo 13:11

Lee nna becabie re cabi: —Lebiꞌi nna guarunba Tata Do Iyyabaaha qui sadú lele gue gaxasná rinnabie, nu bittu ritedaani ca benni. Ttiaca adí ca benni nna bittu runie qui ttedaaquinna.

San Juan 12:49

Cumu neti nna läganu anca quia rinnea, Tata quia Benni udhelhe netiha Bennihaba re neti bixa innea lhe quixxiꞌaya lhe.

San Juan 14:10

¿Si läba gua ria lelu, neti nna ttuba Benni anca lenia Tataha, Tataha nna ttuba Benni anca Benniha lenie neti? Ca tisa rinnea-ni nna läganu anca quionni rinnea, nu anca gue Tata Do Iyyabaaha Benni yuꞌu lheꞌe lastooa-niba Ben-ni rinnea. Labe runie ca milagru runia.

San Juan 15:15

Lärgaga upea le benni ttoꞌo lo sina quia, cumu nu ttoꞌo lo sinaha nna läga yu nua gaxasná anca gue nu baninna na. Benni seꞌe tsee len netiba upea le nnanna de chi beleꞌetia le iyába nu bina rá Tata quia.

San Juan 16:27

Cuinaba Tata quia racanie guele cumu lebiꞌi nna raquinle quia, de güia lele neti nna biríaya atta doe delha-ni lhe.

San Juan 16:30

Nnannarguaba chi yutu lu nna iyába chi yulu. Tsa lägabi reasinlu nuxa innába tisan lu. Denuala nna nuarca yutu, lu nna atta do Tata Do Iyyabaahaba biríalu dalu.

San Juan 17:14

Neti nna chiba utixxiꞌatia cana ca tisa guelha, ttiaca ca benni bittu ria lecani lu seꞌe yies lo yu-ni nna bittu raca uyúcana ca unná cumu de bittu ancacana benni baba yies lo yu-ni, attiba neti bittu anca Benni baba yies lo yu-ni.

San Juan 17:18

Attiba udhelhalu neti yies lo yu-ni, aníaguaba idhelha cana tsiacana atta seꞌe ca benni seꞌe yies lo yu-ni.

San Juan 17:21

Rinnaba lolu qui ttuba eseꞌe iyábacana, attiba lu, xa Tata, ttuba Benni ancalu len neti, neti nna ttuba Benni anca len cuinalu. Anáguaba lacana eyacacana ttuba benni len riꞌi, qui anáchu tsia le ca benni seꞌe yies lo yu-ni, lu udhelhalu neti.

San Juan 17:23

Lu nna dulu len neti. Neti nna dhua len lacana, qui dhacana eꞌeyucana acacana benni seꞌe ttuba. Anía liba nna ttedaani ca benni bittu ria lecani lu, gualíba lu udhelhalu neti, raquinlu guecani attiba raquinlu quia lhe.

San Juan 17:3

Guattaba elha nabani ttu dia lii gue ca benni gansi un biacana lu, lu nna tturbalu dolu gualíga ancalu Dios, un bia guabacana neti, neti nua Jesús Benni anca Cristu udhelhaluha.

San Juan 3:17

Cumu Tata Do Iyyabaaha nna läga udhelha Benniha neti Xiꞌinie-ni qui unia tsia nitti ca benni seꞌe yies lo yu-ni, udhelhabe neti qui odiláya cana.

San Juan 3:33

Ca benni ria lecani gue nu rá Ben-na nna leni unnuha ruleꞌe locana dequi gualíba nu rá Tata Do Iyyabaaha.

San Juan 6:68

Simón biꞌini láguaba Pedro nna becabibi rábi: —Benni bananie riꞌitu, ¿núrua la len nua tsiatu ganna? Inqui sunruba lu rinne ca tisa rute elha nabani gatta ttu dia lii gue ca benni nna.

San Juan 8:42

Jesús re cana: —Gansi gualíga ancale xiꞌini Tata Do Iyyabaaha nna gua racabinle quia cumu neti nna atta do Benniha biríaya delha dua-ni, läga titú neti delha, labe udhelhe neti.

1 Corintios 11:23

Neti nna nu beleꞌebin Jesús neti chi beleꞌetia le: La ela atti bete Judas Jesús Benni bananie ri-na las ná ca nu uttican Benniha, lee nna bedaxxue ttaxtila,

1 Corintios 15:1

Ca benni ria le Jesús, raca lasia orexxa lele ca tisa gue Jesús utixxiꞌatia leha, ca tisa-na Ben-na güia lele lhe seꞌe tsitsile ria lele lhe.

1 Tesalonicenses 2:13

Denua nna satíaba rugüetu xquixaru Tata Do Iyyabaaha, cumu atti bieninle ca tisa gue Ben-na utixxiꞌentu leha nna bedoba nagale, güiaba lele gua liba anca ben-na tisa gue Tata Do Iyyabaaha, läga uquinle anca ca tisa-na nu anca gue ca benni seꞌe yies lo yu-ni ucabinle gua liba anca ben-na tisa gue Tata Do Iyyabaaha, Ben-na unná runie sina lheꞌe lastoole, lebiꞌi ca benni ria lele Jesús.

1 Tesalonicenses 4:1

Nnanna nna lebiꞌi ca benni ria le Jesús attiba riꞌitu, rinnabatu len le lhe rulisatu le lhe gualun chi lo niꞌa gue Jesús Benni bananie ri, gualtseꞌe gualuni attiba beleꞌentu le unle qui chadi le Tata Do Iyyabaaha gue nu runle. Attiba runle nnanna aníaba gualunchatti.

1 Juan 4:14

Riꞌitu nna begüiaga lotu, larcala nna rixxiꞌatu, Tata gueri do iyyabaaha udhelhe Xiꞌinie yies lo yu-ni qui odile ca benni seꞌe-ni, bittu tsia nitticana.

Apocalipsis 1:1

Ca tisa dia lo sitsi-ni rixxiꞌa gue nu beni Tata Do Iyyabaaha beleꞌeni Jesús, qui lee nna unie uleꞌeni ca benni rixuu lo sina guee gue nu chi daa ribiga aca. Jesucristuha nna udhelhe ttu ingeli guee qui beleꞌe lobi iyá unní len neti Juan biꞌini rixuu lo sina guee.