San Juan 17:6 - Zapoteco de Aloápam

⁶ ’Ca benni becueelu lheꞌe ca benni seꞌe yies lo yu-ni betelu len neti nna chiba utixxiꞌatia cana nuxa ancalu. Guebalu ancacana, lu nna betelu cana len neti, lacana nna guarudoba cana tisa gue ca tisa guelha.

San Juan 17:6 Iomraidhean Croise

San Juan 1:18

Tsa läganu chi bilenna Tata Do Iyyabaaha. Benni anque tturbe xiꞌinie, ancaguabe Dios, doe cuitta tata guee, Ben-na beleꞌe loe gaxasná anca Benniha len riꞌi.

San Juan 12:28

Tata, beleꞌe lo lu ancalu Benni ra xxeni leni. Laniala nna bieni tsiꞌi ttu Benni unnee iyyabaaha re: —Chiba beleꞌe loa neti anca Benni ra xxeni leni. Nnanna nna uleꞌe loa attu libe neti anca benni ra xxeni leni.

San Juan 15:19

Ttirca ancarle benni baba len lacana, lania nna guacabaquinna guele attiba racaquinna gue ca benni baba len lacana. Ttiaca lebiꞌi nna lärga ancale benni baba yies lo yu-ni. Neti nna chi becueea le lheꞌe ca benni baba yies lo yu-ni. Nuarca bittu raca uyúcana le.

San Juan 15:3

Ca tisa chi utixxiꞌatia lenba chi benque acale benni nari lo Tata Do Iyyabaaha attiba ttu yaga ritúa nu bisi gueni.

San Juan 15:7

’Gansi gua seꞌele len neti lhe bittu ixulhinle nu rá ca tisa quia-ni lhe lania nna bixaba raca lele, gualnnaba nna guadíbale nua.

San Juan 17:12

Atti doa lencana yies lo yu-ni nna netiba rapa lhe redía lhe ca nu betelu len neti leni elha ra xxeni le guelu. Ni ttucana bittu dia nitti, suna ttuba nu chi gaꞌana tsia nittiha dia nittina, qui guaxxína uca nu chi gaꞌana aca, attiba rá lo ca sitsi guelha.

San Juan 17:14

Neti nna chiba utixxiꞌatia cana ca tisa guelha, ttiaca ca benni bittu ria lecani lu seꞌe yies lo yu-ni nna bittu raca uyúcana ca unná cumu de bittu ancacana benni baba yies lo yu-ni, attiba neti bittu anca Benni baba yies lo yu-ni.

San Juan 17:16

Läga anca ca unní benni baba yies lo yu-ni, attiba neti bittu anca Benni baba yies lo yu-ni.

San Juan 17:2

Lu nna chi benlu aca nu innabia iyá ca benni, qui utea elha nabani gatta ttu dia lii gue iyá ca benni chi betelu len neti lhe.

San Juan 17:24

’Ca benni chi betelu len neti, xa Tata, raca lasia tseꞌe guabacana len neti atta dhoa, qui iláquinna nu xxeni ra lasia chi betelu len neti, cumu antisla cue yies lo yu-ni chi raquinlu quia.

San Juan 17:26

Chi utixxiꞌatia cana nuxa ancalu, sna quixxiꞌarguabatia cana adí lhe qui anáchu attiba raquinlu quia nna aníaguaba aquin gue loescani, cuinaba neti nna dhoa lheꞌe lastoocani.

San Juan 17:7

Nnanna nna chiba yucana, iyába nu betelu len neti nna guebalu nua,

San Juan 18:9

Anía uca qui guaxxína tisa nu la laba Jesús unnee, atti re Tata Do Iyyabaaha: “Tata, ni ttu ca benni betelu len neti bittu bedelha.”

San Juan 6:37

Iyába ca benni rute tata quia len neti nna guadába ca nua len neti. Ca benni daa len neti nna läga odequia ca nua.

San Juan 6:39

Unní anca nu raca le Tata quia Benni udhelhe neti unia, bittu ugüelha tsia nitti ni ttu ca benni utee len neti. Nu unla nna unia eyacaquinna attu libe gansi chi bisía sá lhuxa.

San Juan 8:51

Neti nna gualíbatia ria le, benni udona tisa gue nu ria nna tsa läga gatti nua.

San Juan 8:52

Ca nu Israel nna becabicana rácana: —Nannarguaba nna chi yu tseetu, lu nna nu xxegüihaba yuꞌu lheꞌelu. Abraham uttiba biꞌiniha, anáguaba ca biꞌini uca profeta lhe lu nna rálu: “Nu udona tisa gue nu ria nna tsa läga gatti nua.”

Hechos 13:48

Atti bienini ca benni bittu anca benni Israel nu unnecabiha nna laniala bedaca lecani de beꞌoba lecani. Nianna ráttebacana: —¡Carbáru! ¡Anílirba de tsee anca ca tisa gue Benni bananie riha! Laniala nna güia le ca benni chi gaꞌana gatta elha nabani guecani ttu dia lii.

Romanos 11:2

Läga uluꞌu niꞌa Tata Do Iyyabaaha ca benni guee anca benni Israel, ca nu desdeba atti nía becuee aca benni guee. Lebiꞌi nna guayúbale gue nu rá lo ca sitsi gue Tata Do Iyyabaaha atta rixxiꞌa gue nu guate profeta Elías, biꞌiniha nna tsitsiba unnebi rulisabi Tata Do Iyyabaaha gue nu run ca benni Israel-na. Labi nna rábi:

2 Corintios 4:6

Cumu Tata Do Iyyabaaha Benni unnabie uyuꞌu xieni atta chulha, la Ben-na guaba benie uyuꞌu xieni guee lheꞌe lastoori, qui anáchu riꞌitu nna untu ttedaani adí benni gue nu xxeni ra le Tata Do Iyyabaaha, Benniha nua rilenri ruꞌu xieni guee lo Cristu.

Colosenses 3:16

Satía tsuꞌu ca tisa gue Cristuha leni itúxea elha tsee gue Ben-na lheꞌe lastoole. Gualuleꞌen loesle lhe gualuttipa le loesle lhe leni elha rieni rute Tata Do Iyyabaaha. Gualute xquixaru len Ben-na, itú iqui itú lele, gualulha gue Benna leni ca salmo lhe leni ca nu rulhale guee lhe.

2 Timoteo 1:13

Besigui beni nu tsee anca gualí chi beleꞌetia lu, güia lelu Jesús Benni anque Cristu, uquin gue ca benni lhe de chi ancalu benni baba leni Ben-na.

Hebreos 2:12

Lo ca sitsi gue Tata Do Iyyabaaha-na rinne Jesús re Ben-na: Neti quixxiꞌatia ca betsia-na qui unacana gue nuxa anca cuinalu-na lagüi gue ca benni seꞌe ribequi xencana lu ulha guelu lhe.

Hebreos 3:6

Ttiaca Cristuha nna anque Xiꞌini Tata Do Iyyabaaha, lee nna tsitsiba rape ca benni gue Ben-na. Riꞌi ancari ca benni gue Tata Do Iyyabaaha ladiba gansi guaseꞌeri ruxxen leri itú iqui itú leri guadíbari nu seꞌeri ribedariha, gansi guaseꞌeri redaca leri de dhíri nua lhe.

1 Pedro 1:1

Neti Pedro anca apóstol gue Jesucristu, ridhelha sitsi-ni guele lebiꞌi ca benni chi becuee Tata Do Iyyabaaha chi biría lo yies gueni seꞌe-na niba lheꞌe ca yies dittu lo yu gue Ponto, gue Galacia lhe Capadocia lhe Asia lhe Bitinia lhe.

1 Juan 5:20

Gua yuguabari nna Xiꞌini Tata Do Iyyabaaha bisíe yies lo yu-ni qui betee elha rieni gueri qui benbiari Benni gualíga anca Tata Do Iyyabaaha. Riꞌi nna seꞌeri leni Benni gualíga anca Tata Do Iyyabaaha cumu seꞌeri leni Xiꞌinie Jesús Benni anque Cristu. Lee anque Benni gualíga anca Dios, anque Benni rute elha nabani gatta ttu dia lii gueri lhe.

Apocalipsis 2:13

Neti nna gua yuba gue nu runle, gue gaxunna seꞌele lhe. Lebiꞌi nna seꞌele atta du xxila rido nu xxegüiha rinnabiana. Läquiga de unnuha, lebiꞌi nna tsitsiba seꞌele len neti. Läga rudhanle ria lele neti, ni atti betticana Antipas biꞌini uca nu rudo tisa utixxiꞌa ca tisa quia-na. Labi nua betticana lo yu atta seꞌele-na atta rinnabia nu xxegüi-na.

Apocalipsis 3:10

De bedole tisa gue nu benia mandadu unle bego bechíale lo nu guatele, bittu bedhanle ria lele neti lhe denua nna neti nna guapaba le gansi chi bisía sá uyú ca benni seꞌe yies lo yu-ni elha disa qui tsuꞌubiacana.

Apocalipsis 3:8

Neti nna yuxeaba gue iyába nu runle. Gualgüiarga, neti nna chi udhalia puerta guele nu nuttu nu te dhana odheana. Masquiba bittu runle tsitsi de bittu raca ixele, ttiaca bedobale tisa gue nu rpeale, bittuguaba chi bedhea lele lä dhi roꞌole ancabienle neti lhe.