San Juan 17:3 - Zapoteco de Aloápam

³ Guattaba elha nabani ttu dia lii gue ca benni gansi un biacana lu, lu nna tturbalu dolu gualíga ancalu Dios, un bia guabacana neti, neti nua Jesús Benni anca Cristu udhelhaluha.

San Juan 17:3 Iomraidhean Croise

San Marcos 9:37

—Nuxaba benni ulabina ttu unto loes unní de ancana nu ria leni neti nna netiba nua rulabi nua. Nu ulabina neti nna läga sunru neti nua rulabina, anáguaba rulabina Tata quia Do Iyyabaaha benni udhelhe neti.

San Lucas 9:48

Nianna re: —Nuxaba benni ulabina unto-ni de ria leni neti nna netiba nua rulabi nua, benni rulabina neti nna Benni udhelhe netihaba benniha rulabina. Cumu benni raquinle bittu ancana nu ra xxen leni nutsa len delo iyále nna unnuha la ancana nu ra xxen leni.

San Juan 10:36

¿Biacala neti Benni chi riesinie udhelhe yies lo yu-ni rále dequi rinne güea gue Tata Do Iyyabaaha de ria: “Neti anca Xiꞌini Tata Do Iyyabaaha”?

San Juan 11:42

Neti nna gua yuba, lu nna satíaba rieninlu quia, ttiaca de ca benni seꞌe-niba nna ria aná, qui tsia lecani gualí lu udhelhalu neti.

San Juan 14:26

Ttiaca Benni aca lanie leha, delába Espíritu idhelha Tataha cuenta quia, Benniha uleꞌenie le iyába, orexxe lele iyá nu chi rpea le lhe.

San Juan 17:18

Attiba udhelhalu neti yies lo yu-ni, aníaguaba idhelha cana tsiacana atta seꞌe ca benni seꞌe yies lo yu-ni.

San Juan 17:21

Rinnaba lolu qui ttuba eseꞌe iyábacana, attiba lu, xa Tata, ttuba Benni ancalu len neti, neti nna ttuba Benni anca len cuinalu. Anáguaba lacana eyacacana ttuba benni len riꞌi, qui anáchu tsia le ca benni seꞌe yies lo yu-ni, lu udhelhalu neti.

San Juan 17:23

Lu nna dulu len neti. Neti nna dhua len lacana, qui dhacana eꞌeyucana acacana benni seꞌe ttuba. Anía liba nna ttedaani ca benni bittu ria lecani lu, gualíba lu udhelhalu neti, raquinlu guecani attiba raquinlu quia lhe.

San Juan 17:25

Tata, lu ancalu Benni runi nu raxxína anca lhixxa. Ca benni bittu ria lecani lu seꞌe yies lo yu-ni nna läga anca biaquinna lu, ttiaca neti nna anca biabatia lu. Ca benni seꞌe len neti ni lhe chiba yucana luba udhelhalu neti.

San Juan 17:8

cumu utixxiꞌabatia cana ca tisa betelu len neti, lacana nna bedoba nagacani gue nu rá ca tisa guelha. Chiba yucana atta dolhaba biríaya daya, chiguaba güia lecani luba udhelhalu neti lhe.

San Juan 3:17

Cumu Tata Do Iyyabaaha nna läga udhelha Benniha neti Xiꞌinie-ni qui unia tsia nitti ca benni seꞌe yies lo yu-ni, udhelhabe neti qui odiláya cana.

San Juan 3:34

Ben-na anque Benni udhelha Tata Do Iyyabaaha, ca tisa gue Bennihaba rinnee, cumu Tata Do Iyyabaaha nna itú iqui itú lee bete Espíritu guee len Ben-na.

San Juan 5:44

Gaga nua tsia lele quia, cumu la lebiꞌiba rá loesle dequi ancale nu ra xxeni leni, läga runle qui Tata Do Iyyabaaha Benni tturbe do anque Dios innee ancale nu ra xxeni leni.

San Juan 6:57

Tata quia Benni udhelhe neti nna yuꞌu elha nabani guee. Larcala nna neti nna yuꞌuguaba elha nabani quia. Denuala nna ca benni gocana bela quia-ni, de netirba nna aca bancana.

San Juan 7:29

Neti nna anca biatie cumu atta doe biríaya delha, lee udhelhe neti lhe.

San Juan 8:19

Lacana nna unnaba tisacana rácane: —¿Nala tata gueluha? Jesús becabie re cana: —Lebiꞌi nna läga anca bienle neti, niguaba tata quia. Ttirca anca bienle neti nna lania nna anca biaguabinle Tata quia.

1 Corintios 15:34

Gualedoni nibisa, bitturu unle nu lä anca tsee. Qui ettúbinle nna ria: Ttulhele nna läga chi anca bienle Tata Do Iyyabaaha.

1 Corintios 8:4

Nnanna innea gue gansi gua dica gori bela gue ca nimala rutti ca benni rutecana úna lo becoa gue ca nu bittu gualí anca diosi-na. Riꞌi nna gua yuxeabari tsa läganu anca ca nu rá benni anca diosi sia yies lo yu-ni, tturba ttu Dios do, delába Tata Do Iyyabaaha.

2 Corintios 4:6

Cumu Tata Do Iyyabaaha Benni unnabie uyuꞌu xieni atta chulha, la Ben-na guaba benie uyuꞌu xieni guee lheꞌe lastoori, qui anáchu riꞌitu nna untu ttedaani adí benni gue nu xxeni ra le Tata Do Iyyabaaha, Benniha nua rilenri ruꞌu xieni guee lo Cristu.

Filipenses 3:10

Neti nna rdaca unbia tseerua Cristu, dhia elha ra xxen lee bete Tata Do Iyyabaaha len Benniha qui beacanie dequide uttie lhe rdaca guaba satea loesi nu guate Benniha lhe dhielha utticana neti attiguaba uxielha Benniha betticane lhe.

Filipenses 3:8

Anáguaba nnanna. Iyába ttu bixa runia ancana nu bittu daca, cumu nu daca len neti nna ancana benbiaya Jesucristu Benni bananie neti. De Cristuha nna iyába nu racatia anca nu te lidhacani len neti bocaꞌana. Iyába nua nna runia ancana attiba ttu ixi qui dhaya dhoa len Cristu,

1 Tesalonicenses 1:9

Cumu cuinaba lacana rixxiꞌaquinna riꞌitu gue gasná benle len riꞌitu atti bisíatu len lebiꞌiha, gue gaxasná uca bedhequile ria lele ca nu bittu gualí anca diosi qui güia lele Dios Benni do iyyabaaha lhe qui runle nu raca lee Ben-na unle lhe. Bennarguaba nna gualí anque Dios, doe banie lhe.

2 Tesalonicenses 1:8

Esíe qui utee elha disa ralha ca nu bittu raca lecani tsia lecani Tata Do Iyyabaaha, lä bedoguabacana tisa gue nu rá ca tisa gue Jesús Benni bananie ri lhe.

Hebreos 3:1

Larcala nna ca benni ria le Jesús chi seꞌe riesi anca gue Tata Do Iyyabaaha, ca benni sela len ca benni uxi Ben-na qui acacabi guee, gualorexxa tsee lele, Jesucristuha anque bixxudi xeni rinnabia, apóstol gue ca tisa ria leri-ni lhe.

2 Pedro 1:2

De chi anca bienle Tata Do Iyyabaaha, anáguaba Jesús Benni bananie ri-na lhe cuina laque acachatti lenque le lhe unque tseꞌele xen su lee lhe.

2 Pedro 1:3

Tata Do Iyyabaaha, leni elha ra tsitsi le guee chi betee iyá nu reasinri qui tseꞌeri unri nu radi lee. Iyába nu bete Ben-na len riꞌi nna uxíri-na de chi anca bienri Jesucristu. Benna uxie ri lo neda guee cumu de anque Benni ra xxeni lee lhe de anque Benni du tseeru lee lhe.

2 Pedro 1:8

Cumu gansi lebiꞌi seꞌele runle aná, rudona lele rusiguile runtseerle lhe lania nna guancabale benni rixuu, bittuguaba cuenta benbiale Jesucristu Benni bananie ri-na lhe.

1 Juan 1:2

Benni anca elha nabaniha nna bisíe yies lo yu-ni qui beleꞌe loe len benni. Riꞌitu nna bilentue, rixxiꞌatu guee lhe. Rixxiꞌentu le gue Benni rute elha nabani ttu dia lii-na. Benniha nna leni Tatahaba doe, lenla nna bisíe yies lo yu-ni qui beleꞌe loe len riꞌitu.

1 Juan 1:3

Riꞌitu nna rixxiꞌabintu le gue nu bilentu lhe bienintu lhe qui anáchu lebiꞌi nna acale benni seꞌe len riꞌitu, attiba riꞌitu ancatu benni seꞌe len Tata gueri do iyyabaaha, leni Xiꞌinie Jesús Benni anque Cristu lhe.

1 Juan 2:23

Iyába ca nu riguꞌu niꞌacani Xiꞌini Tata Do Iyyabaaha, läga seꞌe ca nua len Tata Do Iyyabaaha. Nu ridí roꞌoni anca bienna Xiꞌini Tata Do Iyyabaaha nna duguaba nua leni Tata Do Iyyabaaha.

1 Juan 4:6

Riꞌi nna ancabari gue Tata Do Iyyabaaha. Ca benni ancabiaquinna Benniha nna gua rudoba nagacani gueri, ttiaca ca benni bittu ancacana gue Tata Do Iyyabaaha nna läga rudo naga ca nua gueri. Aná nna ritedeenri ga duu nu chee Espíritu gue Tata Do Iyyabaaha rixxiꞌa nu anca gualí, ga duu nu chee be xxegüi rinne nu bittu anca gualí lhe.

1 Juan 5:20

Gua yuguabari nna Xiꞌini Tata Do Iyyabaaha bisíe yies lo yu-ni qui betee elha rieni gueri qui benbiari Benni gualíga anca Tata Do Iyyabaaha. Riꞌi nna seꞌeri leni Benni gualíga anca Tata Do Iyyabaaha cumu seꞌeri leni Xiꞌinie Jesús Benni anque Cristu. Lee anque Benni gualíga anca Dios, anque Benni rute elha nabani gatta ttu dia lii gueri lhe.