San Juan 17:2 - Zapoteco de Aloápam

² Lu nna chi benlu aca nu innabia iyá ca benni, qui utea elha nabani gatta ttu dia lii gue iyá ca benni chi betelu len neti lhe.

San Juan 17:2 Iomraidhean Croise

San Mateo 11:27

’Tata quiaha nna iyába betee las náya. Tsa läganu yu gattigasná anca Xiꞌini Tata Do Iyyabaaha, sunruba lee yue nuxa anca Xiꞌinie. Nuttuguaba yu gattigasná anca Tataha lhe sunruba neti Xiꞌinie-ni yua nuxa anque, ca benni raca lasia quixxiꞌatia cana gue Benniharba nna yucana nuxa anque.

San Mateo 25:46

Nianna rá Jesús: —Ca nu runi nu lä anca tsee-na nna tsiabacana atta ttu dia liiba uyúcana elha disa, ca nu runi nu anca tsee-na nna eyyabacana atta gatta elha nabani guecani ttu dia lii.

San Mateo 28:18

Jesús ubigattebe atta seꞌe ca biꞌiniha, nianna re cabi: —Tata Do Iyyabaaha chi betee derechu len neti, qui innabiaya yies lo yu-ni lhe iyyabaaha lhe.

San Juan 17:24

’Ca benni chi betelu len neti, xa Tata, raca lasia tseꞌe guabacana len neti atta dhoa, qui iláquinna nu xxeni ra lasia chi betelu len neti, cumu antisla cue yies lo yu-ni chi raquinlu quia.

San Juan 17:6

’Ca benni becueelu lheꞌe ca benni seꞌe yies lo yu-ni betelu len neti nna chiba utixxiꞌatia cana nuxa ancalu. Guebalu ancacana, lu nna betelu cana len neti, lacana nna guarudoba cana tisa gue ca tisa guelha.

San Juan 17:9

’Gue ca unní rinnaba lolu, läga gue ca nu bittu ria lecani lu rinnaba. Rinnaba gue ca nu betelu len neti, cumu guebalu ancacana.

San Juan 3:35

Tata Do Iyyabaaha nna raca juisien Benniha gue Xiꞌinie-na, larcala nna iyába nu tee chi bocaꞌane las ná Ben-na.

San Juan 4:14

Ttiaca benni iꞌiya inda utea-ni nna tsa lärgaga ebis nua attu libe. Cumu inda utea iꞌiyanaha aque lhiꞌu lheꞌeni attiba ttu roꞌo dina riría inda. Benniha nna utee elha nabani gatta ttu dia lii gueni.

San Juan 6:27

Bittu udoxxatta lele quilale elha go nu bittu ruchía isá yies lo yu-ni. Nu unlale nna gualuni duelha gualeguila elha go nu ute elha nabani ttu dia lii guele. Elha go-ni nua utea len lebiꞌi, neti Benni unbiyuu daa iyyabaaha. Denua nna Tata quia do iyyabaaha chi bodúe neti.

San Juan 6:37

Iyába ca benni rute tata quia len neti nna guadába ca nua len neti. Ca benni daa len neti nna läga odequia ca nua.

San Juan 6:39

Unní anca nu raca le Tata quia Benni udhelhe neti unia, bittu ugüelha tsia nitti ni ttu ca benni utee len neti. Nu unla nna unia eyacaquinna attu libe gansi chi bisía sá lhuxa.

Romanos 6:23

Cumu elhuttiba chee ca tulha runri-na gueri, ttiaca nu tsee redá lee Tata Do Iyyabaaha rute cuentaba len riꞌi nna ancana elha nabani gatta ttu dia lii gueri de chi ancari gue Jesucristu Benni bananie ri.

1 Corintios 15:25

Cumu Cristu labíaba innabie axta liba dhee lo iyá ca nu bittu raca uyúcane.

Efesios 1:20

atti benie beacani Cristuha belhidhe Benniha lheꞌe baa atta yuꞌu ca nu yatti-na. Nianna bodoe Benniha daca ladu ná derechu guee atta doe iyyabaaha.

Filipenses 2:10

qui anáchu nna de ra xxeni le Jesús, iyába ca nu seꞌe iyyabaaha lhe ca nu seꞌe yies lo yu lhe ca nu yuꞌu lhiꞌu yu lhe udú xibicani lo Ben-na.

1 Timoteo 1:16

Ttiaca Tata Do Iyyabaaha nna guatúanie neti qui beleꞌe lo Jesús Benni anque Cristu lee nna ratúanie nuxaba benni. Anioca nna uca benni ugüia ca benni qui tsia lecani Jesucristu, lania nna gatta elha nabani guecani ttu dia liiba.

Hebreos 1:2

Tiempu nu chi daa riluxa seꞌeri nnanna nna rixuunie Xiꞌinie Jesús qui rinnee rulise ri. Xiꞌinie-nguaba bixuunie benie iyáxeaba nu seꞌe lo bea-na lhe nu seꞌe yies lo yu-ni lhe las ná Ben-naguaba bodhaꞌane iyáxeaba lhe.

1 Pedro 3:22

Benniha nna beopie iyyabaaha bedoe daca derechu gue Tata Do Iyyabaaha, ca ingeli-na lhe ca nu rinnabia-na lhe ca nu ra tsitsi lequinna lhe seꞌecana rudá iquicani guee.

1 Juan 1:2

Benni anca elha nabaniha nna bisíe yies lo yu-ni qui beleꞌe loe len benni. Riꞌitu nna bilentue, rixxiꞌatu guee lhe. Rixxiꞌentu le gue Benni rute elha nabani ttu dia lii-na. Benniha nna leni Tatahaba doe, lenla nna bisíe yies lo yu-ni qui beleꞌe loe len riꞌitu.

1 Juan 2:25

Benni nua tisa chi begüee Cristuha len riꞌi, lee nna utee elha nabani gatta ttu dia lii gueri.

1 Juan 5:20

Gua yuguabari nna Xiꞌini Tata Do Iyyabaaha bisíe yies lo yu-ni qui betee elha rieni gueri qui benbiari Benni gualíga anca Tata Do Iyyabaaha. Riꞌi nna seꞌeri leni Benni gualíga anca Tata Do Iyyabaaha cumu seꞌeri leni Xiꞌinie Jesús Benni anque Cristu. Lee anque Benni gualíga anca Dios, anque Benni rute elha nabani gatta ttu dia lii gueri lhe.

Judas 1:21

Satía gualtseꞌe gualuxxen lele gua racabani Tata Do Iyyabaaha guele, gualtseꞌe gualcueda isía sá atti utee Jesucristu Benni bananie ri-na elha nabani gatta ttu dia lii guele de guatúa le Ben-na le.