San Juan 17:11 - Zapoteco de Aloápam

¹¹ ’Neti nna lärga dhoa yies lo yu-ni, ttiaca ca unní nna tseꞌerba ca unní yies lo yu-ni. Laca neti nna dedaaya atta dolha, xa Tata do riesi leni nu lä anca tsee, ca benni betelu len neti nna upachi cana leni elha ra xxeni le guelha, qui tseꞌecana acacana ttuba benni attiba riꞌi ancari ttuba Benni.

San Juan 17:11 Iomraidhean Croise

San Mateo 10:16

’Neti ridhelha le attiba ttu nu ridhelha carneꞌe lagüi ca sagueo. Denuala nna listu gualuni attiba ttu belha, ttiaca gualaca tana attiba ttu becha.

San Mateo 5:48

Larcala nna lebiꞌi acale benni runi nu anca tsee, attiba Tata gueri do iyyabaaha anque Benni runi nu anca tsee.

San Mateo 6:9

Lebiꞌi nna aní innále atti innele len Tata Do Iyyabaaha: Tata guetu do iyyabaa, ribequi xentu cuinalu cumu anca cuinalu Dios.

San Juan 13:1

Deoba laní Pascua, Jesús yube chiba bisía ura atti edee yies lo yu-ni qui esíne atta do Tata gueha. Attiba ucanie gue ca benni guee seꞌe yies lo yu-ni nna aníaba ucanie gue ca biꞌiniha axta atti bisía sá uttie.

San Juan 13:3

Jesús yube, iyába chi bete Tata gueha las nee, atta do Bennihaba biríe dee yies lo yu-ni lhe níaguaba esíne lhe.

San Juan 14:20

Gansi chi bisía sá aca nu ria-ni nna lania nna ttedeenle neti nna ttuba Benni anca lenia tata quiaha, lebiꞌi nna ancale ttuba benni leni neti, neti nna anca ttuba Benni len lebiꞌi.

San Juan 16:28

Atta do Tataha biríaya delha yies lo yu-ni. Nnanna nna odhaꞌana yies lo yu-ni qui eyyaꞌaya atta do Tataha.

San Juan 16:33

Iyá unní rixxiꞌatia le qui edíle elha xen lasi rutea de guadúba len lebiꞌi. Yies lo yu-ni nna satele uyúle elha disa. Lebiꞌi nna tsitsi gualcuequi lele, cumu neti nna udába bedú niꞌaya iqui nu lä anca tsee gue yies lo yu-ni.

San Juan 17:23

Lu nna dulu len neti. Neti nna dhua len lacana, qui dhacana eꞌeyucana acacana benni seꞌe ttuba. Anía liba nna ttedaani ca benni bittu ria lecani lu, gualíba lu udhelhalu neti, raquinlu guecani attiba raquinlu quia lhe.

San Juan 17:25

Tata, lu ancalu Benni runi nu raxxína anca lhixxa. Ca benni bittu ria lecani lu seꞌe yies lo yu-ni nna läga anca biaquinna lu, ttiaca neti nna anca biabatia lu. Ca benni seꞌe len neti ni lhe chiba yucana luba udhelhalu neti.

San Juan 17:6

’Ca benni becueelu lheꞌe ca benni seꞌe yies lo yu-ni betelu len neti nna chiba utixxiꞌatia cana nuxa ancalu. Guebalu ancacana, lu nna betelu cana len neti, lacana nna guarudoba cana tisa gue ca tisa guelha.

San Juan 7:33

Laniala rá Jesús cana: —Attu sattirba dhoa len lebiꞌi, lenla nna eyaꞌatteba atta do Benni udhelhe neti.

Hechos 3:21

Benniha nna labíaba cuede iyyabaaha axta liba isía sá lhuxa oseꞌe tsee Tata Do Iyyabaaha iyáxea, attiba chi rá ca profeta utixxiꞌa ca tisa betee benna lencabi itú nurea.

Romanos 12:5

Anáguaba riꞌi, masquiba raca ixeri, ttiaca ttuba cuerpu ancari len Cristuha, iyábari den loesri attiba niꞌa ná cuerpu gue ttuba benni.

Romanos 9:17

Lo ca sitsi gue Tata Do Iyyabaaha rixxiꞌa rá Benniha unnee re Faraón nu unnabia yiesi lá Egipto: “Neti bodúa lu qui acalu nu rinnabia. Lu ixuutia qui uleꞌe loa neti anca nu ra xxeni leni, aníaliba nna una iyáxea benni seꞌe yies lo yu-ni nuxa anca.”

1 Corintios 1:10

Ca benni ria le Jesús, rinnaba lole gualun chi lo niꞌa gue Jesucristu Benni bananie ri, ttuba gualeseꞌe, bittu ilaꞌa lheꞌe loesle. Lhatsiru gualtseꞌe. Ttuba gualulaba lele lhe ttuba anca nu aquinle lhe.

Gálatas 3:28

Lärgabi runna gue nuxa ancale nnanna si ancale benni Israel, aca, benni dittu aca, si ancale nu ttoꞌo lo sina aca, nu bittu ttoꞌo lo sina aca, si ancale nuila aca, unbiyuu aca, cumu iyábale la ttuba benni chi ancale nnanna de ancale benni baba len Jesucristu.

Efesios 4:4

Cumu ttuba benni anca iyábari, la ttuguaba Espíritu gue Tata Do Iyyabaaha do lheꞌe lastoori lhe iyábari attiba chi biexiri acari benni gue Tata Do Iyyabaaha, la ttuguaba nu xen leri dhíri lhe.

Filipenses 2:9

Denuala nna beni Tata Do Iyyabaaha aca Benniha Benni ra xxeniru lee gue delo iyáxea, begüee ladi Benniha qui uque Benni rinnabia xeni gue delo iyáxea ca nu rinnabia,

Hebreos 1:3

Xiꞌinie-ni ruleꞌe loe nu xxeni ra le Tata Do Iyyabaaha. Lee anque itúxeaba atti anca Tata Do Iyyabaaha. Anque Benni tsitsiba ra lee, de nua nna leni tisa guebe denie iyáxeaba nu seꞌe yies lo yu-ni. Benniha nna dequide uttie lo niꞌa gue ca tulha gueri qui eyacari nu nari lo Tata Do Iyyabaaha nna beopittebe iyyabaaha qui bedoe daca ladu derechu gue Tata Do Iyyabaaha Benni ra xxeni lee.

Hebreos 9:24

Cumu Cristuha läga uteꞌe lheꞌe yotu beni ca benni seꞌe yies lo yu-ni, nu anca lixxina cuinaga yotu do iyyabaaha, sinuqui iyyabaaha liba beteꞌe, attaba doe nnanna qui ribequi loe gueri lo Tata Do Iyyabaaha.

Santiago 4:4

¡Lebiꞌi, ca benni dia rudhá iquile Tata Do Iyyabaaha! ¿Si bittuba yule dequi gansi racabinri gue nu lä anca tsee te yies lo yu-ni nna riguꞌuba niꞌari Tata Do Iyyabaaha? Larcala nuxaba benni raca leni aquinna gue nu lä anca tsee raca yies lo yu-ni nna racana nu bittu do tsee leni Tata Do Iyyabaaha.

1 Pedro 1:5

Lebiꞌi nna de ria lele Tata Do Iyyabaaha nuarca Ben-naba rape le leni elha ra xxen le guee, qui galhale lhále attiba chi gaꞌananie unie atti isía ca sá lhuxa.

1 Juan 3:12

Bittu acale attiba benni utá lani Caín. Lana nna bettina betsiniha cumu Caín ucana gue nu xxegüiha. Nianna, ¿bi lo niꞌa gue bettina nua? Bettina nua cumu lana nna ucana nu runi nu lä anca tsee, betsiniha nna benna nu anca tsee.

1 Juan 5:19

Riꞌi nna yubari, ancabari gue Tata Do Iyyabaaha. Iyába ca benni seꞌe yies lo yu-ni ca nu bittu ria lecani Benniha nna nu xxegüihaba rinnabian cana.

Judas 1:1

Neti Judas betsi Jacobo, anca benni rixuu lo sina gue Jesucristuha. Ridhelha sitsi-ni guele lebiꞌi ca benni racani Benni anque Dios gueri-na guele lhe Benni anque Tata gueri lhe do iyyabaaha, ca benni chi uxie lo neda guee lhe. Anáguaba Jesucristuha, rapaguaba benniha le.

Judas 1:24

Xxeni ra lee Tata Do Iyyabaaha. Lee uyúe le qui bittu inittile lo neda guee, aná nna attulade redaca lele atti utsadúle lo atta gaꞌana tsee do Ben-na bitturu ancale tsiga lo Ben-na.

Apocalipsis 15:4

Iyá rechaba ca benni gapacana lu respeto, xa Tata, iyárechaba ca benni cuequi xencana lelu lhe. Cumu sunruba lu ancalu Benni nari do riesi. Iyába ca benni seꞌe lheꞌe ca yies seꞌe itúba yies lo yu itacana udú xibicani lolu, cumu chiba beleꞌe lolu lu ancalu Benni runi elha uxtisi tsee.

Apocalipsis 19:12

Ca iyya loe nna ancaque attiba belha gue gui, iquie nna yuꞌu ixeru corona, diaguaba lo xea Benniha ttu lá nu nuttu nu yu, sunruba lee yue bixa lá nua dia lo xee.

Apocalipsis 4:8

Coa ttuttuba ca nu baniha nna sia xxupa xxilacani. Itúba lo cuꞌe ca xxilacaniha nna sia ca iyya lo. Rela resába nna tsa bittu redí lecani rácana: ¡Tata Do Iyyabaa, Benni bananie riꞌitu. ¡Lu ancalu Benni nari do riesi! ¡Lu ancalu Benni nari do riesi! ¡Benni nari do riesi ancalu, xa Tata Do Iyyabaa benni raxxatta tsitsi lee! ¡Lu ancalu benni dolu nnanna lhe benni ttu dola lhe benni dho tiempu chi daba lhe!