San Juan 17:1 - Zapoteco de Aloápam

¹ Dequide unne Jesús iyába unní nna ulhidhatteba loe begüie iyyabaaha, nianna re: —Tata, nnanna nna chiba bisía ura. Beni qui uleꞌe lo neti xiꞌinlu-ni anca Benni ra xxeni leni, qui anáguaba neti nna unia uleꞌe lolu ancalu Benni ra xxeni leni.

San Juan 17:1 Iomraidhean Croise

San Marcos 14:41

Atti beyonna libe bequie besine atta seꞌe ca biꞌini rudheti ca tisa ruleꞌe, nianna ráttebe ca biꞌiniha: —¿Si sna tebale tiꞌedhile, redí lele lhe? Chi banca ttonába cumu chi bisía ura atti utecana neti Benni unbiyuu daa iyyabaaha las ná ca nu runi nu lä anca tsee-na.

San Lucas 18:13

Ttiaca güequixaha nna idittu liba duna, niba lä reaxinna ilidha loni ugüiana iyyabaaha, sunruba rugüe lastooni de re lenina, nianna rána: “¡Tata Do Iyyabaa quia, guatúachi lelu neti, cumu anca nu te tulha gueni lolu!”

San Lucas 22:53

Inqui ttu ttu sába udúa len lebiꞌi lheꞌeliꞌa gue yotu-na, lebiꞌi nna bittu beaxinle ettedaxxule neti. Ttiaca nnanna liba anca ura guele atti rinnabia nu lexúaha le.

San Juan 11:4

Atti chi bina Jesús nu rá ca nua nna ráttebe: —Isagüee yuꞌu nua nna läga anca nua nu uttin na, delába unnuha nna ixuula isagüeha qui inná ca benni: “¡Xxeni ra le Tata Do Iyyabaaha!”, anáguaba qui uleꞌe lo neti Xiꞌinie-ni anca Benni ra xxeni leni lhe.

San Juan 11:41

Utúabacana iyyaha nna ulhidhatteba lo Jesús begüie lo bea-na, nianna re: —Xquixarulu, xa Tata, cumu bienbinlu quia.

San Juan 12:23

Benniha nna re cabi: —Bisíaba ura neti Benni unbiyuu daa iyyabaaha nna eyopia iyyabaaha qui uleꞌe lo neti anca Benni ra xxeni leni.

San Juan 13:1

Deoba laní Pascua, Jesús yube chiba bisía ura atti edee yies lo yu-ni qui esíne atta do Tata gueha. Attiba ucanie gue ca benni guee seꞌe yies lo yu-ni nna aníaba ucanie gue ca biꞌiniha axta atti bisía sá uttie.

San Juan 16:32

Uraha nna chiba daa nua ribigana, chiba bisía ura atti isatsa lheꞌe loesle, coa ttuttubale udaxxu neda guele gaxa ladu tsiale, atturba ocaꞌanle lania. Ttiaca läga tturu neti dua, gua duba Tata quiaha len neti.

San Juan 7:30

Lania nna uxacacana udaxxucane, ttiaca ni ttucana bittu bedaxxucane, cumu läga chi bisía ura guee.

San Juan 7:39

Atti unne Jesús gue inda rute elha nabani ttu dia lii nna gue Espíritu gue Tata Do Iyyabaaha dhi ca benni tsia lecani Bennihaba nua rinnee. Lania nna lägabi chi uxí ca benni Espíritu cumu läga chi beopi Jesús iyyabaaha uleꞌe loe anque Benni ra xxeni lee.

San Juan 8:20

Ca tisa-ni unne Jesús laca due ruleꞌenie ca benni lheꞌeliꞌa gue yotuha gaxxaba atta sia ca nu riguꞌucana úna lheꞌecaniha. Ttiaca ni ttucana bittu bedaxxucane cumu läga chi bisía ura guee.

Hechos 3:13

Tata Do Iyyabaa gue Abraham lhe gue Isaac lhe gue Jacob lhe Tata Do Iyyabaaha gue ca benniola gueriha chi benie cuequi xen iyáxea Benni Xiꞌinie Jesús Benni bedaxxule guatele las ná Pilatoha. Lebiꞌi nna bittu uxielhale olhána Benniha atti chi rána olháne.

1 Pedro 1:21

Lebiꞌi nna de Cristuha nna ria lele Tata Do Iyyabaaha Benni beni beacani Cristu dequide uttie, leni unnuha nna benie ure xen Cristuha, qui anáchu lebiꞌi nna tsia lele Tata Do Iyyabaaha, uxxen lele gue nu chi re unie lhe.