San Juan 16:8 - Zapoteco de Aloápam

⁸ Gansi chi bisía Benniha nna unie ttedaani ca benni bittu ria lecani Tata Do Iyyabaaha seꞌe yies lo yu-ni nú nua te tulha guecani, nú nua runi nu anca tsee lo Tata Do Iyyabaaha lhe nú nua satena lo elha disa ute Tata Do Iyyabaaha gansi chi benie elha uxtisi guecani lhe.

San Juan 16:8 Iomraidhean Croise

San Juan 16:7

Neti nna rpeba le nu anca gualí: Tseerla salíanale eyyaꞌaya, cumu gansi bittuba eyyaꞌaya nna läga isía Espíritu Benni aca lanie le. Ttiaca gansi eyyaꞌaya nna lania nna idhelha Benniha len lebiꞌi.

San Juan 16:9

Unie ttedaaquinna lacana ancacana nu te tulha gueni de bittu ria lecani neti.

San Juan 8:46

¿Núle cuequilíle dequi anca nu te tulha gueni? Gansi rinneba nu anca gualí nna ¿biacala bittu ria lele quia ganna?

San Juan 8:9

Atti bienquinna nu rá Benniha nna udulottebacana ttuttu ttuttubacana deyyacana. Primero ca nu yaxxuha udulo güequi, lenla nna güequi ca uncuitiha, axta liba beacana. Atturba Jesús beꞌane nía lenie nuila bedúcana salheha.

Hechos 2:37

Atti bienini ca nu seꞌe nía nu rá Pedro, lania nna siꞌirurba runcana cumu de guadú lecani nu rá biꞌiniha cana. Nianna unnaba tisattebacana biꞌiniha, adí ca biꞌini bedheti ca tisa beleꞌe Jesús lhe rácan cabi: —Xa betsito, ¿bila anca nu untu ganna?

1 Corintios 14:24

Ttiaca gansi iyábale seꞌele rixxiꞌale ca tisa rute Tata Do Iyyabaaha len lebiꞌi atti gaꞌa benni bittu ria le Jesús o gaꞌa benni bittu chi yu tsee gue nu runle, lana nna atti iyeninna iyá nu rinnele nna ¿läba ganna oquinnaba iquini ancana nu runi nu lä anca tsee, ralhabana dhína elha disa ute Tata Do Iyyabaaha lhe godúxiyyabanna gue ca tulha gueniha lhe?

Judas 1:15

qui unie elha uxtisi gue iyába ca benni, utee elha disa ralha ca nu lä duta leni gue iyá nu satsa runcana lhe gue iyába ca tisa idí unne ca nu lä du ta leni runi nu lä anca tsee-na atti unne güecana gue Ben-na lhe.”