San Juan 16:7 - Zapoteco de Aloápam

⁷ Neti nna rpeba le nu anca gualí: Tseerla salíanale eyyaꞌaya, cumu gansi bittuba eyyaꞌaya nna läga isía Espíritu Benni aca lanie le. Ttiaca gansi eyyaꞌaya nna lania nna idhelha Benniha len lebiꞌi.

San Juan 16:7 Iomraidhean Croise

San Lucas 24:49

Neti nna güidhelhaba benni chi rá Tata quiaha utee len lebiꞌi. Larcala niba gualtseꞌe lheꞌe yiesi Jerusalén-ni axta qui dhíle elha raca len daa iyyabaaha, qui acale nu ra tsitsi leni.”

San Lucas 4:25

Gualíba ixeru nuila bidabi seꞌe len ca benni Israel atti udo profeta Elías, lania nua bitturu uca iyya delo tsunna ida yuꞌu xxupa beo. Denua nna uca ubina itúba nía.

San Lucas 9:27

Neti nna gualíbatia ria le, ttulhele ca nu seꞌe-ni nna läga gattixxile antisla ilenle innabia Tata Do Iyyabaaha.

San Juan 14:26

Ttiaca Benni aca lanie leha, delába Espíritu idhelha Tataha cuenta quia, Benniha uleꞌenie le iyába, orexxe lele iyá nu chi rpea le lhe.

San Juan 14:28

La chiba bieninle ria: “Eyyaꞌaba, lenla nna esíaya qui dhoa len lebiꞌi attu libe.” Gansi gualíguinle raquinle quia nna rana beꞌo juisia lele atti rpea le: “Eyyaꞌaya atta do Tata quia”, cumu Benniha anque Benni raru xxeni lee atti neti.

San Juan 14:3

Dequide eyyaꞌaya sen tseea atta tseꞌele nna dedaaya attu libe qui echea le len neti, qui tseꞌeguabale atta dhoa.

San Juan 15:26

’Neti idhelha Benni aca lanie le, delába Espíritu Benni ruleꞌe nu anca gualí. Benniha nna atta do Tata Do Iyyabaaha li iríe dee. Lee quixxiꞌe nuxa anca.

San Juan 16:8

Gansi chi bisía Benniha nna unie ttedaani ca benni bittu ria lecani Tata Do Iyyabaaha seꞌe yies lo yu-ni nú nua te tulha guecani, nú nua runi nu anca tsee lo Tata Do Iyyabaaha lhe nú nua satena lo elha disa ute Tata Do Iyyabaaha gansi chi benie elha uxtisi guecani lhe.

San Juan 7:39

Atti unne Jesús gue inda rute elha nabani ttu dia lii nna gue Espíritu gue Tata Do Iyyabaaha dhi ca benni tsia lecani Bennihaba nua rinnee. Lania nna lägabi chi uxí ca benni Espíritu cumu läga chi beopi Jesús iyyabaaha uleꞌe loe anque Benni ra xxeni lee.

Hechos 10:34

Laniala nna udulo Pedro unnebi rábi: —Nnanna liba chi radú lasia, Tata Do Iyyabaaha nna lägabi rugüia Benniha ttixa anca ttu ttu benni, ttulapaba racanie gue iyába benni.

Hechos 2:33

Benniha nua beni Tata Do Iyyabaaha aque Benni ra xxeni leni, bodo daca lhuitta derechu gue Benniha lhe. Nianna uxíe Espíritu bete Tata Do Iyyabaaha lenie, benni chi becan yienie idhelhe len riꞌi. Benniha benni chi bieninle lhe chi bilenle lhe betee len ca benni seꞌe-ni.

Romanos 8:28

Riꞌi nna guayúbari Tata Do Iyyabaaha runie qui iyába nu rateri rixuuna runi qui salía tseenri riꞌi ca benni raquinri guee, ca nu chi uxie lo neda guee attiba chi gaꞌananie aca.

2 Corintios 4:17

Nu ratetu seꞌetu yies lo yu-ni nna ancabunna nu gua ridábatu loni, sattiba riteonna, ttiaca nu tsee dhítu gue nu ratetu-ni ancana ttu nu xxeni, nu edí baatu ttu dia liiba iyyabaaha.