San Juan 16:3 - Zapoteco de Aloápam

³ Anía uncana, cumu bittu anca biaquinna Tataha, niguaba neti.

San Juan 16:3 Iomraidhean Croise

San Lucas 10:22

’Tata quiaha nna iyába nu tee betee las náya. Tsa läganu yu gattigasná anca Xiꞌini Tata Do Iyyabaaha, sunruba lee yue nuxa anca Xiꞌinie. Nuttuguaba yu gattigasná anca Tataha lhe sunruba neti Xiꞌinie-ni yua nuxa anque, ca benni raca lasia quixxiꞌatia cana gue Benniharba nna yucana nuxa anque.

San Juan 15:21

Iyá unní udhacacan le lo niꞌa quia de ria lele neti, cumu bittu anca biaquinna Benni udhelhe neti.

San Juan 15:23

Nu rutía di leni neti nna rutía diguaba le nua Tata quia.

San Juan 17:25

Tata, lu ancalu Benni runi nu raxxína anca lhixxa. Ca benni bittu ria lecani lu seꞌe yies lo yu-ni nna läga anca biaquinna lu, ttiaca neti nna anca biabatia lu. Ca benni seꞌe len neti ni lhe chiba yucana luba udhelhalu neti.

San Juan 17:3

Guattaba elha nabani ttu dia lii gue ca benni gansi un biacana lu, lu nna tturbalu dolu gualíga ancalu Dios, un bia guabacana neti, neti nua Jesús Benni anca Cristu udhelhaluha.

San Juan 8:19

Lacana nna unnaba tisacana rácane: —¿Nala tata gueluha? Jesús becabie re cana: —Lebiꞌi nna läga anca bienle neti, niguaba tata quia. Ttirca anca bienle neti nna lania nna anca biaguabinle Tata quia.

San Juan 8:55

Lebiꞌi nna läga anca bienle Benniha, netirguaba nna anca biatie. Gansi innía bittu anca biatie nna lania nna anca ttu nu run leni attiba lebiꞌi, ttiaca gualíba anca biatie lhe rudoa tisa gue nu re lhe.

Hechos 3:17

’Neti racatia xa betsito, de chulhabinle lenle ca nu rinnabia guele-na nuarcala bedhacale Jesús anía.

1 Corintios 2:8

Unní unni bittu utedaani ca nu rinnabia seꞌe yies lo yu-ni, cumu ttirca ute daabaquinna lania nna läga betácana lo ya crusi Benni bananie ri Benni ra xxeni lee-na.

2 Tesalonicenses 1:8

Esíe qui utee elha disa ralha ca nu bittu raca lecani tsia lecani Tata Do Iyyabaaha, lä bedoguabacana tisa gue nu rá ca tisa gue Jesús Benni bananie ri lhe.

1 Timoteo 1:13

Masquiba ca tu ttuha nna uca ttu benni unne güee gue Ben-na, bería laya ca benni ria lecani guee lhe bedhaca siꞌacabi lhe, ttiaca lee nna guatúaba lee neti cumu läga chi ria lasie lania, bittuguaba yua bixa nua runia lhe.

1 Juan 2:23

Iyába ca nu riguꞌu niꞌacani Xiꞌini Tata Do Iyyabaaha, läga seꞌe ca nua len Tata Do Iyyabaaha. Nu ridí roꞌoni anca bienna Xiꞌini Tata Do Iyyabaaha nna duguaba nua leni Tata Do Iyyabaaha.

1 Juan 3:1

Gualugüiarga, análirba de racani Tata Do Iyyabaaha gueri, axtaba xiꞌini Tata Do Iyyabaaha chi teni Benniha lári. Gualíba chi ancari xiꞌinie. Denuala nna bittu radú le ca benni seꞌe yies lo yu-ni nuxa ancari, cumu bittu ancabiaquinna Tata Do Iyyabaaha.

1 Juan 4:8

Nu bittuba raquinna gue nuxaba benni nna läga ancabien nua Tata Do Iyyabaaha, cumu Tata Do Iyyabaaha anque benni racani gue ca benni.

1 Juan 5:20

Gua yuguabari nna Xiꞌini Tata Do Iyyabaaha bisíe yies lo yu-ni qui betee elha rieni gueri qui benbiari Benni gualíga anca Tata Do Iyyabaaha. Riꞌi nna seꞌeri leni Benni gualíga anca Tata Do Iyyabaaha cumu seꞌeri leni Xiꞌinie Jesús Benni anque Cristu. Lee anque Benni gualíga anca Dios, anque Benni rute elha nabani gatta ttu dia lii gueri lhe.