San Juan 16:13 - Zapoteco de Aloápam

¹³ Gansi chi bisía Espíritu gue Tata Do Iyyabaaha benni rixxiꞌa nu gualí, Benniha uleꞌenie le iyá nu anca gualí, cumu läganu anca gue Benniha innee, nu iyienbani Benniha inná Tata Do Iyyabaaha innee, quixxiꞌenie le iyába nu chi daa aca lhe.

San Juan 16:13 Iomraidhean Croise

San Juan 12:49

Cumu neti nna läganu anca quia rinnea, Tata quia Benni udhelhe netiha Bennihaba re neti bixa innea lhe quixxiꞌaya lhe.

San Juan 14:17

Benniha nua Espíritu gue Tata Do Iyyabaaha, Benni ruleꞌenie le nu anca gualí. Ca benni seꞌe yies lo yu-ni nna läga ulabicana Benniha, cumu läga anca biaquinna Benniha, niguaba lä riláquinne lhe. Ttiaca lebiꞌi nna chiba anca bienle Ben-na, cumu len lebiꞌiba doe, dhoe lheꞌe lastoole lhe.

San Juan 14:26

Ttiaca Benni aca lanie leha, delába Espíritu idhelha Tataha cuenta quia, Benniha uleꞌenie le iyába, orexxe lele iyá nu chi rpea le lhe.

San Juan 14:6

Jesús becabie re: —Netiba nua anca neda dia atta do Tata Do Iyyabaaha. Anca nu ruleꞌe nu anca gualí lhe anca nu rute elha nabani ttu dia lii lhe. Ni ttu benni bittu aca gueni isínna len Tata quia gansi läba neti unia qui isínna len Benniha.

San Juan 15:26

’Neti idhelha Benni aca lanie le, delába Espíritu Benni ruleꞌe nu anca gualí. Benniha nna atta do Tata Do Iyyabaaha li iríe dee. Lee quixxiꞌe nuxa anca.

San Juan 16:12

’Ixeru nu tetia upea le, ttiaca nnanna nna läga sadú lele nu innía.

San Juan 3:32

Gue nu bilábanie lhe nu bienbanie lhe rixxiꞌe, ttiaca läganu ria leni guee.

San Juan 8:38

Neti nna rinneba nu bilátia atti doa len Tata quia, lebiꞌi nna runbale nu bienbinle rá tata gueleha.

Hechos 11:28

Ttu ca biꞌiniha, biꞌini lá Agabo, udulíbi utixxiꞌabi ca tisa bete Espíritu gue Tata Do Iyyabaaha lenbi, labi nna rábi isía ttu ubina lheꞌe iyába ca yiesi seꞌe yies lo yu. Unnuha nua uca atti anca Claudio nu rinnabia.

Hechos 20:23

Sunruba nu yua nna Espíritu gue Tata Do Iyyabaaha rixxiꞌenie neti, lheꞌe ttu ttu ca yiesi atta tsiaya nna ugüecana neti lhe quixxacana neti lisiyya lhe.

Hechos 27:24

nianna re neti: “Bittu gasinlu, Pablo, cumu labíaba satsá dulu lo César nu rinnabia do lheꞌe yiesi Roma. Larcala de lurba nna iyába ca nu daa lenlu lheꞌe barco-na gualábacana bittu gatticana.”

2 Tesalonicenses 2:12

Lania nna iyába ca nu bittu uca lecani tsia lecani gue nu anca gualí nna tsiacana atta dhicana elha disa, cumu de beꞌola lecani bencana nu bittu anca tsee.

2 Tesalonicenses 2:3

Tsa bittu ugüelhale nuxa dhi yienle, cumu antisla isía sá atti esía Benniha nna iría ixeru benni eseꞌe disacana lo Tata Do Iyyabaaha, acaxxeguaba unbiyuu ancana nu runi tagaꞌa nu anca satsa lhe nu chi gaꞌana tsaba tsia nittina.

Hebreos 1:1

Ca tu atti nía, ixe libe lhe ixe loba lhe unne Tata Do Iyyabaaha belise ca benniola gueri useꞌe lania. Lee nna bixuunie ca benni uca profeta guee qui utixxiꞌacanie ca biꞌiniha nu raca lee unacabi.

1 Juan 2:20

Ttiaca lebiꞌi nna chiba ulequiesi Cristuha le atti betee Espíritu gue Tata Do Iyyabaaha len lebiꞌi, larcala nna iyábale chi yule gue nu anca gualí.

1 Juan 2:27

Ttiaca lebiꞌi nna yuꞌuba Espíritu gue Tata Do Iyyabaaha lheꞌe lastoole, Benni bete Cristuha len lebiꞌi. Larcala nna lägabi reasinle nuxa uleꞌenna le, cumu Espíritu-nba ruleꞌenie le iyába. Nu ruleꞌe Ben-na ancana nu gualí, läga run le Ben-na. Larcala nna gualusigui gualtseꞌe len Cristu attiba chi beleꞌeni Espíritu gue Tata Do Iyyabaaha le.

1 Juan 4:6

Riꞌi nna ancabari gue Tata Do Iyyabaaha. Ca benni ancabiaquinna Benniha nna gua rudoba nagacani gueri, ttiaca ca benni bittu ancacana gue Tata Do Iyyabaaha nna läga rudo naga ca nua gueri. Aná nna ritedeenri ga duu nu chee Espíritu gue Tata Do Iyyabaaha rixxiꞌa nu anca gualí, ga duu nu chee be xxegüi rinne nu bittu anca gualí lhe.

1 Juan 5:6

Jesús Benni anque Cristu bisíe yies lo yu-ni. Leni inda udi Benniha nna reni belali Benniha atti uttie nna beleꞌe lo nuxa anque. Läga sunru atti udi Benniha inda beleꞌe lo nuxa anque, anáguaba leni indaha lhe leni reni guee belalie atti uttie lhe. Espíritu gue Tata Do Iyyabaaha rixxiꞌe nu ria-ni, cumu Ben-na anque Benni rixxiꞌa nu anca gualí.

Apocalipsis 1:1

Ca tisa dia lo sitsi-ni rixxiꞌa gue nu beni Tata Do Iyyabaaha beleꞌeni Jesús, qui lee nna unie uleꞌeni ca benni rixuu lo sina guee gue nu chi daa ribiga aca. Jesucristuha nna udhelhe ttu ingeli guee qui beleꞌe lobi iyá unní len neti Juan biꞌini rixuu lo sina guee.

Apocalipsis 1:19

Beni lo sitsi nu chi bilenlu, nu raca nnanna lhe nu chi acala lhe.