San Juan 16:10 - Zapoteco de Aloápam

¹⁰ Unie ttedaaquinna neti anca benni runi nu anca tsee lo Tata Do Iyyabaaha. Denua nna chi deyyaꞌaya atta doe, lebiꞌi nna lärga nurua neti ilenle.

San Juan 16:10 Iomraidhean Croise

San Juan 16:28

Atta do Tataha biríaya delha yies lo yu-ni. Nnanna nna odhaꞌana yies lo yu-ni qui eyyaꞌaya atta do Tataha.

San Juan 16:5

Nnanna nna chi eyyaꞌaya atta do benni udhelhe neti, lebiꞌi nna niba ttule bittu rinnaba tisale neti innále: “¿Ga eyyalu?”

San Juan 3:14

Attiba beni Moisés lo yu bisiha, ulhidhabi ttu yaga xua ttu belha ancana leni bronce loni, anáguaba neti Benni unbiyuu daa iyyabaaha raca duelha ilhidhacana neti güetsaa,

San Juan 5:32

Attu benni subi liba rixxiꞌe nu anca quia, neti nna yua nna nu re nna ancana nu gualí.

San Juan 7:33

Laniala rá Jesús cana: —Attu sattirba dhoa len lebiꞌi, lenla nna eyaꞌatteba atta do Benni udhelhe neti.

Hechos 17:31

Cumu Tata Do Iyyabaaha chi bedúe ttu sá atti unie elha uxtisi lixxa gue ca benni seꞌe yies lo yu-ni. Unnuha unie leni benni chi becuee bodúe, Benniha nua lá Jesús. Atti belhidhe Benniha lheꞌe baa atta yuꞌu ca nu yatti-na lania beleꞌe loe leni iyá benni gualíba chi becuee Benniha qui unie elha uxtisi.

Hechos 2:32

Gualíba Jesúsba Benniha beni belhidha Tata Do Iyyabaaha lo elhuttiha. Gue unnuha nna iyábatu ancatu benni biyú lotu.

Hechos 3:14

Ttiaca lebiꞌi nna läga uca lele lhá Benni bittu tulha guee te, Benni do riesi anca gue Tata Do Iyyabaaha. Nu beni elhuttiha la unnabale belhá Pilatoha.

Hechos 7:52

Iyába ca benni uca profeta gue Tata Do Iyyabaaha besía le ca benniola gueleha, axtaba betticana ca profeta utixxiꞌa dequi isía ttu benni runi nu anca tsee lo Tata Do Iyyabaaha. Nnanna nna chi bita Benniha. Ttiaca lebiꞌi nna bedaxxulale Benniha bettile.

Romanos 1:17

Cumu ca tisa gue Jesús rixxiꞌacanie ri ráque: De tsiaba leri Tata Do Iyyabaaha Benniha nna runie acari benni bitturu tulha gueni te. Acaba attiba dia lo ca sitsi gue Ben-na atta rá: “Benni runi nu anca tseeha nna de tsiaba le nua Tata Do Iyyabaaha nuarca aca banna ttu dia lii lo Ben-na.”

1 Corintios 1:30

Tata Do Iyyabaaha benie ancale benni baba len Jesús Benni anque Cristu. Benguabe qui bete Benniha elha rieni guee lenri lhe benguabe beni Benniha qui acari benni tsee loe lhe acari benni seꞌe riesi anca guee lhe benguabe aca Benniha benni odile ri lhe.

2 Corintios 5:21

Cristu nna lägabi ben Benniha ni ttu nu lä anca tsee. De lo niꞌa guebari nna bejúa Tata Do Iyyabaaha Benniha yua lo niꞌa gue ca tulha gueri, qui de nu guate Benniha nna beoni Tata Do Iyyabaaha ri benni tsee loe.

Gálatas 5:5

Ttiaca riꞌitu nna de riaba letu Jesucristuha lhe de Espíritu gue Tata Do Iyyabaahaba lhe xen letu eꞌeyutu acatu benni bitturu tulha gueni te.

1 Timoteo 3:16

Gualíba, xxenba anca gue ca tisa gue Cristuha chi yuri nnanna nu bittu chi yu benni ca tu ttuha: Jesús bite yies lo yu-ni, uque benni attiba riꞌi. Espíritu gue Tata Do Iyyabaaha beleꞌe loe gualíba anca Jesús benni runi nu anca tsee. Biláni ca ingeli gue Tata Do Iyyabaaha Benniha lhe utixxiꞌacana gue Benniha leni ca nu bittu anca benni Israel-na lhe. Güia lee ca benni seꞌe yies lo yu-ni Benniha, bedí Tata Do Iyyabaaha Benniha qui besine attu libe iyyabaaha lhe.

1 Pedro 3:18

Cumu Cristuha nna anáguaba guate Benniha, lo niꞌa gue ca tulha gueri, ttu libeba uttie qui utixe gue iyábacana. Benniha anque ttu Benni bittu tulha guee te, ttiaca chi uttie lo niꞌa gueri nu te tulha gueni, anía liba nna eche Ben-na ri len Tata Do Iyyabaaha. Cuerpu gueeba Benniha utti, ttiaca atti beacanie nna anca banba espíritu gue Benniha do lheꞌe cuerpu cubi guee.