San Juan 15:8 - Zapoteco de Aloápam

⁸ Tata quia benie runle ruleꞌe lo anque Benni ra xxeni lee, ganna unle nu anca tsee, attiba ttu yaga ribiaxxatta gueni, anía liba nna uleꞌe lo lebiꞌi rguaba nna gualíga ancale benni rudheti ca tisa ruleꞌeha.

San Juan 15:8 Iomraidhean Croise

San Mateo 5:16

Anáguaba lebiꞌi, gualuni nu anca tsee, qui atti iláni ca benni nu anca tsee runleha nna lania nna cuequi xencana Tata gueri do iyyabaaha.

San Mateo 5:44

Ttiaca neti nna ria le: Aquinle gue ca nu lä raca uyúcan le-na, gualnnaba len Tata Do Iyyabaaha aca lanie ca nu riguecana iquile na.

San Mateo 9:8

Atti bilen ca benni seꞌe nía nu ucaha nna bebanlhabaquinna. Nianna ulequi xenttebacana Tata Do Iyyabaaha de bete Benniha elha rinnabia gue ca benni qui eyoncana ca nu rani.

San Lucas 6:35

Lebiꞌi nna nu unlale nna: Aquinle gue ca nu bittu raca uyúcan le-na, un tseele lencana lhe gualute ganna nu rinnabacana, bittu aquinle utecana ttu bixa lenle de bete gannale guecani. Análiba nna dhíle ttu elha tsee xeni lhe acale xiꞌin Tata Dios Benni do Iyyabaaha lhe cumu Benna anque Benni tsee len ca nu lä du ta lequinna lhe len ca nu bittu rute xquixaru len Ben-na lhe.

San Juan 13:35

Gansi aquin gue loesle nna iyába ca benni ttedaaquinna gualíba ancale benni bedheti nu beleꞌa.

San Juan 15:5

’Neti anca ya besuli, lebiꞌi nna ancale ca ná ya besuli. Nu gua duna len neti nna gua duguaba len lana, unnuha nna cuia juisia gueni. Tsa läga aca guele unle ttu bixa gansi bittuba dua len lebiꞌi.

San Juan 8:31

Jesús re ca benni Israel chi güia lecanie: —Gansi lebiꞌi nna usiguile udole tisa gue nu ria le-ni nna lania liba acale nu gualíga anca nu rudheti ca tisa ruleꞌa.

1 Corintios 10:31

Larcala atti role ttu bixa lhe atti iꞌiyale ttu bixa lhe atti runle ttu bixaba lhe gualun qui cuequi xen benni Tata Do Iyyabaaha.

1 Corintios 6:20

cumu lebiꞌi nna len nu te lidhaca-ni uyoꞌo Tata Do Iyyabaaha le. Larcala nna gualuni nu anca tsee len ca cuerpu guele-na, qui cuequi xen le Tata Do Iyyabaaha.

Filipenses 1:11

Jesucristuha unie acale nu tsapaba uni nu anca tsee, qui cuequi xxen ca benni Tata Do Iyyabaaha, innácana Ben-na anque Benni ra xxeni lee.

Tito 2:10

Bittu udaxxu sigácana ttu bixa te gue ca unná. Nu unlacana nna satía uleꞌe locana ancacana nu uxxen lee benni gueni. Qui nu runcanaha uni uleꞌe lo nu tsee runi ca tisa gue Tata Do Iyyabaaha Benni rodile ri leni ca benni.

Tito 2:5

acacabi nu ridá rinnabia elha rieni gueni lhe acacabi nu uni ttagaꞌa nu anca tsee lhe acacabi nu ulaba leni gue lheꞌe lisni lhe acacabi benni tsee lhe acacabi nu udo nagani gue unbiyuu gueni lhe. Aná uncabi qui bittu inne güee ca benni gue ca tisa gue Tata Do Iyyabaaha.

1 Pedro 2:12

Lhatsiru gualudú lele len ca benni bittu ria le Tata Do Iyyabaaha seꞌe atta seꞌele-na. Aná nna ca nu rinne güe guele nnanna attisiba lebiꞌi ancale nu runi nu lä anca tsee, gansi chi bisía sá atti uni Tata Do Iyyabaaha elha uxtisi gue iyába benni nna lania nna cuequi xencana lee Ben-na de iláquinna lebiꞌi nna tseeba anca nu benle.

1 Pedro 4:11

Benni rixxiꞌa ca tisa gue Jesús, labi nna innebi ca tisa ute Tata Do Iyyabaaha lenbi. Benni runi yuda attu benni subi nna unbi na leni itú fuerza rute Tata Do Iyyabaaha len lana, qui anáchu nna iyába nu unle de Jesucristuha nna cuequi xen ca benni Tata Do Iyyabaaha. Ben-na anque Benni ra xxeni lee lhe Benni rinnabia xeni ttu dia lii lhe. Amén.