San Juan 15:7 - Zapoteco de Aloápam

⁷ ’Gansi gua seꞌele len neti lhe bittu ixulhinle nu rá ca tisa quia-ni lhe lania nna bixaba raca lele, gualnnaba nna guadíbale nua.

San Juan 15:7 Iomraidhean Croise

San Mateo 7:7

’Gualinnaba len Tata Do Iyyabaaha, Benniha nna gutebe nu reasinle. Gualeguile nna gunbe eselinle nu reguilaleha. Gualnne roꞌo yoꞌo, lee nna gunbe idhalcana guele.

San Juan 14:13

Iyába nu innábale len Tataha rudettile láya nna gunba nua, qui anáchu neti xiꞌin Tata Do Iyyabaaha, de nu runia-ni nna uleꞌe lo anca Benniha Benni ra xxeni leni.

San Juan 15:16

Läga lebiꞌi becueele neti, neti liba becueea le. Chi boseꞌa le qui tsiale unle nu anca tsee, nu anca tsee unleha nna uchíana, Tata quia nna gutebe iyá nu innábale lenie udettile neti.

San Juan 16:23

’Gansi chi bisía la sá nna lärgabirua innába tisale neti gue ttu bixa. Neti nna gualíbatia ria, iyába bixa innábale leni Tata quia rudettile láya nna gutebe nua len lebiꞌi.

San Juan 8:31

Jesús re ca benni Israel chi güia lecanie: —Gansi lebiꞌi nna usiguile udole tisa gue nu ria le-ni nna lania liba acale nu gualíga anca nu rudheti ca tisa ruleꞌa.

San Juan 8:37

Neti nna gua yuba dequi ancale benni datía Abraham, ttiaca lebiꞌi nna runlale uttile neti, cumu bittu raca lele tsia lele gue ca tisa quia-ni.

Gálatas 4:2

Sna rudoba nua tisa gue ca nu beꞌana ruyúcan-na, gue ca nu rapacana nu anca gueniha lhe axta liba isía sá chi gaꞌanani tata gueniha dhína nu ralhana.

Gálatas 5:16

Larcala nna ria: gualtseꞌe gualudo tisa gue Espíritu gue Tata Do Iyyabaaha, tsa bittu unle nu lä anca tsee ridá lele unle.

Colosenses 3:16

Satía tsuꞌu ca tisa gue Cristuha leni itúxea elha tsee gue Ben-na lheꞌe lastoole. Gualuleꞌen loesle lhe gualuttipa le loesle lhe leni elha rieni rute Tata Do Iyyabaaha. Gualute xquixaru len Ben-na, itú iqui itú lele, gualulha gue Benna leni ca salmo lhe leni ca nu rulhale guee lhe.

1 Juan 2:14

Benia lo sitsi-ni guele lebiꞌi ca benni xeni, cumu lebiꞌi chi anca bienle benni chi do atti chi dhu lola cue yies lo yu-ni. Benia lo sitsi-ni guele lebiꞌi ca uncuiti, cumu chi ancale nu re tsitsi leni. Lebiꞌi nna chi begüeelhale utaꞌa ca tisa gue Tata Do Iyyabaaha lheꞌe lastoole, chi udále lo nu xxegüiha lhe.

1 Juan 2:27

Ttiaca lebiꞌi nna yuꞌuba Espíritu gue Tata Do Iyyabaaha lheꞌe lastoole, Benni bete Cristuha len lebiꞌi. Larcala nna lägabi reasinle nuxa uleꞌenna le, cumu Espíritu-nba ruleꞌenie le iyába. Nu ruleꞌe Ben-na ancana nu gualí, läga run le Ben-na. Larcala nna gualusigui gualtseꞌe len Cristu attiba chi beleꞌeni Espíritu gue Tata Do Iyyabaaha le.

1 Juan 3:22

Benniha nna gutebe iyába bixa innábari lenie gansi rudori tisa unri nu chi benie mandadu unri, gansi gua runri nu ruꞌu lee lhe.

1 Juan 5:14

Riꞌi nna xenba leri Tata Do Iyyabaaha, cumu gua yubari nna gansi innábari lenie nu radi lee dhíri nna güiyienbanie gueri.