San Juan 15:2 - Zapoteco de Aloápam

² Iyába ca xiqui ya besuli-na, ca nu bittu ribía guecani nna rigúabe cana. Iyába ca nu ribía guecani nna richúe locani lhe rigúe nu bisi guecani lhe qui cuia chietti guecani.

San Juan 15:2 Iomraidhean Croise

San Mateo 13:12

Cumu benni gua radú leniha nna dhirla nua elha rieni qui sadúchatti leni. Ttiaca nu bittu radú leniha nna axtala nu saroꞌo chi radú leniha, itúa.

San Mateo 13:33

Utixxiꞌaguani Jesús ca benni attu ejemplu nianna re cana: —Gue gaxasná rinnabia Tata Do Iyyabaaha ca benni raxxína len nu uca len levadura nu bedaxxu ttu nuila betselana lheꞌe tsunna ya yiedi qui ilhidhana lheꞌe itúba cua gue ttaxtilaha.

San Mateo 15:13

Jesús becabie re: —Iyába yaga nu bittu uda Tata quia do iyyabaaha ilupibana itupa lhu-ni qui iruꞌunana.

San Mateo 21:19

Atti bilánie ttu ya igu roꞌo nedaha nna ubigattebe atta du nua, ttiaca niba ttu igu bittu guatiꞌe lo nua, sunruba lhaga gue nua sia. Laniala nna re ya iguha: —¡Tsa bitturu cuia nu xixxi guelu! Snaba lania nna ubisi yagaha.

San Mateo 25:29

Cumu nu te gueniha nna dhirla nua adí qui gatta chatti gueni, ttiaca nu bittu te gueniha nna axtala nu saroꞌo te gueniha itúa.

San Mateo 3:10

Anáguaba chiguaba du tsee ttu iyya ttee qui ichúna axta lhu ca yaga-na. Larcala nna iyába ca yaga bittu ribía nu anca tsee gueni nna irúbacana qui tsiacana lo gui.

San Mateo 3:12

Benniha nna chi den tsee barquilu qui untsee xuxtila, lee nna cuequiesie xuaha lheꞌe teha. Xuaha nna eguꞌutsee benniha atta tuatsee, ttiaca teha nna uttebe nua lo gui nu tsa bittu reolana.

San Mateo 7:19

Iyába yaga nu bittu ribía nu tsee gueni nna irúba nua qui tsiana lo gui.

San Marcos 4:20

Ttiaca seꞌe adí ca benni atti rienquinna ca tisa gue Tata Do Iyyabaaha, riatteba lecani Ben-na. Denua nna runcana nu anca tsee attiba ca xuxtila biyinna atta re yu bebiha tseeba bixúe. Ttu lheque betee rerúa (30) xua, a díque nna betee gayuna (60) xua, a ttu lheque nna betee ttu gayua (100) xua.

San Lucas 8:13

Ca xua binna atta seꞌe ca iyyaha nna ancaque attiba ca benni, atti rienquinna ca tisa-na attulade reꞌo lecani recabicana udaxxucana neda gue Tata Do Iyyabaaha. Ttiaca cumu läga beꞌan tsitsi ca tisaha lheꞌe lastoocani, nuarca läga isá ria lecani. Larcala atti risía ratecana ruyúcana ttu elha disa nna readi gattebacana lo neda gue Tata Do Iyyabaaha.

San Juan 15:1

Jesús re: —Neti anca ttu ya besuli tsee. Tata quia nna anque Benni ruyúe na.

San Juan 15:16

Läga lebiꞌi becueele neti, neti liba becueea le. Chi boseꞌa le qui tsiale unle nu anca tsee, nu anca tsee unleha nna uchíana, Tata quia nna gutebe iyá nu innábale lenie udettile neti.

San Juan 15:3

Ca tisa chi utixxiꞌatia lenba chi benque acale benni nari lo Tata Do Iyyabaaha attiba ttu yaga ritúa nu bisi gueni.

San Juan 15:6

Ca nu bittuba seꞌecana len neti nna iríaba ca nua iruꞌunacana. Ancacana attiba ca xiqui yaga nu dequide chi ribiscana nna redígatteba benni cana qui tsiacana lo gui itecana.

San Juan 15:8

Tata quia benie runle ruleꞌe lo anque Benni ra xxeni lee, ganna unle nu anca tsee, attiba ttu yaga ribiaxxatta gueni, anía liba nna uleꞌe lo lebiꞌi rguaba nna gualíga ancale benni rudheti ca tisa ruleꞌeha.

San Juan 17:12

Atti doa lencana yies lo yu-ni nna netiba rapa lhe redía lhe ca nu betelu len neti leni elha ra xxeni le guelu. Ni ttucana bittu dia nitti, suna ttuba nu chi gaꞌana tsia nittiha dia nittina, qui guaxxína uca nu chi gaꞌana aca, attiba rá lo ca sitsi guelha.

Romanos 11:17

Riꞌitu ca benni Israel-na ancatu attiba ttu ya olivo tsee, ca nu uluꞌu niꞌa Tata Do Iyyabaaha nna ancacana attiba ca xiqui biruu gue yagaha, qui lebiꞌi ca benni bittu anca benni Israel anca attiba lixxina ya olivo, nu benoni atta biruu ca xiqui ya olivo tseeha. Anía uca nna redibaale elha tsee anca gue ca benni Israel-na, attiba ca xiqui ya olivo nu anca lixxina olivo tseeha redibaacana elha nabani rute lhu yagaha.

Romanos 11:22

Gualugüiarga, Tata Do Iyyabaaha anque ttu Benni tsee, ttiaca anáguaba anque Benni rute elha disa gue ca benni. Anque ttu Benni rute elha disa gue ca benni te tulha gueni ttiaca len lebiꞌi nna anque Benni tsee, gansi gusiguile tseꞌele utele lidhaca nu tsee runie len lebiꞌi, cumu gansi bitturba utele lidhaca nu runie len lebiꞌi nna ttu tsaba cua Ben-na le lo yaga tsee atta siale-na.

Romanos 8:28

Riꞌi nna guayúbari Tata Do Iyyabaaha runie qui iyába nu rateri rixuuna runi qui salía tseenri riꞌi ca benni raquinri guee, ca nu chi uxie lo neda guee attiba chi gaꞌananie aca.

1 Corintios 13:1

Gansi neti bete Tata Do Iyyabaaha elha tsee quia innea ixe lo tisa rinne ca benni seꞌe yies lo yu-ni, ca tisa rinne ca ingeli-na lhe ttiaca bittu racatia gue ca benni, lania nna ancaba attiba ttu iyya nu cuentaba riguꞌu tsiꞌini o attiba attu iyya nu suntterba ruidu runna.

Tito 2:14

Lee nna uxielhabe betticane qui utixe gue ca tulha gueri. Anía liba nna lhári lo iyá nu lä anca tsee benri, qui acari benni chi anca nari anca guee lhe nu tsaba udona leni uni nu anca tsee lhe.

Hebreos 12:15

Gualudo cuidadu bittu cuꞌu niꞌa ni ttule nu tsee redá le Tata Do Iyyabaaha utee len lebiꞌi. Gualudoguaba cuidadu qui bittu acale attiba ttu coana ilhá runi leni nu uni tsia nitti adí benni.

1 Juan 2:19

Ca unná nna riꞌiba biselacana, lenla nna beriescan ri, cumu läga gualí ucacana benni sela len riꞌi. Ttirca gualíga ucacana benni baba len riꞌi nna sa seꞌebacana len riꞌi nnanna. Anába uca qui beleꞌe lo läga iyá ca nu sela len riꞌi ancacana benni baba len riꞌi.

Apocalipsis 3:19

Neti nna iyába ca nu racatia guecani nna rísa cana lhe roseꞌe lhixxa cana lhe. Larcala nna gualequi gualtsia lele Tata Do Iyyabaaha itú iqui itú lele, gualodú xiyyanle gue nu lä anca tsee runle-n lhe.