San Juan 15:16 - Zapoteco de Aloápam

¹⁶ Läga lebiꞌi becueele neti, neti liba becueea le. Chi boseꞌa le qui tsiale unle nu anca tsee, nu anca tsee unleha nna uchíana, Tata quia nna gutebe iyá nu innábale lenie udettile neti.

San Juan 15:16 Iomraidhean Croise

San Mateo 21:22

Iyába nu innábale atti innele len Tata Do Iyyabaaha, guadíbale nua ladiba ria tsitsi lele Ben-na.

San Mateo 7:7

’Gualinnaba len Tata Do Iyyabaaha, Benniha nna gutebe nu reasinle. Gualeguile nna gunbe eselinle nu reguilaleha. Gualnne roꞌo yoꞌo, lee nna gunbe idhalcana guele.

San Lucas 6:13

Atti guaniha nna uxie ca benni rudheti ca tisa ruleꞌe, nianna becuee tsiꞌinu (12) ca biꞌiniha. Lacabi nua begüee lácabi apóstol.

San Juan 13:18

’Läga iyáleonna rpea le aná, neti nna gua yuba nupaxale chi becueea. Ttiaca nna labíaba saxxína aca nu rá lo ca sitsi gue Tata Do Iyyabaaha, atta rá: “La nu ro yetta len netihaba bequinona neti.”

San Juan 15:19

Ttirca ancarle benni baba len lacana, lania nna guacabaquinna guele attiba racaquinna gue ca benni baba len lacana. Ttiaca lebiꞌi nna lärga ancale benni baba yies lo yu-ni. Neti nna chi becueea le lheꞌe ca benni baba yies lo yu-ni. Nuarca bittu raca uyúcana le.

San Juan 15:5

’Neti anca ya besuli, lebiꞌi nna ancale ca ná ya besuli. Nu gua duna len neti nna gua duguaba len lana, unnuha nna cuia juisia gueni. Tsa läga aca guele unle ttu bixa gansi bittuba dua len lebiꞌi.

San Juan 6:70

Jesús becabie re: —Tsiꞌinule chi becueea, ttiaca ttule nna ancana ttu nu xxegüi.

Hechos 1:24

Nianna atti unnettebacabi len Tata Do Iyyabaaha rácabi: —Benni bananie riꞌitu, lu yulu ttixa anca lheꞌe lastoo ttu ttuttu. Nnanna nna beleꞌe delo chupa ca unbiyuu seꞌe-ni, nuxcabi chi becueelu

Hechos 1:8

Ttiaca gansi chi bisía Espíritu gue Tata Do Iyyabaaha itúba cuerpu guele, lania nna utee derechu guele qui iríale tsiale quixxiꞌenle ca benni seꞌe lheꞌe yiesi Jerusalén-ni quia, itúba lo yu te láni Judea lhe anáguaba lo yu te láni Samaria lhe itútteba yies lo yu-ni lhe.

Hechos 10:41

Läga leni iyá benni beleꞌe lo Benniha, sunruba len riꞌitu, cumu riꞌitu ancatu benni becuee Tata Do Iyyabaaha boseꞌe qui ugüia lotu nu aca. Riꞌitu uto lentue lhe uꞌuyatu inda lenie lhe dequide beacanie.

Hechos 22:14

Labi nna ráttebabi neti: “Tata Do Iyyabaaha gue ca benniola gueriha chi becuee lu qui unalu nu raca lee unlu, qui ilenlu Jesús Benni runi nu anca tsee lo Ben-na lhe qui iyieninlu ca tisa rinne cuinaga Ben-na lhe.

Hechos 9:15

Ttiaca Jesús re biꞌiniha: —Güia, cumu chi becueea unná qui tsiana quixxiꞌana ca tisa quia-na leni ca benni dittu, leni ca nu rinnabia lhe anáguaba leni ca benni Israel lhe.

Romanos 1:13

Ca benni ria le Jesús, neti nna raca lasia unale, ixe libe chi uxaca ita atta seꞌele-na, ttiaca axta nnanna bittu chi uca ita cumu ixeba nu bedheana loa. Neti nna rdaca ita atta seꞌele-na qui useꞌa adí benni tsia lecani Jesús, attiba chi beseꞌa ca benni ria le Ben-na lheꞌe adí ca yiesi atta seꞌe ca benni bittu anca benni Israel.

Romanos 1:5

De Jesucristuha nna bedaa le Tata Do Iyyabaaha betee ttu elha tsee len riꞌitu acatu apóstol guee, qui tsequitu quixxiꞌentu iyába ca benni bittu anca benni Israel ca tisa guee, qui anáchu de tsia lecanie nna udocana tisa guee. Iyonni runtu cumu raquintu guee.

Romanos 15:4

Iyába nu uca lo ca sitsi gue Tata Do Iyyabaaha ca tu atti nía, ucaque lo sitsi qui uleꞌecanie ri gue nu unri, qui anáchu nna de elha xen lasi rute ca tisa-na len riꞌi nna cuequi tsitsi leri tseꞌeri uchíari cuedari nu rá Tata Do Iyyabaaha.

Romanos 9:21

Cumu nu run yedhuha nna guacaba gueni unna len gunaha nu racaba leni, la leni gunahaba unna ttu canti tsee nu ixuuna dhona atta gaꞌana tsee, attu-na nna acana nu ixuuna attiba rixuu adí ca lorsina benni te lheꞌe yoꞌo.

1 Corintios 10:11

Iyába unná guate ca biꞌiniha qui acana nu ugüiari. Ucana lo sitsi, qui riꞌi ca benni seꞌe ca sá lhuxa-ni bittu unri atti ben ca biꞌiniha.

Gálatas 1:15

Ttiaca Tata Do Iyyabaaha nna chi becuee neti atti deobali galia, de anque Benni siꞌi le nna ucanie quia, nuarca uxie neti lo neda guee.

Efesios 2:10

Cumu Tata Do Iyyabaahaba benie ri, chiba ancanie unri nu anca tsee de ancari benni gue Jesucristuha, attiba chi gaꞌananie unri desdeba ttuha.

Colosenses 1:23

Larcala raca duelha usiguile tseꞌe tsitsile leni nu chi güia lele. Tsa bittu udhanle uxxen lele edí baale nu rá ca tisa gue Jesús chi bieninle. Ca tisa-na ben-na chi runa ca benni seꞌe biꞌa cana yies lo yu-ni. Neti Pablo anca benni bodú Tata Do Iyyabaaha quixxiꞌaya ca tisa guee-na.

Colosenses 1:6

La ca tisa gue Jesús bisía atta seꞌele-na, la Ben-na guaba unná chi runa ca benni seꞌe biꞌa canaba yies lo yu-ni. Ca tisa-na ben-na runque runi ca benni nu anca tsee, ttu ttu sába nna diarguaba rani adí ca benni ria lecani ben-na lhe aníagua nua guatele atti binale gualíba resiꞌin Tata Do Iyyabaaha le.

1 Timoteo 2:7

Denuala nna bodúe neti aca apóstol qui tsequia quixxiꞌaya ca tisa gue Jesús, acaguaba benni uleꞌeni ca benni bittu anca benni Israel-na lhe. Uleꞌetia cana gue gaxasná tsia lecani ca tisa gue Tata Do Iyyabaaha lhe gue nu anca gualí lhe. Gualíbatia nu ria-ni, läga run lasia.

2 Timoteo 1:11

Tata Do Iyyabaaha bodúe neti qui aca benni quixxiꞌa ca tisa-ni, aca apóstol lhe benni uleꞌeni ca benni bittu anca benni Israel-na lhe.

2 Timoteo 2:2

Ca tisa bieninlu unnea aní lo ixeru benni, unnuha beleꞌeni adí ca benni ruxxen lelu guecani, ca nu rudhaca lelu aca guecani uleꞌequinna adí ca benni.

Tito 1:5

Bodhaꞌana lu lo yu re lagüi indattoo te láni Creta-na qui uluxalu sina gue Tata Do Iyyabaaha reasa aca naa. Lu nna benba attiba chi benia lu mandadu unlu, lheꞌe ttuttu ca yiesi-na boseꞌe ca benni teru elha rieni guecabi qui tseꞌecabi lo ca benni ria le Cristuha,

Hebreos 11:4

Abel, de güiaba lebi gue Tata Do Iyyabaaha, nuarca betebi ttu úna tseeru len Ben-na atti betsibi Caín. Denuala nna nuarca rá Tata Do Iyyabaaha: “Abel ancabi benni runi nu anca tsee”, uxíbe baneda úna gue biꞌiniha lhe. Larcala, masquiba chi utti Abel, cumu de ucabi benni güia tsitsi lebi gue Tata Do Iyyabaaha nuarca riꞌi nna sna runabari gue nu benbi qui aníaguaba usiguiri unri.

Santiago 3:18

Ca benni runi qui tseꞌe tsee len loesi adí benni nna salía tseencana lo Tata Do Iyyabaaha de runcana nu anca tsee.

1 Pedro 3:15

Nu unlale nna itú iqui itú lele gualnna: “Cristuha anque Benni ra xxeni lee”, cumu Ben-na anque Benni bananie ri. Satía gualtseꞌe tsee qui lhatsiru ecabile gue ca nu innába tisacan le bixa lo niꞌa gue xen lele Cristuha.

1 Pedro 3:2

sinuqui de ilábaquinna lebiꞌi nna tseeba anca nu runle, de gua rapabale Tata Do Iyyabaaha respeto lhe.

1 Juan 4:10

Leni unní beleꞌe lo Tata Do Iyyabaaha racanie gueri. Läga riꞌi udulori uquinri gue Tata Do Iyyabaaha, sinuqui Ben-naba ucanie gueri primero. Denuala nna udhelhe Xiꞌinie yies lo yu-ni qui uttie cuenta gueri, anía liba nna bebe nu risaꞌani Tata Do Iyyabaaha qui ridíe elha xen lasi gue ca tulha gueri.

1 Juan 4:19

Riꞌi nna raquinri gue Tata Do Iyyabaaha, cumu Benniha ucanie gueri primero.