San Juan 15:13 - Zapoteco de Aloápam

¹³ Tsa läga nu benni te racaruinna gue ca benni seꞌe tsee lenna atti ttu benni dhielhana uttican na qui lhá ca benni seꞌe tsee lenna.

San Juan 15:13 Iomraidhean Croise

San Lucas 12:4

’Lebiꞌi, ca benni seꞌe tsee len neti, neti nna upea le: “Bittu gasinle lo ca nu uttican cuerpu guele-na, cumu dequila nna tsa lärga birua dhacana udhacaquinna le.”

San Juan 10:11

Neti anca attiba ttu benni ruyú tseena ca carneꞌe gueniha. Nu ruyú tseena ca carneꞌe gueniha nna rerú iqui rerú leni rute elha nabani gueni cuenta gue ca carneꞌeha.

San Juan 10:15

Attiba tata quia anca bienie neti, anáguaba neti anca biaguatie. Neti utea elha nabani quia qui odiláya ca benni, attiba ttu benni re lo ca carneꞌe rerú iqui rerú leni elha nabani gueni rutena cuenta gue ca carneꞌeha.

San Juan 17:19

De lacana nna la netiba ririesia utea elha nabani quia cuenta guecani, qui anáguaba lacana iriescana acacana guelu, de ria lecani nu gualí.

Efesios 5:2

Gualtseꞌe gualaquin gue iyába benni attiba ucani Jesús gueri. Benniha nna ucaba lee bete elha nabani guee qui uttie lo niꞌa gueri. Lee nna uque attiba ttu úna nu rure xixxi lo Tata Do Iyyabaaha.

1 Juan 3:16

Cristuha betee elha nabani guee qui uttie cuenta gueri. Anioca nna yuri gasná anca aquin gue loesri. Anáguaba riꞌi nna daa lori edí edenri ca benni ria le Jesús, masquiba gattiri cuenta guecabi.