San Juan 14:7 - Zapoteco de Aloápam

⁷ Gansi lebiꞌi chi anca bienle neti nna chiguaba anca bienle Tata quia. Nnannali chi anca bienle, cumu Benniha bunni rugüiale.

San Juan 14:7 Iomraidhean Croise

San Mateo 11:27

’Tata quiaha nna iyába betee las náya. Tsa läganu yu gattigasná anca Xiꞌini Tata Do Iyyabaaha, sunruba lee yue nuxa anca Xiꞌinie. Nuttuguaba yu gattigasná anca Tataha lhe sunruba neti Xiꞌinie-ni yua nuxa anque, ca benni raca lasia quixxiꞌatia cana gue Benniharba nna yucana nuxa anque.

San Lucas 10:22

’Tata quiaha nna iyába nu tee betee las náya. Tsa läganu yu gattigasná anca Xiꞌini Tata Do Iyyabaaha, sunruba lee yue nuxa anca Xiꞌinie. Nuttuguaba yu gattigasná anca Tataha lhe sunruba neti Xiꞌinie-ni yua nuxa anque, ca benni raca lasia quixxiꞌatia cana gue Benniharba nna yucana nuxa anque.

San Juan 1:18

Tsa läganu chi bilenna Tata Do Iyyabaaha. Benni anque tturbe xiꞌinie, ancaguabe Dios, doe cuitta tata guee, Ben-na beleꞌe loe gaxasná anca Benniha len riꞌi.

San Juan 15:24

Ttirca bittuba benia ca milagru nu tsa nuttu nu chi beni aní locani nna tsa lägabi tulha te ttiaca nnanna nna chi biláquinna nu benia. Läquiga de unnuha nna lacana sa tica rutía diru lecani neti lhe Tata quia lhe.

San Juan 16:3

Anía uncana, cumu bittu anca biaquinna Tataha, niguaba neti.

San Juan 17:21

Rinnaba lolu qui ttuba eseꞌe iyábacana, attiba lu, xa Tata, ttuba Benni ancalu len neti, neti nna ttuba Benni anca len cuinalu. Anáguaba lacana eyacacana ttuba benni len riꞌi, qui anáchu tsia le ca benni seꞌe yies lo yu-ni, lu udhelhalu neti.

San Juan 17:23

Lu nna dulu len neti. Neti nna dhua len lacana, qui dhacana eꞌeyucana acacana benni seꞌe ttuba. Anía liba nna ttedaani ca benni bittu ria lecani lu, gualíba lu udhelhalu neti, raquinlu guecani attiba raquinlu quia lhe.

San Juan 17:26

Chi utixxiꞌatia cana nuxa ancalu, sna quixxiꞌarguabatia cana adí lhe qui anáchu attiba raquinlu quia nna aníaguaba aquin gue loescani, cuinaba neti nna dhoa lheꞌe lastoocani.

San Juan 17:3

Guattaba elha nabani ttu dia lii gue ca benni gansi un biacana lu, lu nna tturbalu dolu gualíga ancalu Dios, un bia guabacana neti, neti nua Jesús Benni anca Cristu udhelhaluha.

San Juan 17:6

’Ca benni becueelu lheꞌe ca benni seꞌe yies lo yu-ni betelu len neti nna chiba utixxiꞌatia cana nuxa ancalu. Guebalu ancacana, lu nna betelu cana len neti, lacana nna guarudoba cana tisa gue ca tisa guelha.

San Juan 17:8

cumu utixxiꞌabatia cana ca tisa betelu len neti, lacana nna bedoba nagacani gue nu rá ca tisa guelha. Chiba yucana atta dolhaba biríaya daya, chiguaba güia lecani luba udhelhalu neti lhe.

San Juan 6:46

’Tsa läganu chi bilenna Tata quia do iyyabaaha, sunruba neti Benni delha atta doe chi bilátie.

San Juan 8:19

Lacana nna unnaba tisacana rácane: —¿Nala tata gueluha? Jesús becabie re cana: —Lebiꞌi nna läga anca bienle neti, niguaba tata quia. Ttirca anca bienle neti nna lania nna anca biaguabinle Tata quia.

2 Corintios 4:6

Cumu Tata Do Iyyabaaha Benni unnabie uyuꞌu xieni atta chulha, la Ben-na guaba benie uyuꞌu xieni guee lheꞌe lastoori, qui anáchu riꞌitu nna untu ttedaani adí benni gue nu xxeni ra le Tata Do Iyyabaaha, Benniha nua rilenri ruꞌu xieni guee lo Cristu.

Hebreos 1:3

Xiꞌinie-ni ruleꞌe loe nu xxeni ra le Tata Do Iyyabaaha. Lee anque itúxeaba atti anca Tata Do Iyyabaaha. Anque Benni tsitsiba ra lee, de nua nna leni tisa guebe denie iyáxeaba nu seꞌe yies lo yu-ni. Benniha nna dequide uttie lo niꞌa gue ca tulha gueri qui eyacari nu nari lo Tata Do Iyyabaaha nna beopittebe iyyabaaha qui bedoe daca ladu derechu gue Tata Do Iyyabaaha Benni ra xxeni lee.

1 Juan 2:13

Runia lo sitsi-ni guele, lebiꞌi ca benni xeni, cumu lebiꞌi chi anca bienle Benni chi do atti chi dhu lola cue yies lo yu-ni. Runia lo sitsi-ni guele lebiꞌi ca uncuiti cumu chi udále lo nu xxegüiha. Runia lo sitsi-ni guele, lebiꞌi ancale attiba xiꞌinto quia, cumu chi anca bienle Tata gueri do iyyabaaha.