San Juan 14:12 - Zapoteco de Aloápam

¹² Neti nna gualíbatia ria, nu tsia leni neti nna unguabana ca nu runia-ni. Nu xxenrula unna cumu neti nna eyaꞌaba atta do Tata quia.

San Juan 14:12 Iomraidhean Croise

San Mateo 21:21

Jesús becabie re: —Neti nna gualíbatia rpea le, gansi lebiꞌi ria tsitsi lele Tata Do Iyyabaaha, bittu rudú chupan lele, lania nna läga sunru aca guele unle loesi nu bedhaca ya igu-ni, sinuqui guacaguaba guele gále iꞌiya do-na: “Ubietta atta dolha nna güiatte bixudi lheꞌe indattoo-na.” Lania nna acaba nu chi ráleha.

San Marcos 11:13

Idittuli bilánie du ttu ya igu sia lhaga gueni. Lee nna güiattebe guagüie gansi gua sia nu xixxi gue nua. Ttiaca sunruba lhaga gue nua sia, niba ttu nu xixxi bittu te lo nua cumu läga lania anca atti ribía gue nua.

San Marcos 16:17

Ca milagru-ni uni ca benni tsia lecani neti: lacana udetticana láya atti ebeacana ca be xxegüi yuꞌu lheꞌe cuerpu gue ca benni, inne guabacana ca tisa cubi utee Tata Do Iyyabaaha len lacana lhe,

San Juan 14:28

La chiba bieninle ria: “Eyyaꞌaba, lenla nna esíaya qui dhoa len lebiꞌi attu libe.” Gansi gualíguinle raquinle quia nna rana beꞌo juisia lele atti rpea le: “Eyyaꞌaya atta do Tata quia”, cumu Benniha anque Benni raru xxeni lee atti neti.

San Juan 16:7

Neti nna rpeba le nu anca gualí: Tseerla salíanale eyyaꞌaya, cumu gansi bittuba eyyaꞌaya nna läga isía Espíritu Benni aca lanie le. Ttiaca gansi eyyaꞌaya nna lania nna idhelha Benniha len lebiꞌi.

San Juan 4:37

Ni raxxína tisa nu rá: “Yaba le benni bedelha xua nna yaba le benni bechú xua.”

San Juan 5:20

Cumu Tataha nna racanie quia neti Xiꞌinie-ni, denuala nna ruleꞌenie neti iyába nu runie. Nu xxenirla atti ca unní chi uleꞌe len neti, nu unna ebanin lele gansi chi bilenle na.

San Juan 7:33

Laniala rá Jesús cana: —Attu sattirba dhoa len lebiꞌi, lenla nna eyaꞌatteba atta do Benni udhelhe neti.

San Juan 7:39

Atti unne Jesús gue inda rute elha nabani ttu dia lii nna gue Espíritu gue Tata Do Iyyabaaha dhi ca benni tsia lecani Bennihaba nua rinnee. Lania nna lägabi chi uxí ca benni Espíritu cumu läga chi beopi Jesús iyyabaaha uleꞌe loe anque Benni ra xxeni lee.

Hechos 10:46

cumu rienquinbi rinne ca biꞌiniha ca tisa subi rácabi: “¡Xxeni ra le Tata Do Iyyabaaha!”

Hechos 16:18

Aníaba benna güequina ixe ubisa, axta liba bitisini Pablo atti bequibi belisabi be xxegüi yuꞌu lheꞌe cuerpu gue nua rábi na: —Jesucristuha rudettia rulisa lu, neti nna rinnabiaya lu, bería lheꞌe cuerpu gue nuila-na. Atti beríatteba be xxegüi yuꞌu lheꞌe cuerpu gue nuilaha.

Hechos 19:12

Larcala axtaba ca lari ruxí lobi lhe ca lari rixuinbi rucubi ribenbi sina lhe rechecana atta seꞌe ca benni raniha. Ca unnuha nna reacattebacana, ca be xxegüi yuꞌu lheꞌe cuerpu guecaniha lhe reríattebacana.

Hechos 2:33

Benniha nua beni Tata Do Iyyabaaha aque Benni ra xxeni leni, bodo daca lhuitta derechu gue Benniha lhe. Nianna uxíe Espíritu bete Tata Do Iyyabaaha lenie, benni chi becan yienie idhelhe len riꞌi. Benniha benni chi bieninle lhe chi bilenle lhe betee len ca benni seꞌe-ni.

Hechos 2:41

Anioca nuarca ca benni güia lecabi gue ca tisa unne Pedro nna udittebacabi inda. La sátteba bisela attiba tsunna mili ca benni cubi leni ca benni chi ria le Jesús.

Hechos 4:16

rácana: —¿Bila anca nu unri leni ca unbiyuu-ni ganna? Cumu iyába ca benni seꞌe Jerusalén-ni chi yucana dequi chi ben ca unná ttu milagru. Riꞌi nna ¿ga sacatsiri innári dequi bittu lí?

Hechos 4:33

Ca biꞌini bedheti ca tisa beleꞌenie nna tsitsiba chi ra lecabi, itú iqui itú lecabi requicabi riguixxiꞌacabi beacabani Jesús Benni bananie ri. Tsitsiguaba raca leni Tata Do Iyyabaaha iyába ca benni ria le Jesús.

Hechos 4:4

Ixe ca benni bienquinna ca tisaha güia lecani Jesús, larcala attiba tu gayu mili ca benni cubi bisela, suntterla ca benni unbiyuuha bibaba.

Hechos 5:15

Axtaba roꞌo ca nedaha ribeacana ca benni raniha, rixxacana ca nua lo taꞌa lhe lo breta lhe qui gansi chi utee Pedro nna ladiba xula guebi tsuꞌu atta te ca nua qui eyacacana.

Hechos 6:7

Ttu diaba runa adí benni ca tisa gue Tata Do Iyyabaaha, aníaguaba tsitsiba dia rani ca benni ria le Jesús lheꞌe yiesi Jerusalén lhe anáguaba ixeguaba ca bixxudiha güia lecani Jesús.

Hechos 8:7

Ixe ca nu yuꞌu be xxegüi lheꞌe cuerpu guecani reacacana. Ca be xxegüiha nna ribesiꞌani ca nua reríacana. Anáguaba ixe ca nu daa yatti niꞌa nácani lhe ca nu xi lhe beacacana.

Hechos 9:34

Pedro nna rábi na: —¡Eneas, Jesucristuha eyonie lu! ¡Guadha! ¡Uchidhatte taꞌa guelha! Eneas nna guadhattebana.

Hechos 9:40

Pedro nna bebeattebabi iyába ca benni seꞌe nía. Nianna bedútteba xibibi, unnebi belisabi Tata Do Iyyabaaha, atti bodettatteba lobi atta te benni yattiha, nianna rábi: —¡Tabita, guadha! Nuilaha nna bedhaltteba lobi, bilábinbi Pedro nna guadhattebabi udobi.

Romanos 15:19

de biláquinbi ca milagru lhe ca nu runi reban le benni lhe beni Espíritu gue Tata Do Iyyabaaha leni elha ra xxeni le guee. Neti nna uduloa rixxiꞌaya ca tisa gue Cristuha desdeba lheꞌe yiesi Jerusalén, ni bisíaba axtaba lheꞌe ca yiesi seꞌe lo yu te láni Ilírico. Itúba ca daca nía chi utixxiꞌaya ca tisa gue Ben-na.