San Juan 13:34 - Zapoteco de Aloápam

³⁴ Ttu ley cubi utea len lebiꞌi: Aquin gue loesle. Attiba ucatia guele, anía aquin gue loesle.

San Juan 13:34 Iomraidhean Croise

San Mateo 5:44

Ttiaca neti nna ria le: Aquinle gue ca nu lä raca uyúcan le-na, gualnnaba len Tata Do Iyyabaaha aca lanie ca nu riguecana iquile na.

San Juan 15:17

Unní rodhaꞌana unle: Aquin gue loesle.

San Juan 17:21

Rinnaba lolu qui ttuba eseꞌe iyábacana, attiba lu, xa Tata, ttuba Benni ancalu len neti, neti nna ttuba Benni anca len cuinalu. Anáguaba lacana eyacacana ttuba benni len riꞌi, qui anáchu tsia le ca benni seꞌe yies lo yu-ni, lu udhelhalu neti.

Romanos 12:10

Aquin gue loesle len siꞌile attiba raquinle gue ttu betsile, gualtsiale gue loesle lhe gualgapa loesle respeto lhe.

Romanos 13:10

Cumu nu aquinri gue nuxaba benni, läga ancana nu bittu anca tsee len ca benni. Larcala, benni racani gue nuxaba benni, nu rá lo ca ley-na nua rudona tisa gueni.

Romanos 13:8

Gualquixa iyá nu dale gue benni, aquin gue loesle nna cumu benni racani gue nuxaba benni, gue ca ley gue Tata Do Iyyabaaha nua rudona tisa.

Gálatas 5:22

Ttiaca nu tsee runi Espíritu gue Tata Do Iyyabaaha len riꞌi nna ancana: Acari benni raquin gue loesni, nu redaca leni lhe nu tee elha xen lasi gueni lhe benni pasensi lhe benni du tsee leni lhe benni resiꞌini adí benni lhe benni uxxen leri gueni lhe

Gálatas 5:6

Cumu riꞌi atta chi ancari benni baba len Jesucristu, lärgabi daca si ancari nu ren senni nu labi ca unbiyuu Israel runcana o si bittu ren senni nu runcana leni ca unbiyuu Israel. Nu daca nna ancana ria leri Jesús, unnua runi raquin gue loesri.

Gálatas 6:10

Denua nna atti aca un tseeri nna un tseeri leni nuxaba benni, ttiaca lola leni ca benni ria le Jesús un tseeri.

Gálatas 6:2

Gualun yuda loesle atti bixa ratele. Cumu atti runle anía nna rudole tisa gue nu beni Cristuha mandadu unle.

Efesios 5:2

Gualtseꞌe gualaquin gue iyába benni attiba ucani Jesús gueri. Benniha nna ucaba lee bete elha nabani guee qui uttie lo niꞌa gueri. Lee nna uque attiba ttu úna nu rure xixxi lo Tata Do Iyyabaaha.

Colosenses 1:4

cumu binatu tsitsiba ria lele Jesús Benni anque Cristu, raquinle gue iyá ca benni chi riesi ancacabi gue Tata Do Iyyabaaha lhe.

1 Tesalonicenses 3:12

Anáguaba cuinaguaba Jesús Benni bananie ri-na unie acachatti ruin gue loesle, gue iyába benni lhe attiba riꞌitu raquintu guele.

2 Tesalonicenses 1:3

Lebiꞌi ca benni ria le Jesús attiba riꞌitu, satíaba raca duelha utetu xquixaru leni Tata Do Iyyabaaha guele. Anía raxxína untu, cumu lebiꞌi nna ttu diabale riaru lele Jesús, ttu diaguaba cua ttu ttule racaruin gue loesle lhe.

Hebreos 13:1

Bittu udhanle aquin gue loesle atti raquin gue loes ca benni ria le Jesús.

Santiago 2:8

Tseeba nua runle gansi rudole tisa gue nu rá lo ca ley bodhaꞌan Tata Do Iyyabaaha, cumu lo ca sitsi gue Ben-na rá: “Aquinle gue adí ca benni attiba racabin guele.”

1 Pedro 1:22

Lebiꞌi nna de rudole tisa gue ca tisa rixxiꞌa nu anca gualí-na, nuarca chi beni Espíritu gue Tata Do Iyyabaaha beaca nari lastoole qui anáchu gualíga eꞌeyule acaguinle gue ca benni ria le Jesús. Larcala nna itú iqui itú lele aquin gue loesle.

2 Pedro 1:7

cumu de chi ancale nu runi nu anca tsee lo Tata Do Iyyabaaha nna nuarca ancale nu raca siꞌin loesni, cumu de chi ancale nu raca siꞌin loesni nna nuarca raquin gue loesle.

1 Juan 3:11

Ca tisa-ni nua bieninle desdeba primeroha, ca tisa-ni nna ráque: aquin gue loesri tturi lhe atturi lhe.

1 Juan 3:23

Nu benie mandadu unri nna ancana: tsia leri xiꞌinie Jesucristu, aquin gue loesri lhe attiba chi benie mandadu unri.

1 Juan 4:21

Unní beni Benniha ri mandadu unri: Benni raquinna gue Tata Do Iyyabaaha, anáguaba aquinna gue ca benni ria le Jesús.

2 Juan 1:5

Nnanna nna ca benni ria le Jesús, racatia guele, rinnaba lole, aquin gue loesle ttule lhe attule lhe. Unní läga ancana attu nu cubi runia mandadu unle, la ca tisa-nba benniha bieninri primeroha li.