San Juan 13:14 - Zapoteco de Aloápam

¹⁴ Ganna anía nna neti ancala Benni bananie le lhe Benni ruleꞌenie le lhe nianna utía niꞌale, anáguaba lebiꞌi nna labíaba quii niꞌa loesle.

San Juan 13:14 Iomraidhean Croise

San Juan 11:2

María dana Lázaro nu raniha nua uluꞌuna seti rure xixxi niꞌa Jesús. Leni itsiquibani bodibisna ca niꞌa Benniha.

Hechos 20:35

Satíaba beleꞌetia le ria, aní cuenri sina qui te nu uteri len ca benni bittu te guecani. Orexxa leri ca tisa unne Jesús, Benni bananie ri, atti re: “Adílaba tsee anca gansi riꞌi uteri nu reasani ca benni, attichula riꞌi dhíri nu utee benni.”

Romanos 12:10

Aquin gue loesle len siꞌile attiba raquinle gue ttu betsile, gualtsiale gue loesle lhe gualgapa loesle respeto lhe.

Romanos 12:16

Lhatsiru gualtseꞌe len loesle, bittu unle ttaba. Nu unlale nna ttuba gualuni ancale len ca benni bittu ancacabi nu ra xxen leni. Bittu unle dequi ancale nu yuxxatta.

1 Corintios 12:3

Larcala nna raca lasia unale nnanna: “Ni ttu benni chi yuꞌu Espíritu gue Tata Do Iyyabaaha lheꞌe lastooni, aca quena iqui Jesús.” Bittuguaba aca inná ni ttu benni: “Jesús anque Benni bananie neti”, gansi bittuba yuꞌu Espíritu gue Tata Do Iyyabaaha lheꞌe lastooni.

1 Corintios 8:13

Larcala, gansi de roa elha goha nna rinitti benni ria leni Jesús, tsala bitturu goa bela qui bittu unia un nua nu lä anca tsee.

2 Corintios 10:1

Cuinaba neti Pablo innea ulisa le attiba unne Cristu belise ca benni. Leni tisa tsee lhe len tisa siꞌi lhe rinnaba lenle udo nagale quia, masquiba rá benni dequi atti dua len lebiꞌi nna anca ttu benni rasini, attiliba dua idittu nna reaxtia run disa rinnea rulisa le.

2 Corintios 8:9

Cumu lebiꞌi nna chiba yule ya de tsee run Jesucristu Benni bananie ri-na len ca benni. Lee nna anque Benni texxatta guee. De ucabanie guele nna uque Benni bittu te gueni atti bite yies lo yu-ni. Uca Benniha benni bittu te gueni qui anía liba nna ucale nu gatta gueni iyyabaaha.

Gálatas 5:13

Lebiꞌi, ca benni ria le Jesús, uxiba Tata Do Iyyabaaha le qui tseꞌe lále, qui bitturu innabia ca ley bocaꞌana Moisés-na le. Ttiaca bittu aquinle de chi seꞌe lále-na guacaba unle nu racaba lele. Nu unlale nna gualuni nu anca tsee len loesle de raquin gue loesle,

Filipenses 2:11

Nianna iyáxea cana dhi roꞌocani Jesucristuha anque Benni bananie ri, qui uleꞌe lo Tata gueri do iyyabaaha anque Benni ra xxeni lee.

1 Timoteo 5:10

Ancacabi benni daa tisa guecabi bencabi nu anca tsee, benni bodixen tsee xiꞌinni lhe bete ganna liscabi beꞌan benni lhe ucacabi benni utí niꞌa ca benni chi seꞌe riesi anca gue Tata Do Iyyabaaha lhe bencabi yuda ca benni biyú elha disa lhe satíaba bencabi iyába nu dica ixuu lhe.

Hebreos 12:2

Tsa usia lori Jesús, Ben-na anque Benni beni qui ria leri Tata Do Iyyabaaha. Laguabe runi qui eꞌeyuri acari nu ria tsitsi leni Ben-na lhe. Jesús uxielhabe uttie lo ya crusiha masquiba anca nua ttu elhutti nu runna retuinri, cumu yuxeabe dequide chi guate biyúe elha disaha nna lania daa edaca lee. Nnanna nna doe daca lhuitta derechu gue Tata Do Iyyabaaha rinnabie.

1 Pedro 4:1

Larcala attiguaba guate Cristuha biyú cuerpu guee elha disa lo niꞌa gueri, aníaguaba lebiꞌi gualeseꞌe tsee lo nu daa satele. Cumu benni chi guatena biyúna elha disa leni cuerpu gueni nna chiba bocaꞌan nua nu lä anca tsee runna,

1 Pedro 5:5

Anáguaba lebiꞌi ca uncuiti, gualudo tisa gue ca benni teru elha rien gueni anca nu lo gue ca benni ria le Tata Do Iyyabaaha. Iyábale gualudo tisa gue loesle len siꞌile, cumu: Ca nu runi ttaba-na redú disaba Tata Do Iyyabaaha locani, ttiaca ca benni bittu runi ttaba-na gua racaba lanie cana.