San Juan 13:10 - Zapoteco de Aloápam

¹⁰ Jesús becabie re: —Ttu benni chiba udina, lägabi reasin nua gadina attu libe. A suna niꞌaba nua eyari, cumu itúba nua chi anca nari. Lebiꞌi nna chiba ancale nari lo Tata Do Iyyabaaha, masquiba lä iyále.

San Juan 13:10 Iomraidhean Croise

San Mateo 6:12

Uxí elha xen lasi gue nu lä anca tsee runtu lolu, cumu anáguaba riꞌitu ridítu elha xen lasi gue ca nu runi nu lä anca tsee len riꞌitu.

San Juan 13:18

’Läga iyáleonna rpea le aná, neti nna gua yuba nupaxale chi becueea. Ttiaca nna labíaba saxxína aca nu rá lo ca sitsi gue Tata Do Iyyabaaha, atta rá: “La nu ro yetta len netihaba bequinona neti.”

San Juan 13:9

Simón biꞌini láguaba Pedro nna rábi Benniha: —Ganna anía nna xa Benni bananie neti, bittu sunru ca niꞌaya-ni quilu, quíguabalu iquia lhe ca náya lhe.

San Juan 15:3

Ca tisa chi utixxiꞌatia lenba chi benque acale benni nari lo Tata Do Iyyabaaha attiba ttu yaga ritúa nu bisi gueni.

2 Corintios 5:17

Larcala nna benni chi babana len Cristu nna chi beacana ttu benni cubi. Iyába nu run nua ttua nna chi bocaꞌanna. Benni cubiba chi ancana nnanna.

2 Corintios 5:21

Cristu nna lägabi ben Benniha ni ttu nu lä anca tsee. De lo niꞌa guebari nna bejúa Tata Do Iyyabaaha Benniha yua lo niꞌa gue ca tulha gueri, qui de nu guate Benniha nna beoni Tata Do Iyyabaaha ri benni tsee loe.

2 Corintios 7:1

Lebiꞌi ca benni ria le Jesús racatia guele, unní chi gaꞌanani Tata Do Iyyabaaha unie len riꞌi. Denua nna nuarca cuari iyáxea nu lä anca tsee runi ritsiga cuerpu gueri-na lo Tata Do Iyyabaaha, nu runi ritsiga espíritu do lheꞌe lastoori-na lhe. De yuꞌu elha rasi gue Tata Do Iyyabaaha lheꞌe lastoori, larcala ttuttu sá iriesri lheꞌe nu lä anca tsee qui acaruri benni radi le Ben-na.

1 Tesalonicenses 5:23

Cuina Tata Do Iyyabaaha Benni rute elha xen lasi lenri, ttu tsa cuequiesie le lheꞌe nu lä anca tsee qui acale nu anca nari loe. Lee cua tsee itúle, delába espíritu guele lhe lastoole lhe cuerpu guele lhe qui seꞌele ancale nu bittu tulha gueni te gansi chi besía Jesucristu Benni bananie ri.

Hebreos 9:10

Cumu iyába nu uca benni mandadu unna sunruba anca nua gue nu rori lhe gue nu iꞌiyari lhe gue bipaxa un benni qui eyacari nu anca nari lo Tata Do Iyyabaaha lhe. Iyába unní nna rixuuna sunruba gue nu anca lolia gue Benni, bedaa atti bisía sá botsía Tata Do Iyyabaaha iyáxeaba.

Santiago 3:2

Iyábari rinittiri ixe libe. Gansi ttu benni bittuba bi rinittina leni nu rinnena, unnuha ancana ttu benni gualí du lhixxana, lana nna guadábana innabia na itúba cuerpu gueni.