San Juan 12:16 - Zapoteco de Aloápam

¹⁶ Ca biꞌini rudheti ca tisa ruleꞌe nna läga guadú lecabi gue nu raca lania. Dequide liba chi beopi Jesús iyyabaaha beleꞌe loe lee anque benni ra xxeni leni, lania liba guadú lecabi iyába nu bedhacacana Benniha nna chi dia lo ca sitsi gue Tata Do Iyyabaaha, aníaba guate.

San Juan 12:16 Iomraidhean Croise

San Marcos 16:19

Dequide chi unnee Jesús Benni bananie ri leni ca biꞌini bedheti ca tisa beleꞌe, beopittebe deyye iyyabaaha. Nianna bedottebe daca lhuitta derechu gue Tata Do Iyyabaaha.

San Marcos 9:32

Lacabi nna tsaba bittu guadú lecabi bixa dia le ca tisa unnee Benniha, ttiaca rasbaquinbi innába tisacabi Benniha.

San Lucas 18:34

Ca biꞌini tsiꞌinuha nna tsa bittu guadú lecabi, niguaba lä yucabi bi gue nua rinne Benniha, cumu de anca ca tisaha nu bittu dica sadú lecabi.

San Lucas 24:25

Laniala nna rá Jesús ca biꞌiniha: —¡Lebiꞌi, cattipa ditile! ¿Núcalunni tsia lele ca tisa unne ca benni uca profeta?

San Lucas 24:45

Laniala utixxiꞌenie ca biꞌiniha bixa dia le nu rá lo ca sitsi-na, qui anáchu sadú lecabi,

San Lucas 9:45

Ttiaca lacabi nna läga guadú lecabi bixa dia le ca tisaha, cumu Tata Do Iyyabaaha nna läga chi benie qui sadú lecabi gue iyá nu aca. Rasguabaquinbi innába tisacabi Jesús bixa dia le ca tisa unnee lhe.

San Juan 12:23

Benniha nna re cabi: —Bisíaba ura neti Benni unbiyuu daa iyyabaaha nna eyopia iyyabaaha qui uleꞌe lo neti anca Benni ra xxeni leni.

San Juan 14:26

Ttiaca Benni aca lanie leha, delába Espíritu idhelha Tataha cuenta quia, Benniha uleꞌenie le iyába, orexxe lele iyá nu chi rpea le lhe.

San Juan 16:4

Rixxiꞌatia le unní, qui gansi chi bisía sá satele aná nna lania nna exxa lele, neti nna chiba utixxiꞌatia le nu satele. ’Läga utixxiꞌatia le unní primeroha, cumu len lebiꞌiba doa.

San Juan 17:5

Nnanna nna Tata, beni qui eyaca Benni ra xxeni leni lolu attiba anca doa len cuinalu atti bittu yies lo yu-ni chi reha.

San Juan 2:22

Larcala nna dequide beacani Jesús beríe lheꞌe baa atta yuꞌu ca nu yatti-na, ca biꞌini rudheti ca tisa ruleꞌe nna bexxatteba lecabi nu chi rá Benniha, lania nna güia lecabi nu rá Benniha lhe nu rá lo ca sitsi gue Tata Do Iyyabaaha lhe.

San Juan 7:39

Atti unne Jesús gue inda rute elha nabani ttu dia lii nna gue Espíritu gue Tata Do Iyyabaaha dhi ca benni tsia lecani Bennihaba nua rinnee. Lania nna lägabi chi uxí ca benni Espíritu cumu läga chi beopi Jesús iyyabaaha uleꞌe loe anque Benni ra xxeni lee.

Hechos 2:33

Benniha nua beni Tata Do Iyyabaaha aque Benni ra xxeni leni, bodo daca lhuitta derechu gue Benniha lhe. Nianna uxíe Espíritu bete Tata Do Iyyabaaha lenie, benni chi becan yienie idhelhe len riꞌi. Benniha benni chi bieninle lhe chi bilenle lhe betee len ca benni seꞌe-ni.

Hechos 2:36

’Larcala nna xa benni Israel, gualuna iyárechattele, gualíba Jesús Benni betále lo ya crusihaba Benniha benni beni Tata Do Iyyabaaha aque Benni bananie ri lhe Cristu lhe.

Hechos 3:13

Tata Do Iyyabaa gue Abraham lhe gue Isaac lhe gue Jacob lhe Tata Do Iyyabaaha gue ca benniola gueriha chi benie cuequi xen iyáxea Benni Xiꞌinie Jesús Benni bedaxxule guatele las ná Pilatoha. Lebiꞌi nna bittu uxielhale olhána Benniha atti chi rána olháne.

Hebreos 12:2

Tsa usia lori Jesús, Ben-na anque Benni beni qui ria leri Tata Do Iyyabaaha. Laguabe runi qui eꞌeyuri acari nu ria tsitsi leni Ben-na lhe. Jesús uxielhabe uttie lo ya crusiha masquiba anca nua ttu elhutti nu runna retuinri, cumu yuxeabe dequide chi guate biyúe elha disaha nna lania daa edaca lee. Nnanna nna doe daca lhuitta derechu gue Tata Do Iyyabaaha rinnabie.

Hebreos 8:1

Nu xxenru gue delo iyá nu datu rixxiꞌatu-ni nna ancana: Benni anque bixxudi xeni gueri-na anque Benni doe iyyabaaha daca ladu derechu gue Tata Do Iyyabaaha Benni ra xxeni lee-na.