San Juan 12:10 - Zapoteco de Aloápam

¹⁰ Ca nu lo gue ca bixxudiha nna boquinnatteba iquicani utti guabacana Lázaro,

San Juan 12:10 Iomraidhean Croise

San Mateo 12:14

Ttiaca ca fariseo seꞌe nía, cuantusiba beríacana lheꞌe yoꞌoha, udulottebacana beguila lecani gaxasná uncana utticana Jesús.

San Mateo 2:16

Atti chi utedaani Herodes uxíyiaba ca benni te elha rieni guecaniha na, bisaꞌatsitsiabinna. Nianna benttebana mandadu utticana iyába ca unto chicaꞌa anca unbiyuu, desdeba ca nu chi ulba axtaba ca nu chi ancani chupa ida seꞌe lheꞌesi Belén leni adí ca lheꞌesi seꞌe sabiꞌaba nía. Lana nna bedaxxu niꞌani nu utixxiꞌa ca benni te elha rieni gueniha.

San Lucas 16:31

Ttiaca Abraham nna rábi na: “Gansi bittuba raca lecani udo nagacani gue ca tisa gue Moisés, nigua gue ca tisa ben ca benni uca profeta lhe bittuguaba tsia le ca nua masquiba eyacani ttu nu chi utti uleꞌe loni len lacana.”

San Juan 11:57

Ca bixxudi anca nu loha lencana ca fariseo nna chi unnabiacana rácana ca benni, gansi nuxa ttu benni yuna gaxa requi Jesús, quixxiꞌa ttena qui tsiacana sadaxxucana Benniha.

San Juan 12:11

cumu de lo niꞌa gueni nna ixeru ca benni Israel chi biriescana len lacana. Ca unnuha nna chi ria lecani Jesús.

San Juan 12:9

Ixeru ca benni Israel binacana dequi níaba do Jesús, lacana nna güiattebacana nía. Läga sunru güegüia Jesús diacana, dia guabacana qui iláquinna Lázaro nu beni Jesús beaquinna dequide chi utttina.