San Juan 11:47 - Zapoteco de Aloápam

⁴⁷ Nianna ca nu lo gue ca bixxudiha lencana ca fariseo bottupattebacana ca uxtisi gue ca benni Israel, nianna ráttebacana ca unnuha: —¿Bila unri nnanna? Unbiyuu requina nna ixe lhaba ca milagru runi unná.

San Juan 11:47 Iomraidhean Croise

San Mateo 26:3

Ca nu lo gue ca bixxudiha lencana ca nu ruleꞌe nu rá lo ca ley bocaꞌana Moisés, ca nu teru elha rieni gueni gue ca benni Israel lhe bitupacana lheꞌeliꞌa gue yoꞌo lagüi atta do bixxudi xeni rinnabia lá Caifás.

San Mateo 5:22

Ttiaca neti nna ria le, iyába nu iseꞌenna leni ttu betsi loesini, unba Tata Do Iyyabaaha elha uxtisi gue nua. Nuxaba usia leni ttu betsi loesni nna gutsaduba cana nua lo ca uxtisi qui uncana elha uxtisi gueni, nu quena iqui ttu betsi loesni nna ralhaba nua tsiana lo gui gue atta lexúaha.

San Marcos 14:1

A chupa ubisaba reasa isía laní nu te láni Pascua, atti ro ca benni Israel ttaxtila nu bittu dia lenna levadura. Ca nu lo gue ca bixxudiha lencana ca nu ruleꞌe nu rá lo ca ley bocaꞌana Moisés reguila lecani gaxasná uncana qui udaxxucana Jesús. Lacana nna cuentaba uncana xiyya guee dequi benie ttu nu bittu dica unie qui aca utticane.

San Lucas 22:2

Ca nu lo gue ca bixxudiha lencana ca nu ruleꞌe nu rá lo ca ley bocaꞌana Moisés, sigába reguila lecani gaxasná uncana utticana Jesús, cumu de rasquinna lo ca benni.

San Juan 11:57

Ca bixxudi anca nu loha lencana ca fariseo nna chi unnabiacana rácana ca benni, gansi nuxa ttu benni yuna gaxa requi Jesús, quixxiꞌa ttena qui tsiacana sadaxxucana Benniha.

San Juan 12:19

Ca fariseo nna rá loescani: —Urga xa, läga ridári lo unná. Gualugüiarga, iyárechaba ca benni diacana denocana unná.

San Juan 2:11

Unníba primer milagru beni Jesús lheꞌesi Caná nu re lo yu gue Galilea. Anía liba nna beleꞌe loe anque benni ra xxeni leni. Ca biꞌini rudheti ca tisa ruleꞌe nna güia lecabi guee.

San Juan 6:2

Ixeru ca benni denocane cumu chi biláquinna ixe ca milagru runie reonie ca benni rani.

San Juan 7:32

Atti bienini ca fariseo gue nu rá ca benni rinnecana gue Jesús, lacana lhe ca bixxudi anca nu loha lhe udhelhattebacana ca güensina gue yotuha qui tsiacana sadaxxucana Benniha.

San Juan 7:45

Ca güensina gue yotuha nna bequibacana deyyacana atta seꞌe ca nu lo gue ca bixxudiha lencana ca fariseo. Ca unnuha nna rácana ca güensinaha: —¿Biaca nua lä dechele?

Hechos 5:21

Lacabi nna bedobacabi tisa gue nu rá ingeliha. Nuarca betteyú dila nna dilatte chi bisíncabi roꞌo yotuha. Atti bededú lottebacabi rodileꞌequinbi ca benni. Laca bixxudi xeni rinnabiaha lenna adí ca nu seꞌe lennaha, uxittebacana ca nu teru elha rieni guecani gue ca benni Israel lhe ca nu runi elha uxtisiha lhe atti udhelhattebacana ca nu dia saleacana ca benni te lisiyyaha.

Hechos 5:24

Atti bienini bixxudi xeni rinnabia lenna adí ca bixxudi anca nu loha lhe nu lo gue ca nu riseꞌe rapa yotuha lhe gue nu rá ca nua, ucattebaquinna nianna rácana: “¿Bilabunni sateri nnanna?”