San Juan 11:25 - Zapoteco de Aloápam

²⁵ Jesús re na: —Neti anca benni runi reacani ca nu yatti-na lhe rutea elha nabani ttu dia lii lhe. Nu tsia leni neti nna masquiba chi uttina güeyacabinna attu libe.

San Juan 11:25 Iomraidhean Croise

San Lucas 23:43

Jesús re na: —Neti nna gualíbatia rpea lu, snaba nasá esínlu len neti atta dho tseelu lo yu gaꞌana tseeha.

San Juan 1:4

Leni Benni anque tisa te elha nabani. Elha nabaniha nna anque xieni gue Tata Do Iyyabaaha ridí ca benni seꞌe yies lo yu-ni.

San Juan 14:19

Chi tte deoba bitturu iláni ca benni seꞌe yies lo yu-ni neti, lebiꞌi nna güilabinle neti. De anca bania nna lebiꞌi nna guaca banguale.

San Juan 14:6

Jesús becabie re: —Netiba nua anca neda dia atta do Tata Do Iyyabaaha. Anca nu ruleꞌe nu anca gualí lhe anca nu rute elha nabani ttu dia lii lhe. Ni ttu benni bittu aca gueni isínna len Tata quia gansi läba neti unia qui isínna len Benniha.

San Juan 3:16

’Tata Do Iyyabaaha nna raca juisianie gue ca benni, denuala nna udhelhe yies lo yu-ni neti Xiꞌinie Benni tturba donie, qui anáchu nna iyába ca benni tsia lecani neti nna bittu tsia nitticana, sinuqui gatta elha nabani guecani ttu dia liiba iyyabaaha.

San Juan 3:36

Nu ria leni gue Xiꞌinie-na gua teba elha nabani ttu dia lii gueni, nu bittuba tsia leni Ben-na nna lägabi elha nabani gue nua te ttu dia lii. Unnuha nna elha disa la yuꞌubia ute Tata Do Iyyabaahaba ralha nua dhína.

San Juan 5:21

Cumu attiba Tataha runie reacani ca nu yatti-na rote elha nabani guecani, aníaguaba neti Xiꞌinie-ni rutea elha nabani gue ca benni raca lasia utea elha nabani guecani.

San Juan 5:26

Cumu attiba Tata quia do iyyabaaha lee rute elha nabani, aníaguaba neti Xiꞌinie-ni benguabe aca benni rute elha nabani.

San Juan 6:35

Jesús re cana: —Neti anca ttaxtila rute elha nabani ttu dia lii. Benni itana len neti nna tsa lärgabi ttun nua, nu tsia leni neti nna tsa lärgabi ebis nua.

San Juan 6:44

Ni ttu benni lä isíana anátteba len neti gan läba Tata quia Benni udhelhe neti unie itana. Neti nna unia eyaquinna attu libe gansi chi bisía sá lhuxa.

Hechos 3:15

Lebiꞌi nna Benni rute elha nabani gueriha la bettile. Ttiaca Tata Do Iyyabaaha nna benie beaquin Benniha, belhidhe Benniha lheꞌe baa atta yuꞌu ca nu yatti-na. Riꞌitu ancatu benni biyú lotu gue iyá nu uca.

Romanos 4:17

Attiba rá lo ca sitsi gue Tata Do Iyyabaaha atta rinnee rulise Abraham: “Neti bodúa lu acalu tata gue ixeru ca benni tseꞌe yies lo yu-ni.” Denua nna anca Abraham tata gue iyábari lo Tata Do Iyyabaaha benni güia lebi guee. Tata Do Iyyabaaha anque benni runie reacani ca nu yatti-na, runie riseꞌe nu bittu chi te lhe.

Romanos 8:2

Cumu Espíritu gue Tata Do Iyyabaaha Benni rute elha nabani gueri de chi ancari benni gue Jesucristuha, Ben-na chi bodile neti lo ca tulha quia lhe lo elhuttiha lhe ca unná nna lärga rinnabiacana neti.

1 Corintios 15:18

Ttirca anía anca, ca benni utti ria lecabi Cristu, dia nittiba ca biꞌiniha gan nía.

1 Corintios 15:29

Gansi bittuba gualí reacani ca nu yatti-na, ¿bi lunna run ca nu readi inda cuenta gue ca nu chi utti-na? Ganna bittu xa reacaquin ca unná, ¿biacala readi ca benni inda cuenta gue ca unná ganna?

2 Corintios 4:14

Riꞌitu nna yubatu, Tata Do Iyyabaaha Benni benie beacani Jesús Benni bananie ri, gunbe eyaquintu attiba benie beacani Jesús. Itupaba lentu le echee atta doe.

Filipenses 1:23

Tsitsiba anca len neti ucueea delo chupa ca unní: ttu rita racatia nna güenrula anca gattia qui eyyaꞌaya atta do Cristu, cumu unní ancana ttu nu tseeru len neti.

Filipenses 3:10

Neti nna rdaca unbia tseerua Cristu, dhia elha ra xxen lee bete Tata Do Iyyabaaha len Benniha qui beacanie dequide uttie lhe rdaca guaba satea loesi nu guate Benniha lhe dhielha utticana neti attiguaba uxielha Benniha betticane lhe.

1 Tesalonicenses 4:14

Cumu attiguaba ria leri gualíba utti Jesús nianna beacanie attu libe, aníaguaba ria leri uni Tata Do Iyyabaaha, eyacani ca benni chi utti ria lecabi Jesús qui esíacabi len Ben-na.

Apocalipsis 1:18

anca Benni do baniha lhe. Neti nna uttiba, ttiaca nnanna nna anca Benni anca bani ttu dia lii. Neti denia ca yagüi gue elhuttiha, gue atta seꞌe ca nu yatti-na lhe.

Apocalipsis 20:5

Ca biꞌin-ni nua ca benni yatti beacani primerba. Adí ca nu yattiha nna läga beacattequin ca unnuha. Dequide liba ute mil ida nna beacaquinna.

Apocalipsis 21:4

Lee nna uxíe locani inda ribesicana. Tsa lärga nurua gatti lhe nutturguaba nu cuesi lhe lä elenruguabaquinna lhe lä uyúrguabacana elha disa lhe cumu iyába nu uca ttuha nna chiba ute nua.

Apocalipsis 22:1

Ingeliha nna beleꞌenbi neti ttu yoo nari che inda rute elha nabani ttu dia lii. Indaha nna anque yaa rilá saba lheꞌe attiba lheꞌe tu iyya guana, benniha nna riríe atta du xxila do Tata Do Iyyabaaha rinnabie, atta do Benni anque Carneꞌeha lhe.

Apocalipsis 22:17

Espíritu gue Tata Do Iyyabaaha lenie benni utsá náque leni Benni anque Carneꞌeha, ráque Benniha: “¡Betaa!” Ca benni iyienini ca tisa-ni nna innáguabacana: “¡Betaa!” Benni rebisi inda nna gansi raca leni nna itana iꞌiyana inda rute elha nabani ttu dia lii. Lana nna tsa lägabi dhaquinna inda-na.