San Juan 10:3 - Zapoteco de Aloápam

³ Nu du rapa roꞌo curraliha nna nua nna ridhalbana puertaha ritaꞌa nu ria lo ca nua. Ca carneꞌeha nna reon biacana tsiꞌi nu ria locaniha. Lana nna raxxína ca nua coa ttuttu ca nua rudettina lácani qui cueancana lheꞌe curraliha.

San Juan 10:3 Iomraidhean Croise

San Juan 10:14

’Neti anca attiba ttu benni ruyú tsee ca carneꞌe gueni. Anca biatia ca carneꞌe anca quia, anáguaba ca nu anca quia nna anca biaguabaquinna neti.

San Juan 10:16

Seꞌe guabatia adí ca carneꞌe bittu babacana len ca nu seꞌe-ni. Lacana lhe saxía, ca unnuha nna güiyienbaquinna quia. Lania nna ttuba eyaca iyábacana, ttu guaba benni gape cana lhe.

San Juan 10:4

Dequide chi uleana iyá ca nu anca gueni nna rinerttebana lo ca nua. Ca unnuha nna ranottebacan na cumu reon biacana tsiꞌini.

San Juan 10:9

Neti anca puerta du roꞌo curraliha. Benni gaꞌana atta dua nna gualába nua. Unnuha nna acana attiba ttu carneꞌe rería retaꞌabana lheꞌe curraliha, saxxacana nu gona lhe.

San Juan 6:37

Iyába ca benni rute tata quia len neti nna guadába ca nua len neti. Ca benni daa len neti nna läga odequia ca nua.

San Juan 6:45

Lo ca sitsi bocaꞌa ca profeta nna rá: “Tata Do Iyyabaaha uleꞌenie iyába ca benni.” Larcala nna iyába ca nu bienquinna gue Tataha lhe bideticana guee lhe dacana len neti.

Romanos 8:30

Ca benni chi gaꞌananie acacabi xiꞌinie nna ca biꞌinihaguaba uxie lo neda guee, ca benni uxie lo neda guee nna benie acacabi benni bitturu tulha gueni te, ca benni benie acacabi benni bitturu tulha gueni te nna benie acacabi benni inná xxeni leni lo Ben-na.

1 Corintios 16:9

Cumu nnannala chi bealga lo neda quia qui aca quixxiꞌarua ca tisa gue Jesús, masquiba anáguaba seꞌe ixe ca nu bittu raca uyúcana neti.

Filipenses 4:3

Anáguaba lu, biꞌini raca umpanieru quia, lu nu bittu rudhá iquilu neti lo sina gue Jesús, rinnaba lenlu unlu yuda ca benni nuila-ni. Ca biꞌin-ni nna tsitsiba guatecabi len neti utixxiꞌatu ca tisa gue Jesús, lencabi Clemente lhe adírba ca biꞌini bencabi neti yuda lhe. Ca biꞌin-ni nna chiba dia lácabi lo libro atta dia lá ca benni gatta elha nabani guecabi ttu dia lii iyyabaaha.

Colosenses 4:3

Gualinnabaguaba lenie guetu qui idhalie neda guetu quixxiꞌatu ca tisa gue Cristu te gatsi bittu chi yu benni desdeba atti nía. Cumu de lo niꞌa gue ca tisa-ni nna tea lisiyya.

2 Timoteo 2:19

Ttiaca Tata Do Iyyabaaha nna chiba bocaꞌan tsitsie ca tisa rixxiꞌe gue nu anca gualí runi seꞌe tsitsiri, lee anque attiba ttu cimientu atta dia loni rixxiꞌia rá: “Anca biasani Tata Do Iyyabaaha ca benni anca guee.” Ráguaba: “Iyába ca biꞌini rácabi ancacabi gue Cristu, iriescabi lheꞌe nu lä anca tsee.”

1 Pedro 1:12

Ttiaca Tata Do Iyyabaaha nna utixxiꞌabanie ca biꞌiniha läga aca nua tiempu atti seꞌecabi yies lo yu-ni, sinuqui tiempu seꞌeri nnanna liba aca nua. Nnanna nna iyyabaaha li udhelha Tata Do Iyyabaaha Espíritu guee qui raca lanie ca benni requi rixxiꞌa ca tisa gue Jesús, ca tisaha ben-na chi utixxiꞌencabi lebiꞌi. Unní nna axta ca ingeli-na ridá lecabi ilencabi-na.

1 Juan 4:6

Riꞌi nna ancabari gue Tata Do Iyyabaaha. Ca benni ancabiaquinna Benniha nna gua rudoba nagacani gueri, ttiaca ca benni bittu ancacana gue Tata Do Iyyabaaha nna läga rudo naga ca nua gueri. Aná nna ritedeenri ga duu nu chee Espíritu gue Tata Do Iyyabaaha rixxiꞌa nu anca gualí, ga duu nu chee be xxegüi rinne nu bittu anca gualí lhe.

3 Juan 1:14

cumu neti nna xen lasia gaxa uyúba loesri, qui inne lania cuinaga luu.

Apocalipsis 20:15

Níaguaba biruꞌuna ca nu bittu besela lácani lo libro atta dia lá ca benni gatta elha nabani guecani ttu dia lii.

Apocalipsis 3:20

Gualgüiarga, neti nna dua roꞌo puerta-ni rinnea. Gansi nuxa iyieninna tsiꞌa nna idhalna puerta-na, neti nna gaꞌaya atta donaha qui ttulapaba go rse lania na.

Apocalipsis 7:17

Cumu Benni anque Carneꞌe du rulha gue atta du xxila do benni rinnabia-naba aque benni gape cana attiba ttu benni ruyú carneꞌe. Ben-na ichee cana roꞌo dina atta riyaa inda rute elha nabani ttu dia lii qui iꞌiyacana. Tata Do Iyyabaaha uxíe roꞌo locani inda ribesicana.