San Juan 10:2 - Zapoteco de Aloápam

² Nu ritaꞌa daca roꞌo puertaha liba nna ancana nu ruyú ca carneꞌe-na.

San Juan 10:2 Iomraidhean Croise

San Mateo 15:11

Läganu ro ca benni runna acacana nu anca tsiga lo Tata Do Iyyabaaha, sinuqui nu riría roꞌo libácani runna acacana nu anca tsiga lo Ben-na.

San Juan 10:14

’Neti anca attiba ttu benni ruyú tsee ca carneꞌe gueni. Anca biatia ca carneꞌe anca quia, anáguaba ca nu anca quia nna anca biaguabaquinna neti.

San Juan 10:7

Jesús re ca benni seꞌe nía attu libe: —Neti nna gualíbatia ria, neti anca puerta du roꞌo currali atta retaꞌa ca carneꞌe-na.

San Juan 10:9

Neti anca puerta du roꞌo curraliha. Benni gaꞌana atta dua nna gualába nua. Unnuha nna acana attiba ttu carneꞌe rería retaꞌabana lheꞌe curraliha, saxxacana nu gona lhe.

Hechos 20:28

Larcala nnanna nna rulisa le, gualtseꞌe tsitsi, gualuyú ca benni ruleꞌenle nna atta chi bodú Espíritu gue Tata Do Iyyabaaha le acale nu lo gue ca biꞌin-na. Attiba ttu benni rapa carneꞌe tsitsi gualuyú ca benni chi anca gue Jesús, cumu leni reni belali Benniha lo ya crusiha nna benie aca ca biꞌin-na guee.

1 Timoteo 4:14

Bittu aquinlu lä ixuubinlu elha tsee chi bete Tata Do Iyyabaaha lenlu. Gue unnuha nua utixxiꞌa ca benni teru elha rieni guecabi atti bexxúa nácabi iquiluha.

Tito 1:5

Bodhaꞌana lu lo yu re lagüi indattoo te láni Creta-na qui uluxalu sina gue Tata Do Iyyabaaha reasa aca naa. Lu nna benba attiba chi benia lu mandadu unlu, lheꞌe ttuttu ca yiesi-na boseꞌe ca benni teru elha rieni guecabi qui tseꞌecabi lo ca benni ria le Cristuha,

Hebreos 13:20

Tata Do Iyyabaaha Benni runie seꞌeri xen su leri, benie beacani Jesucristu Benni bananie ri, belhidhe Ben-na lheꞌe baa atta yuꞌu ca nu yatti-na lhe. Lee anque benni ra xxeni lee ruyúe ri attiba ttu benni ruyú carneꞌe gueni. Leni reni belali Ben-na lo ya crusiha bocaꞌan tsitsi Tata Do Iyyabaaha tisa nu begüee len riꞌi, tisa-ni ben-ni ixuue ttu dia liiba.

1 Pedro 2:25

Cumu lebiꞌi nna requibale ttua attiba requi carneꞌe biganna ttiaca nnanna nna chiba besíale len Cristuha, Benniha ruyúe le attiba ttu benni re lo carneꞌe, qui bittu bi dhacale.

1 Pedro 5:4

Aná nna gansi chi besía Jesús Benni anque nu rinnabia xeni anca nu lo gue ca benni ruleꞌeni adí benni nna lebiꞌi nna dhíle ttu nu unna cue xen lhe anca attiba corona gaꞌana tsee bittu iseꞌelona.

Apocalipsis 1:20

Unní diani gasi ca beli bilenlu denia leni ná derechu quia, a gasi ca candeleru anca leni oro-na lhe. Gasi ca beli-na ancacana gasi ca ingeli ruyúcabi ca benni ria lecani neti seꞌe lheꞌe gasi ca yies-na, gasi ca candeleru-na nna ancacana ca benni ria lecani neti seꞌe lheꞌe gasi ca yies-na.