San Juan 10:16 - Zapoteco de Aloápam

¹⁶ Seꞌe guabatia adí ca carneꞌe bittu babacana len ca nu seꞌe-ni. Lacana lhe saxía, ca unnuha nna güiyienbaquinna quia. Lania nna ttuba eyaca iyábacana, ttu guaba benni gape cana lhe.

San Juan 10:16 Iomraidhean Croise

San Mateo 17:5

Laca sna rinneba Pedro nna ucaxxetteba ttu bea ruꞌu xieni gueni, uyuꞌuna atta seꞌe ca benniha. Lheꞌe beaha nna bientteba tsiꞌi ttu Benni unnee re: —Benni anque xiꞌinia, Benni racaxxattatia guee. Len lee do tseea. Gue Ben-ni gualdo nagale.

San Lucas 15:8

’O si ttu nuila denna tsii ca belhi, nianna udelhana ttu nua, ¿läba ganna ugalhattebana ttu gui lhe ulhubana lheꞌe yoꞌo gueniha eguila te suna axta qui eselinna nua?

San Juan 10:11

Neti anca attiba ttu benni ruyú tseena ca carneꞌe gueniha. Nu ruyú tseena ca carneꞌe gueniha nna rerú iqui rerú leni rute elha nabani gueni cuenta gue ca carneꞌeha.

San Juan 10:2

Nu ritaꞌa daca roꞌo puertaha liba nna ancana nu ruyú ca carneꞌe-na.

San Juan 10:27

Ca benni anca attiba carneꞌe quia nna gua rienbaquinna tsiꞌa rinnea. Neti nna anca biatia cana, lacana nna denocana neti.

San Juan 10:3

Nu du rapa roꞌo curraliha nna nua nna ridhalbana puertaha ritaꞌa nu ria lo ca nua. Ca carneꞌeha nna reon biacana tsiꞌi nu ria locaniha. Lana nna raxxína ca nua coa ttuttu ca nua rudettina lácani qui cueancana lheꞌe curraliha.

San Juan 10:4

Dequide chi uleana iyá ca nu anca gueni nna rinerttebana lo ca nua. Ca unnuha nna ranottebacan na cumu reon biacana tsiꞌini.

San Juan 10:5

Delo attu nu subi nna läga ranocan nua, ruxunni lacana lo nua, de bittu anca biaquinna tsiꞌi attu nu subi.

San Juan 11:52

Bittuguaba sunru qui lhá ca benni Israel, anáguaba gatti guabe qui ottupe iyárecha ca xiꞌini Tata Do Iyyabaaha seꞌe gatti laduba.

San Juan 17:20

’Läga sunru gue ca unní rinnaba lolu, rinnabaguaba gue ca nu tsia lecani neti gansi chi biyienquinna ca tisa quixxiꞌa ca unní.

San Juan 6:37

Iyába ca benni rute tata quia len neti nna guadába ca nua len neti. Ca benni daa len neti nna läga odequia ca nua.

Hechos 15:14

Simón-ni chi utixxiꞌenbi ri gue gasná uca desde primeroha li uca lani Tata Do Iyyabaaha ca benni bittu anca benni Israel-na, qui ulequiesie ca benni aca guee lheꞌe yiesi gue ca unná.

Hechos 18:10

Neti nna guadúba lania lu. Larcala läganu dhana bixa udhaquinna lu, cumu lheꞌe yies-ni nna ixe ca benni chi gaꞌanatia acacana quia seꞌe.

Hechos 22:14

Labi nna ráttebabi neti: “Tata Do Iyyabaaha gue ca benniola gueriha chi becuee lu qui unalu nu raca lee unlu, qui ilenlu Jesús Benni runi nu anca tsee lo Ben-na lhe qui iyieninlu ca tisa rinne cuinaga Ben-na lhe.

Romanos 11:25

Ca benni ria le Jesús, neti nna raca lasia unale gue nu run Tata Do Iyyabaaha bittu chi bina ca benni, qui bittu unle ttaba aquinle dequi tsitsiba chi yule. Chiba gaꞌana aca ttulhe ca benni Israel-na nu diti bittu tsia lecani Tata Do Iyyabaaha, axta liba edaꞌa ca benni bittu anca benni Israel udaxxucana neda gue Tata Do Iyyabaaha, lania liba nna tsia le adí ca benni Israel-na Ben-na.

2 Tesalonicenses 2:13

Tiaca riꞌitu nna satíaba labíaba rutetu xquixaru len Tata Do Iyyabaaha guele, lebiꞌi, ca benni ria le Jesús, racani Jesús Benni bananie ri-na guecani. Rutetu xquixaru len Tata Do Iyyabaaha cumu Benniha chi becuee le atti deobali cue yies lo yu-ni qui lhále. Lebiꞌi nna lhále cumu Espíritu gue Ben-na runie le benni seꞌe riesi lheꞌe nu lä anca tsee qui acale nu anca nari loe, de ria lele nu anca gualí lhe.

Hebreos 13:20

Tata Do Iyyabaaha Benni runie seꞌeri xen su leri, benie beacani Jesucristu Benni bananie ri, belhidhe Ben-na lheꞌe baa atta yuꞌu ca nu yatti-na lhe. Lee anque benni ra xxeni lee ruyúe ri attiba ttu benni ruyú carneꞌe gueni. Leni reni belali Ben-na lo ya crusiha bocaꞌan tsitsi Tata Do Iyyabaaha tisa nu begüee len riꞌi, tisa-ni ben-ni ixuue ttu dia liiba.

1 Pedro 2:10

Lebiꞌi ca tu ttua nna läga ancale benni lo yiesi gue Tata Do Iyyabaaha, ttiaca nnanna chi ancale benni lo yies gue Ben-na. Ca tu ttuha nna tsa läganu ratúa len le, ttiaca nnanna nna Tata Do Iyyabaaha ratúa lee le.

1 Pedro 2:25

Cumu lebiꞌi nna requibale ttua attiba requi carneꞌe biganna ttiaca nnanna nna chiba besíale len Cristuha, Benniha ruyúe le attiba ttu benni re lo carneꞌe, qui bittu bi dhacale.

1 Pedro 5:4

Aná nna gansi chi besía Jesús Benni anque nu rinnabia xeni anca nu lo gue ca benni ruleꞌeni adí benni nna lebiꞌi nna dhíle ttu nu unna cue xen lhe anca attiba corona gaꞌana tsee bittu iseꞌelona.

Apocalipsis 3:20

Gualgüiarga, neti nna dua roꞌo puerta-ni rinnea. Gansi nuxa iyieninna tsiꞌa nna idhalna puerta-na, neti nna gaꞌaya atta donaha qui ttulapaba go rse lania na.