San Juan 10:15 - Zapoteco de Aloápam

¹⁵ Attiba tata quia anca bienie neti, anáguaba neti anca biaguatie. Neti utea elha nabani quia qui odiláya ca benni, attiba ttu benni re lo ca carneꞌe rerú iqui rerú leni elha nabani gueni rutena cuenta gue ca carneꞌeha.

San Juan 10:15 Iomraidhean Croise

San Mateo 11:27

’Tata quiaha nna iyába betee las náya. Tsa läganu yu gattigasná anca Xiꞌini Tata Do Iyyabaaha, sunruba lee yue nuxa anca Xiꞌinie. Nuttuguaba yu gattigasná anca Tataha lhe sunruba neti Xiꞌinie-ni yua nuxa anque, ca benni raca lasia quixxiꞌatia cana gue Benniharba nna yucana nuxa anque.

San Mateo 20:28

Attiba neti, Benni unbiyuu daa iyyabaaha, läga delha yies lo yu-ni qui udá ná ca benni loa, sinuqui delhaba qui udá náya lo ca benni, gattia utea elha nabani quia qui lhá ixeru ca benni qui bittu tsia nitticana lhe.

San Lucas 10:21

Snaba lania nna Espíritu gue Tata Do Iyyabaaha benie beꞌo tsitsia le Jesús, nianna re Tata Do Iyyabaaha: —Tata, cuinalu ancalu Benni banani iyyabaaha lhe yies lo yu-ni lhe. Neti ribequi xenia lu de bittu begüeelhalu ttedaani ca nu rá ancacana nu yu te elha rien guequinna gue nu ria-ni, lu nna benlu ttedaaquin ca benni bittu ra xxeni leni gue unní. Gualíba, Tata, cumu anába beda le cuinalu unlu.

San Lucas 10:22

’Tata quiaha nna iyába nu tee betee las náya. Tsa läganu yu gattigasná anca Xiꞌini Tata Do Iyyabaaha, sunruba lee yue nuxa anca Xiꞌinie. Nuttuguaba yu gattigasná anca Tataha lhe sunruba neti Xiꞌinie-ni yua nuxa anque, ca benni raca lasia quixxiꞌatia cana gue Benniharba nna yucana nuxa anque.

San Juan 1:18

Tsa läganu chi bilenna Tata Do Iyyabaaha. Benni anque tturbe xiꞌinie, ancaguabe Dios, doe cuitta tata guee, Ben-na beleꞌe loe gaxasná anca Benniha len riꞌi.

San Juan 10:11

Neti anca attiba ttu benni ruyú tseena ca carneꞌe gueniha. Nu ruyú tseena ca carneꞌe gueniha nna rerú iqui rerú leni rute elha nabani gueni cuenta gue ca carneꞌeha.

San Juan 15:13

Tsa läga nu benni te racaruinna gue ca benni seꞌe tsee lenna atti ttu benni dhielhana uttican na qui lhá ca benni seꞌe tsee lenna.

San Juan 17:25

Tata, lu ancalu Benni runi nu raxxína anca lhixxa. Ca benni bittu ria lecani lu seꞌe yies lo yu-ni nna läga anca biaquinna lu, ttiaca neti nna anca biabatia lu. Ca benni seꞌe len neti ni lhe chiba yucana luba udhelhalu neti.

San Juan 6:46

’Tsa läganu chi bilenna Tata quia do iyyabaaha, sunruba neti Benni delha atta doe chi bilátie.

San Juan 8:55

Lebiꞌi nna läga anca bienle Benniha, netirguaba nna anca biatie. Gansi innía bittu anca biatie nna lania nna anca ttu nu run leni attiba lebiꞌi, ttiaca gualíba anca biatie lhe rudoa tisa gue nu re lhe.

Gálatas 1:4

Jesucristuha uxielhabe betticane lo niꞌa gue ca tulha gueri. Anía uca qui bodile ri lo nu lä anca tsee raca yies lo yu-ni. Benbe attiba raca le Tata Do Iyyabaaha Benni anque Tata gueri.

Gálatas 3:13

Cumu riꞌi nna Cristuhaba bete elha naban guee qui bodile ri lo ca ley-na, qui bittu cuꞌu quixa gueri de bittu rudori tisa gue nu rá lo ca ben-na. Cristuhaba uluꞌu utixe cuenta gueri qui bodile ri. Cumu lo ca sitsi gue Tata Do Iyyabaaha nna rá: “Iyába ca nu ritácana lo ya crusi, ancacana nu riguꞌu riguixa guecani.”

Efesios 5:2

Gualtseꞌe gualaquin gue iyába benni attiba ucani Jesús gueri. Benniha nna ucaba lee bete elha nabani guee qui uttie lo niꞌa gueri. Lee nna uque attiba ttu úna nu rure xixxi lo Tata Do Iyyabaaha.

Tito 2:14

Lee nna uxielhabe betticane qui utixe gue ca tulha gueri. Anía liba nna lhári lo iyá nu lä anca tsee benri, qui acari benni chi anca nari anca guee lhe nu tsaba udona leni uni nu anca tsee lhe.

1 Pedro 2:24

La laba Cristuha bedelha cuꞌe yua gue ca tulha gueriha atti uttie lo ya crusiha, qui riꞌi nna tsa ocaꞌanri nu lä anca tsee runriha attisiba chiba uttiri, ttiaca nnanna seꞌeri anca banri qui anáchu riꞌi nna tseꞌeri unri nu anca lhatsiru. Ca güee uca Cristuha nna benie qui beacale.

1 Pedro 3:18

Cumu Cristuha nna anáguaba guate Benniha, lo niꞌa gue ca tulha gueri, ttu libeba uttie qui utixe gue iyábacana. Benniha anque ttu Benni bittu tulha guee te, ttiaca chi uttie lo niꞌa gueri nu te tulha gueni, anía liba nna eche Ben-na ri len Tata Do Iyyabaaha. Cuerpu gueeba Benniha utti, ttiaca atti beacanie nna anca banba espíritu gue Benniha do lheꞌe cuerpu cubi guee.

1 Juan 2:2

Lee nna berú iqui berú lee uttie, cumu leni elhutti gue Benniha liba nna bebe nu risaꞌani Tata Do Iyyabaaha, anía liba nna dhie elha xen lasi gue ca tulha gueri. Bittu sunru riꞌi dhie elha xen lasi gueri, anáguaba dhie elha xen lhasi gue ca tulha gue ca benni seꞌe yies lo yu lhe.