Nu naxabana rena lo ca carneꞌeha nna atti rilenna daa sagueha nna ruseꞌe bixxina ca nua nía ruxunnina, cumu läga gueni ca nua, yaba le nu beaca gueni ca nua. Sagueha nna risinttebana rudaxxuna ca carneꞌeha, atti rutsiattebinna ca nua qui tsiacana gatti laduba.
Judas nna läga gualínna de ca nu bittu te guecaniha nua runna rána anía. De ancabana ubana nuarca rána anía, de laguabana denna beduti yuꞌu belhiha lhe lana nna chiba ancabienna rudaxxu sigána belhi ruꞌu lheꞌe nua.
Nianna iyábacana bedaxxuttebacana Sóstenes nu rinnabia lheꞌe yoꞌo atta rudheti ca benni Israel ca tisa gue Tata Do Iyyabaaha, snaba nía begüeelhabacana biꞌiniha. Ttiaca Galión nna niba saroꞌo lä betabinna gue nu ben ca nua.
Neti nna rdaca bittu tseꞌele ichacha iquile gue nu te yies lo yu-ni. Uncuiti bittu chi betsá nániha nna rudoru le nua unna nu anca gue Benni bananie ri-na, unna nu reꞌo le Ben-na lhe.